Yirmeya 12:4 - MUKANDA WA MYIDI MUKULU

⁴ Ditunga nedikale mu dikenga, bia mu madimi nebiume too ne ku diba kaayi? Nyama ne nyunyi ya mu ditunga idi ifua bua tshilema tshidi bantu benza. Bualu badi bamba ne: “Maweja-Nangila kena umona bitudi tuenza to.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Buloba nebuase muadi, ne midioko ya buloba buonso neyifubidile musangu bule bishi? Bua bubi bua bantu badi bashikamemu nyama ne nyunyu yakûmushibua ha buloba; bualu bua bantu aba badi bamba ne, Nzambi kena umona kunshikidilu kua malu etu.

Yirmeya 12:4 교차 참조

Misambu 107:34

buloba bua bufuke buenza bua lusenga, pikala badi basombapu benza malu mabi.

Misambu 50:21

Wamonyi biudi muenze! Udi musue bua ngikale amu mupuwe anyi? Udi muele meji ne: ndi bu wewe anyi? Nansha kakese! Ndi ukutandisha, nkuleja mibi yebe yonsu patoke!

Yeshaya 24:4

“Buloba budi mu madilu, budi bubutuka. Bukua bintu budi buenda bujimina, bubutuka. Diulu kabidi didi dienda dinyanguka, tshiapamue ne buloba.”

Yeshaya 24:6

Ke padi buloba bujima bupeta diakabi, bualu Mvidi Mukulu mmubuele mulawu. Bantu badi babuela mu dikenga, bualu bavua bapia tshibawu. Badi bajimina bonsu, bashale amu bungi bukese.

Yirmeya 12:11

Lupangu luanyi lukadi bu lububa. Bavua banyanga bionsu, ki mbashiya tshintu nansha tshimue! Utshidi nalu ne bualu nnganyi?

Yirmeya 14:2

Bena Yuda bonsu badi babungama, bimenga biabu bidi binyanguke. Badi mu bimenga badi basomba panshi kabayi ne disanka. Yerushalayime udi udila muadi, ulomba bua bamuambuluishe.

Yirmeya 23:10

“Ditunga ndiuwule tente ne bantu bena tshiendenda. Badi benza bibi ne disanka dionsu. Badi ne muoyi mukole anu bua kuenza malu mabi. Ke padi buloba mu madilu. Ke padi bisosa bionsu bia kudisha nabi nyama biume mu ditunga.

Yirmeya 4:25

Ndi mmona ne: kakutshiena bantu to. Nyunyi yonsu kabidi mmimane kubuka.

Yirmeya 4:28

Nanku, buloba nebudile muadi. Mulu nemuenze miidima. Ndi ngamba bindi mumane kuela meji bua kuenza. Tshiena nkudimuna meyi andi mumane kuamba to. Tshiena nshintulula bualu ebu to.”

Yirmeya 5:13

Bidi bambi benda bamba bidi bipite amu bu lupepele. Kabena bamba malu mu dina dia Maweja-Nangila to. Malu adibu bamanyisha abakuate amu bobu!”

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yirmeya 7:20

Nanku, Maweja-Nangila Mvidi Mukulu udi wamba ne: “Nennyoke tshimenga tshijima etshi, bantu, bimuna, mitshi ne bintu bionsu bidi mu madimi. Dinyoka dianyi nedikale dikole bu kapia kadi kakayi kajima.”

Yirmeya 9:10

Maweja-Nangila udi wamba ne: “Nengandamune Yerushalayime ashale dikolu, muaba udi nyama ya mibuabua isomba. Bimenga bia bena Yuda nebishale tshipela, kabiyi ne bantu to.”

Yirmeya 9:9

Ndi ngela miyenga bualu bua mikuna. Ndi ndila muadi mukole, bualu bua mpata ya mu ditunga. Bualu bintu bionsu bivuamu, mbamane kubinyanga, kubiosha. Muntu kena upitshilamu kabidi to. Nansha muadi wa bimuna kawena umvuikamu kabidi to. Nyunyi ne nyama ya muitu mene mbijiminemu, mbimane kuya bionsu.

Osheya 4:3

Nanku, mu ditunga nemuikale munanga mukole, udi ubutula bantu bonsu, too ne nyama ne nyunyi. Nansha minyinyi ya mu mayi manene neijimine.”

Yowele 1:18

Telejayi mudi nyama itua mikemu! Bisumbu bia ngombe bidi bitambakana nseke yonsu, bualu kayena kabidi ne bisosa bia kudia. Mikoku mene idi ifua.

Amosa 1:2

Amosa kuamba ne: Maweja-Nangila udi wakula ne tshiji, ukungula bu ntambue. Diyi diende ndifumine ku mukuna wa Siyone, ku Yerushalayime, muaba udiye usomba. Mpata ya bisosa bivule idi ifuba yonsu. Ku lusongu lua mukuna wa Karmele, nansha metu mene adi uma.

Abakuke 3:17

Mitshi ya mfiku kayena ikuama bimuma, mu mionji ya nwinyo kamuena tumuma, ku mitshi ya olive kudi kutupu, biakudia kabiena bitoloka mu madimi, mu mpangu kamuena mikoku, ngombe kayena ilala mu bikumbi.

Zekâya 1:12

Mutumibue wa Mvidi Mukulu kuamba kabidi ne: — Maweja-Nangila wa bukole buonsu, kukadi mpindiewu bidimu makumi muanda mutekete biudi mufikile Yerushalayime ne bimenga bikuabu bia Yuda munda. Neulame tshiji, kuyi ubafuila luse matuku makuabu bungi munyi?

Rome 8:22

Bualu tudi bamanye ne: too ne lelu bifukibua bionsu bitshidi bitua mikemu, bikenga bu mukaji pa lulelu.