Biblia Todo Logo
온라인 성경

- 광고 -




Yirmeya 2:21 - MUKANDA WA MYIDI MUKULU

21 Meme Maweja-Nangila mvua munukune, mudibu bakune mionji ya mvinyo muimpe. Nuvua bu maminu mimpe amvua mukune mu buloba. Kadi nudi banyanguke bua tshinyi? Nukadi bu mionji ya mvinyo mibole, indi tshiyi mua kumanya kabidi to.

장을 참조하십시오 복사

Mukanda wa Nzambi Dihungila Dikulukulu ne Dihungila Dihia-dihia 2003

21 Kadi nakakutentula bu muonshi mutambe buimpe, bu muonshi wakadi anu ne maminu makane; wakandamuka kundi bu matamba munyanguke a muonshi wa bende munyi?

장을 참조하십시오 복사




Yirmeya 2:21
27 교차 참조  

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.


Yeye awu kukonka Yakobe ne: — Dina diebe nnganyi? Yakobe kumuandamuna ne: — Ndi Yakobe.


Mvidi Mukulu wetu, tudi badiumvuile ne matshi etu, baledi betu ne bankambua bavua batuambile, malu manene auvua muenze ku kale mu tshikondu tshiabu.


Mvidi Mukulu wa bukole buonsu, utupingaje kuudi, utuakidile netupande.


Wewe kutula mutshi wa mvinyo mu Ejipitu, wewe kuipata bisamba bia bantu bua kuukuna tshiakabidi.


Maweja-Nangila, wewe kubafikisha, kubasombesha, pa mukuna uudi mudisunguile, pa muaba uudi musue kusomba, mu nzubu wa tshijila uudi mudiashile.


Mmunyi muvua tshimenga tshia bantu bavua bangitaba, tshiandamuka tshia bena buendenda? Tshimenga tshivua bantu banemekangana, banemeka ne bintu bia bantu bakuabu, mpindiewu tshikadi tshimenga tshia bashipianganyi.


Dituku adi, nuimbe musambu, nusamune budimi buanyi bua mvinyo, budi bupatula mvinyo musheme.


Izrayele, muena mudimu wanyi, tshisamba tshia Yakobe tshimvua musungule, ndelanganyi ya Abrahame, mulunda wanyi, teleja.


Tshingenzela kabidi budimi buanyi, tshimvua tshiyi muanji kuenza ntshinyi? Meme kutekemena tumuma tua nsongu, kadi bobu kukuama amu tua bululu!


Bantu bebe bonsu nebalame meyi anyi. Kabakubipata kabidi mu ditunga diebe. Ke bantu bamvua mufuke ne bianza bianyi, bua baleje bantu bakuabu butumbi buanyi. Badi bu mitshi indi mukune mu lupangu luanyi.


bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.


Meme kuinyika tshisamba tshianyi dina ne: “Mutshi wa olive udi usasa, ukuama bimuma bisheme.” Kadi munkatshi mua tshipepele tshia mvunde, meme kuosha mabeji atshi, kuosha matamba onsu awu.


Maweja-Nangila wa bukole buonsu uvua mukune Izrayele ne Yuda. Kadi udi ubambila lelu ne: nennubutule. Dikenga edi nedinukuate bua bubi bunuvua benze. Bualu nuvua bampende, balambule mvidie Baale milambu.


Nentume baluishi bua kunyanga madimi abu a mvinyo adi pa mikuna. Kadi kabakunyangakaja madimi onsu to! Nebakose matamba adi kaayi anyi meme Maweja-Nangila!


Tshiamu tshia mpawungi etshi tshivua tshimpe, tshiengelela bikole, muditshi tshibuitshidile nunku mmunyi? Mmunyi mudi mabue a tshijila matangalake ku mielelu yonsu ya njila?


— Yezekiyele, mionji ya mvinyo idi ne mushinga mupite wa mabaya a mitshi ya ditu anyi?


— Telejayi lusumuinu lukuabu. Kuvua muntu ne budimi buende. mMukunemu mionji ya nwinyo. Kunyungululaye budimi abu ne lupangu. Kumbulaye kabidi tshiina bua kuasamu tshikaminu tshia maluvu. Kuasaye kazubu katumbuke ka batentekedi. Pashishe kushilaye bena mudimu budimi buende bua nwinyo ebu. Kuyaye ku luendu.


Yezu kubanga kubambila malu mu nsumuinu ne: — Kusua muntu mukune mionji ya nwinyo mu budimi. Kubuelaye mu lupangu, kumbulaye tshiina tshia tshikaminu tshia tumuma, kuibakaye kazubu ka batentekedi.” Pashishe kushilaye bafutshidi budimi abu, kuyaye ku luendu.


Ke Yezu kuelela kabidi bantu lusumuinu ne: — Muntu uvua mukune mionji ya nwinyo. Kushiyaye budimi abu kudi bafiitshidi. Kuyaye ku luendu lua matuku a bungi.


— Meme ndi mutshi wa nwinyo menemene. Tatu wanyi ke muena budimi bua nwinyo ebu.


Baluishi abu, badi amu bu bena Sodome ne bena Ngomore. Mbafuanangane ne mutshi wa mvinyo, udi ukuama tumuma tua bululu ne tua lulengu.


Maweja-Nangila uvua wenza bionsu ebi, bualu uvua unanga bankambua benu. Kabidi uvua munusungule nuenu ndelanganyi yabu. Kunupatulaye mu Ejipitu ku bukole buende.


Bena Izrayele bavua benzela Maweja-Nangila mudimu, matuku onsu avua Yoshuwa mutshikale ne muoyi. Yoshuwa mumane kufua, bena Izrayele bavua amu benzela Maweja-Nangila mudimu, matuku onsu avua bakulu bavua bamone malu onsu awa Maweja-Nangila muenzele bena Izrayele bashale munkatshi muabu.


우리를 팔로우하세요:

광고


광고