Yirmeya 11:12 - MUKANDA WA MYIDI MUKULU

¹² Diba adi, bantu badi basombe mu bimenga bia Yuda ne mu Yerushalayime, nebapingane kudi mvidie yabu ivuabu balambula milambu. Kadi mu dikenga diabu mvidie eyi kayena mua kubambuluisha nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mu diba adi ba mu misoko ya mu Yuda ne ba mu Yelushalema nebaye kudila kudi nzambi idibo boshila musenga wa manananshi, kadi yoyo kayena ibasungila mu dituku dia dikenga diabo.

Yirmeya 11:12 교차 참조

2 Kulondolola 28:22

Nansha Akaze mu dikenga dikole nanku, uvua anu utombokela Maweja-Nangila.

Yeshaya 45:20

Nuenu bena matunga makuabu, bavuabu kabayi bashipe, semenayi, nudisangishe, nusemene popamue. Bonsu bavua bafike ne mpingu yabu ya mitshi, nansha badi batendelela mvidie udi kayi mua kubasungidila, kabena ne lungenyi to.

Yeshaya 46:7

Pashishe badi bambula mvidie wabu pa makaya abu, baya kumuteka pa muaba wende. Mvidie udi ushalapu, kayi unyunga. Nansha bobu bamubikila, kakuandamuna to. Kena usungidila muntu udi mu dikenga. Lupandu kaluena kule to

Yirmeya 18:15

Kadi bantu banyi bakadi bampue muoyi. Badi balambula milambu kudi mvidie idi kayiyi mvidie mene. Ke mudibu badishinde mu njila wabu, ke mudibu bumuke mu njila wabu wa kale, benda mu njila udi bantu kabayi banji kuenda.

Yirmeya 2:28

Kadi, meme Maweja-Nangila nennukonke ne: “Mvidie inuvua badienzele idi penyi? Pikalayi ne bukole, inusungidile, panudi mu dikenga! Bualu nuenu bena Yuda, bungi bua bimenga bienu, ke bungi bua mvidie yenu.”

Yirmeya 44:8

Nudi nukeba kumfikisha munda ne malu enu mabi, ne milambu inudi nulambula mvidie ya bantu ba bisamba bikuabu mu ditunga dia Ejipitu, munuvua baye kusokoma. Nudi basue bua banubutule, banuteke tshilejilu tshibi tshia kutshipa natshi bantu, tshia kufuisha natshi bantu bundu ku mesu a bisamba bionsu bia pa buloba anyi?

Dielulula 32:37

Maweja-Nangila neebeje bena Izrayele ne: “Mvidie yenu inuvua batekemene idi penyi?

Dielulula 32:38

Nuvua bayilambule nyama, bayilambule maluvu a kunua. Nanku ileje bukole buayi, inupandishe, inulame ne muoyi!

Balombodi 10:14

Nubikile anu mvidie inuvua basungule bua inuambuluishe. Anu mvidie ayi ke idi mua kunusungidila panudi mu dikenga.