Yirmeya 15:1 - MUKANDA WA MYIDI MUKULU

¹ Kadi Maweja-Nangila kungambila ne: — Nansha Moshe ne Samuwele bandombe bua kufuila bantu aba luse, tshiena mua kuanyisha to. Yirmeya, ubipate, ubumushe kundi, baye!

Mukanda wa Nzambi Dihungila Dikulukulu ne Dihungila Dihia-dihia 2003

¹ Hashishe Yehowa wakangambila ne, Bu Mose ne Samuele bimane ku mpala kuanyi, tshiakadi kulesha bantu aba diakalengele. Ubihate ku mesu kuanyi, bahatuke biabo.

Yirmeya 15:1 교차 참조

Genese 19:27

Butshia pa kabundubundu Abrahame kuya muaba uvuabu bimane ne Maweja-Nangila.

2 Bakalenga 17:20

Nanku, Maweja-Nangila kubenga bena Izrayele bonsu, kubafila mu bianza bia bakengeshanganyi bua kubafuisha bundu. Pashishe kubipataye, kubatuma kule.

Misambu 106:23

Mvidi Mukulu kuamba ne: Ndi mbabutula, kadi Moshe, muntu uvuaye musungule, kuimanaye pankatshi, umukandika bua kayi kubutula bantu bonsu mu tshiji.

Misambu 99:6

Moshe ne Arone, ba munkatshi mua batuangaji bende, Samuwele wa munkatshi mua bavua babikila dina diende, bonsu aba kubikilabu Maweja-Nangila. Yeye uvua ubitaba.

Nsumuinu 14:35

Mukalenga wa ditunga udi wanyisha balombodi ba lungenyi. Kadi udi utandisha badi kabayi nalu.

Yirmeya 10:18

Maweja-Nangila udi wamba ne: Mpindiewu mona, nengipate bantu bonsu badi mu ditunga. Nembatutshishe bikole kabakupanda to.

Yirmeya 11:14

Nenku wewe Yirmeya, tshimenga etshi kuena mua kutshilombela kundi. Kuena mua kuntendelela nansha kunsengelela kabidi bualu buatshi to. Bualu padi makenga abakuata nebansengelele bua meme kubambuluisha. Kadi tshiena mua kubateleja to.

Yirmeya 14:11

Maweja-Nangila kungambila ne: — Kuena mua kuakuila bantu aba nansha kakese.

Yirmeya 14:12

Nansha bobu bajila biakudia, tshiena nteleja dilomba diabu to. Nansha bobu balambula milambu ya kuosha anyi milambu mikuabu, tshiena mua kuyanyisha to. Kadi nembashipe ku mvita, ku tshiyole tshia nzala, ne ku disanka dia tshiambu.

Yirmeya 15:19

Kadi Maweja-Nangila kungandamuna ne: Wewe mupingane kundi, nenkuakidile, ushale muena mudimu wanyi. Pawikala kuyi wamba kabidi malu a tshianana, kadi umanyishe bantu malu adi ne bualu, newikale tshiakabidi muambi wanyi. Meme nengikale mukana muebe. Bena Yuda badi ne bua kukulonda, kadi wewe kuena ne bua kubalonda bobu!

Yirmeya 16:13

Nenku nennuipate mu ditunga edi, bua nuye mu dikuabu, divua baledi benu kabayi bamanye, dinuvua nuenu mene kanuyi bamanye. Kuine aku nenutendelele munya ne butuku mvidie ya bantu ba bisamba bikuabu. Kadi meme tshiakunuenzela kabidi bualu buimpe nansha bumue.”

Yirmeya 16:5

Maweja-Nangila kungambila kabidi ne: — Kufiki muaba udi tshitalu, kufiki muaba udibu bajika muntu. Kusambi muntu mu madilu, bualu tshiena kabidi bulunda ne bantu aba to! Tshiena mubamanye, tshiena mubanange kabidi to.

Yirmeya 18:20

Badi mua kupingaja bubi pa buimpe anyi? Apu badi bateya buteyi bua kunkuata. Kadi vuluka mumvua muimane kumpala kuebe bua kubakuila, bua kaubafikidi munda.

Yirmeya 22:28

Bantu nebakonke ne: “Konya, udi muntu mufuanangane ne luesu lufue ludibu bimansha anyi? Udi bu tshintu tshia patupu anyi? Yeye ne bana bende mbabipate baye nabu mu ditunga didibu kabayi bamanye bua tshinyi?”

Yirmeya 23:39

nennuambule bu bujitu pa makaya anyi. Nennuimanshe nuenu, kabidi ne tshimenga etshi tshimvua munupeshe nuenu ne bankambua benu.

Yirmeya 35:19

Nanku, mu diku dia Yonadabe, muana wa Rekabe, nemuikale kabidi muntu udi mua kungenzela mudimu. Ke mundi meme Maweja-Nangila wa bukole buonsu Mvidi Mukulu wa Izrayele ngamba.”

Yirmeya 52:3

Malu avua menzeke mu Yerushalayime ne mu bukalenga bua Yuda tshikondu atshi, avua ajula tshiji tshia Maweja-Nangila. Nanku Maweja-Nangila kavua muanyishe bantu bende kabidi to. Ke Sedekiya kutombokela Nebukadnesare mukalenga wa mu Babilone.

Yirmeya 9:19

Nanku, nuenu bakaji, telejayi diyi dia Maweja-Nangila. Telejayi tshidiye wamba. Longeshayi bana benu ba bakaji mua kuela muyenga. Nsongakaji yonsu alongeshe muena mutumba nende, mudi kudila mushindu ewu:

Yezekiyele 14:14

Nansha bantu basatu aba, Nowa, Danele ne Yobe bikale munkatshi mua bantomboji aba, kadi amu basatu abu nkayabu nebasungidile mioyi yabu, bualu badi bangitaba. Meme Maweja-Nangila ndi ngamba nanku.

Yezekiyele 22:30

Mvua mukebe muntu uvua mua kuibaka tshimana, nansha uvua mua kuimana muaba uvuabu bakeba kushimbula, bua kunkandika bua tshibutudi tshimenga. Kadi tshiena mupete muntu nansha umue.

Osheya 9:15

— Maweja-Nangila kuamba kabidi ne: Tshikisu tshia bena Efrayime, tshivua tshimane kumueneka ku Ngilgale. Ke mumvua mutuadijile kubabenga. Nembipate ku nzubu kuanyi, bua buenzayi buabu. Tshiena mbananga kabidi to. Bualu bamfumu babu bonsu badi anu bantombokela.

Zekâya 3:3

Yeshuwa uvua muimane kumpala kua mutumibue wa Mvidi Mukulu, muvuale bilamba bia manyanu.

Dielulula 9:26

Meme kulomba Maweja-Nangila ne: “Mvidi Mukulu Maweja-Nangila, kubutudi bantu badi bebe, baudi mupikule, mupatule mu Ejipitu ku bukole ne ku bumfumu buebe.

Ebrewu 9:24

Bualu Kristu kena mubuele muaba wa tshijila muasa kudi bantu, uvua amu tshimfuanyi tshia muaba mulelela. Kadi mmubuele mu diulu menemene, mudiye udileja kumpala kua Mvidi Mukulu bualu buetu.

Balombodi 5:9

Mwoyi wanyi udi kudi balombodi ba bena Izrayele, kudi bantu badi badifila nkayabu ku mvita. Elayi Maweja-Nangila tuasakidila!

1 Samuele 12:19

Kuambilabu Samuwele ne: — Usengelele Maweja-Nangila Mvidi Mukulu wetu bualu buetu, bua katufu to. Bualu ku malu mabi onsu atudi benza, tudi basakidila kabidi bualu bubi bukuabu bua dilomba dia mukalenga.

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.

1 Samuele 7:9

Samuwele kuangata muana wa mukoku, kuulambula Maweja-Nangila, kuoshaye mujima. Pashishe kulombaye Maweja-Nangila bua afuile bena Izrayele luse. Maweja-Nangila kuitaba dilomba adi.