Yirmeya 19:3 - MUKANDA WA MYIDI MUKULU

³ Newambe ne: “Nuenu bakalenga ba bena Yuda, ne bena Yerushalayime, telejayi tshidi Maweja-Nangila Mvidi Mukulu wa bukole buonsu wa Izrayele wamba. Nentume dikenga muaba ewu. Bantu badi bumvua batela dikenga adi, matshi abu neapate bu bumvua dikubakuba.

Mukanda wa Nzambi Dihungila Dikulukulu ne Dihungila Dihia-dihia 2003

³ Ubambile ne, Unvuai bienu dî dia Yehowa, nuenu bakelenge ba mu Yuda ne bantu ba mu Yelushalema. Yehowa wa misumba, Nzambi wa Isalele, udi wamba ne, Monai, nentume makenga ku muaba eu; hunvua muntu yonso lumu luau, matshu andi neahate.

Yirmeya 19:3 교차 참조

Misambu 102:15

Tuetu bantu bebe tudi banange mabue ende, tudi tumvua luse bua nzubu yende idi mishale bibuwa.

Misambu 110:5

Maweja-Nangila udi ku diboku diebe dia balume. Neazaze bakalenga dituku dikalaye ne tshiji,

Misambu 2:10

Nuenu bakalenga, lejayi munudi ne meji. Nuenu baludiki ba buloba, londayi mibelu.

Yeshaya 28:19

Dinda dionsu, tshipupu netshinukuate, nansha bufuku katshiakunushila muaba. Bantu pumvuabu batshitela, nebafue bowa bunene!

Yirmeya 13:18

Yirmeya, ambila mukalenga ne mamuende ne: “Tulukayi mu nkuasa wenu wa lumu, sombayi panshi, bualu tshifulu tshienu tshia bumfumu ntshimane kupona panshi.

Yirmeya 17:20

Wambile bantu bonsu badi bapitshile ku mishiku ayi ne: “Nuenu, bakalenga, nuenu kabidi bena Yuda ne bantu bonsu badi basombe mu Yerushalayime, telejayi tshidi Maweja-Nangila wamba ne:

Yirmeya 18:11

— Yirmeya, mpindiewu ambila bena Yuda ne badi basombe mu Yerushalayime ne: “Maweja-Nangila udi wamba ne: ndi mupangadike bua kununyoka. Ndi nnulongoluela dikenga. Muntu yonsu alekele kuenza malu mabi. Nukudimune malu enu, enzayi amu malu mimpe.”

Yirmeya 19:15

— Maweja-Nangila Mvidi Mukulu wa Izrayele udi wamba ne: “Nentume makenga onsu amvua muambe ku tshimenga etshi ne mu misoku idi pabuipi natshi. Bualu badi basamu mbantombokele. Kabena bateleja diyi dianyi.”

Yirmeya 25:29

Tshiena mfuila tshimenga tshidi tshianyi meme luse. Ke nuenu kuela meji ne: katuena bena tshibawu. Nentume muele wa mvita, bua ushipe bantu bonsu badi mu buloba bujima. Ke mundi meme Maweja-Nangila wa bukole buonsu ngamba.”

Yirmeya 35:17

Yirmeya kuamba kabidi ne: — Ke padi Maweja-Nangila wa bukole buonsu, Mvidi Mukulu wa Izrayele wamba ne: “Nuenu bena Yuda ne bena Yerushalayime, nennutumine makenga onsu amvua mudianze kunumanyisha. Bualu mvua munubele, kadi kanuvua banteleje. Mvua munubikile, kadi kanuvua bitabe to.”

Yirmeya 44:3

Bualu bantu badi basombamu bavua bangenzele bibi, bamfikishe munda. Bavua baye kulambula ne kutendelela mvidie ya bantu ba bisamba bikuabu. Kadi mvidie ayi, nansha nuenu, nansha bankambua benu, kanuvua bayimanye to.

Yirmeya 6:19

Bantu bonsu ba pa buloba, telejayi: Nenkengeshe bantu aba bua kubanyoka bua buenzavi buabu. Bavua bapepeja bionsu bimvua mbambila. Bavua babenga meyi anyi.

Yezekiyele 7:5

“Meme Maweja-Nangila Mvidi Mukulu ndi ngamba ne: dikenga nedifike, dikenga dinudi kanuyi banji kumona!

Matayi 10:18

Nebaye nenu kudi balombodi ne bakalenga ba matunga bualu buanyi, bua nuenu kujadika bulelela buanyi kumpala kuabu, ne kumpala kua bantu badi kabayi bena Yuda.

Didimanyisha 2:29

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue!”

1 Samuele 3:11

Maweja-Nangila kuambila Samuwele ne: — Nenkengeshe bena Izrayele bikole. Dikenga adi nedikemeshe bikole bantu badi badiumvua.