Yirmeya 16:5 - MUKANDA WA MYIDI MUKULU

⁵ Maweja-Nangila kungambila kabidi ne: — Kufiki muaba udi tshitalu, kufiki muaba udibu bajika muntu. Kusambi muntu mu madilu, bualu tshiena kabidi bulunda ne bantu aba to! Tshiena mubamanye, tshiena mubanange kabidi to.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bua Yehowa udi wamba ne, Kubuedi mu nsubu wa madilu, kuyimu bua kubajinga anyi kubashila muadi, bualu bua nakûmusha ditalala dianyi, nduse luanyi lujalame kudi bantu aba.

Yirmeya 16:5 교차 참조

Misambu 25:6

Maweja-Nangila, vuluka ne: wewe udi Mvidi Mukulu wetu, kuonsu kuaka uvua utunanga, utufuila luse.

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Yirmeya 12:12

Pa mikuna idi kayiyi ne mitshi, mu tshipela, bena mvita bavua bamueneka, bafika bua kupawula bintu bidi bantu banyi nabi. Meme Maweja-Nangila ndi ntuma bena mvita aba bua babutule ditunga dijima. Muntu nansha umue kakusomba talalaa.

Yirmeya 13:14

Nembatutakaje mitu, baledi ne bana, bu mudibu batutakaja mulondu ne mukuabu. Tshiakufuila muntu nansha umue luse to. Nembabutule bonsu tshiyi nansha ne luse kashidi kanyi!”

Yirmeya 16:13

Nenku nennuipate mu ditunga edi, bua nuye mu dikuabu, divua baledi benu kabayi bamanye, dinuvua nuenu mene kanuyi bamanye. Kuine aku nenutendelele munya ne butuku mvidie ya bantu ba bisamba bikuabu. Kadi meme tshiakunuenzela kabidi bualu buimpe nansha bumue.”

Muadi 3:17

Kumbushaye ditalala mu mutshima wanyi, meme kupua muoyi mudi diakalenga.

Zekâya 8:10

Ku kale kabavua bafuta muntu, bua mudimu uvuaye wenza, nansha bua mudimu uwa nyama ikuata. Bantu kabavua mua kutambakana mu ditunga, bualu baluishi bavua miaba yonsu, kabidi meme mvua musongakaje bantu.

Dielulula 31:17

Nanku nembafikile munda, mbalekela, bua babakengeshe bikole kudi bisamba bikuabu. Nebajadike mudi makenga aa abenzekela, bualu meme Mvidi Mukulu tshiena kabidi munkatshi muabu.

Didimanyisha 6:4

Ke kabalu kakuabu kupatuka, kakunze. Uvua mubandepu, bavua bamupesha muele mutue, kabidi ne bumfumu bua kutangalaja mvita pa buloba, bua bantu bashipangane.