Yirmeya 2:10 - MUKANDA WA MYIDI MUKULU

¹⁰ Nanku, nuye kukonka bantu badi mu bidiila bia bena Ngreke, banuambile. Nuye kukonka bena Arabe badi mu Kedare. Nenujadike ne: bobu kabena benza bibi, munudi nuenu nuenza to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nusabuke ku bisanga bia Kitima, numone; tumai bantu ku Kedâ, nuelangane meji bimpe; numone ne bualu bua mushindu eu bukadi bumueneke diambedi, anyi?

Yirmeya 2:10 교차 참조

Genese 25:13

Muanabute uvua Nebayote, balonda kudi Kedare, bamutua mu nyima kudi Adbeyele ne Mibsame,

1 Bakalenga 9:9

Nebabandamune ne: “Bualu bena Izrayele mbatombokele Maweja-Nangila Mvidi Mukulu wabu, uvua mupatule bankambua babu mu Ejipitu. Maweja-Nangila udi ubakengesha nunku, bualu bavua batendelela mvidie mikuabu.”

1 Kulondolola 1:7

Bana ba balume ba Yavane badi nenku: Elisha, Tarshishe, Kitime ne Rodanime.

1 Kulondolola 23:1

Mukalenga Davide mumane kukulakaja, kusungulaye muanende wa balume Shelomu bua ikale mukalenga wa bena Izrayele.

1 Kulondolola 23:12

Kekate uvua ne bana ba balume banayi: Amrame, Ishare, Ebrone ne Uziyele.

Misambu 120:5

Pandi nsomba mu ditunga dia Mesheke, ne mu nzubu ya ntenta ya bena Kedare, ndiakabi dianyi.

Yeshaya 21:16

Nenku Maweja-Nangila uvua mungambile ne: “Papita tshidimu tshimue, amu tufika dituku ditudi lelu, lumu lua Kedare nelujike.

Yeshaya 23:1

Badi bamanyisha malu adi atangila tshimenga tshia “Tire”. “Nuenu badi benda ne matu mu mayi manene, asayi muadi, bualu bavua babutula tshisabu tshienu, ne nzubu inuvua mua kunyemena, kuikishila.” Amu matu afika, afuma ku tshidiila tshia Kitime, ke bobu kushisha kumanya bualu ebu.

Yeshaya 23:12

Maweja-Nangila uvua muambe ne: “Nuenu bena Sidone, kanuena mua kusanka kabidi to. Tshimenga tshienu tshidi bu nsongakaji, udibu babuelela mu nzubu ku bukole. Nansha nuenu baye, basabuke mayi manene, bafike ku tshidiila tshia Kitime, kanuakupeta dikisha nansha kakese.

Yirmeya 49:28

Bua bena Arabe ba mu Kedare ne bua makalenga a Ashore bivua Nebukadnesare, mukalenga wa mu Babilone mutshimune, Maweja-Nangila udi wamba ne: Jukayi, nuye kuluisha bena Kedare. Nubutule bisamba bidi mu tshipela luseke ludi diba dipatukila.

Yezekiyele 16:16

Wewe kusungula bimue bia ku bilamba biebe bia mekala, bua kulengeja nabi miaba ya kutendelela mvidie. Wewe kudiolola pa bilamba ebi, kuditua mu buendenda. Bualu ebu ki mbuanji kuenzeka, ne kabuakuenzeka kabidi to.

Yezekiyele 27:21

Bena Arabe ne balombodi ba ditunga dia Kedare bavua basumbishangana nebe bintu. Batua bakufuta bana ba mikoku, mikoku ne mbuji.

Yezekiyele 27:6

Bavua benza mibambu ne mabaya a lusanga lua mu Bashane. Bavua bibake majuwa, benza ne bisasa, ne mitshi ya Sedre ya mu bidila bia bena Ngreke, balamikaku mibanga.

Yezekiyele 5:7

Nanku, meme Maweja-Nangila Mvidi Mukulu, ndi mbambila ne: nudi benze bibi bipite bidi bantu badi banunyungulukile kabayi benza. Kanuena balonde mikenji yanyi, kanuena bakumbaje meyi anyi. Kadi nudi balonde amu meyi a bisamba bidi nenu mutumba.

Danyele 11:18

Kunyima neaye ne mvita yende ku muelelu wa ditunga. Neakuate maloba a bungi, too ne padi mukalenga muenyi umutshimuna, umupingajila malu mabi onsu avuaye muenzele bakuabu.

Danyele 11:30

Bantu ba ku luseke ludi diba dibuelela nebafike ne majuwa a mayi. Nebamuluishe mvita. Neatekete mu maboku. Neapingane tshianyima. Nealuishe tshiakabidi tshisamba tshidi tshitue ndondu wa tshijila, bualu neumvuangane ne bantu badi babenga ndondu awu.

Dibadika 24:24

Majuwa adi afumina ku Kitime. Badi babuela mu ditunga nebakengeshe bena Ashure, kabidi ne ndelanganyi ya Ebere. Kadi nansha bobu badi babuela nebabutuke.”

1 Korente 5:1

Tudi bumvue bamba miaba yonsu ne: kuenu eku mbenze malu a bundu bupite, adi nansha bantu ba bisamba bikuabu kabayi benza. Bualu badi balonda ne: umue wa kunudi udi usomba ne mukaji wa tatuende!

Balombodi 19:30

Bonsu bavua bamone bualu ebu, kukemabu, bamba ne: — Katshia bena Izrayele bapatuke mu Ejipitu, katuena banji kumona benza bualu bua mushindu ewu to. Mbimpe tulondeshe bualu ebu, tukonkangane, tukebe tshitudi mua kuenza.