Yirmeya 1:6 - MUKANDA WA MYIDI MUKULU

⁶ Ke meme kuandamuna ne: — Eyi! Maweja-Nangila Mvidi Mukulu, ntshidi muana mukese. Tshiena mua kuakula munkatshi mua bantu to.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mu diba adi nakamba hanyi ne, Aka, Mukelenge Yehowa! Mona, tshiena mua kuakula bimpe, bualu hua ntshidi anu muana.

Yirmeya 1:6 교차 참조

Ekesode 4:1

Moshe kuandamuna Maweja-Nangila ne: — Bena Izrayele kabakuitaba, kabakukumbaja bionsu bindi mbambila to. Nebangele mpata, bamba ne: “Maweja-Nangila kena mukumuenekele to!”

Ekesode 6:12

Moshe kuandamuna Maweja-Nangila ne: — Bu mudi bena Izrayele kabayi bateleja bindi mubambile, mukalenga wa bena Ejipitu kabidi kakuitaba to, bualu ndi ngakula ne lutatu.

Ekesode 6:30

Kadi Moshe kumuandamuna ne: — Mukalenga wa bena Ejipitu kena mua kumvua tshindi ngamba to, bualu ndi ngakula ne lutatu.

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Yirmeya 14:13

Ke meme kuandamuna ne: — Eyi Maweja-Nangila Mvidi Mukulu, bambi badi babambila ne: “Kanuakuikala ne mvita nansha tshiyole tshia nzala to. Bualu Mvidi Mukulu mmunulaye ne: nenusombe anu talalaa mu ditunga dienu.”

Yirmeya 32:17

— Eyi, Maweja-Nangila Mvidi Mukulu, uvua muleje bukole buebe ne meji ebe, pauvua mufuke diulu ne buloba. Wewe udi mua kuenza bionsu biudi musue.

Yirmeya 34:6

Ke bualu buvua muambi Yirmeya muambile Sedekiya mukalenga wa bena Yuda mu Yerushalayime.

Yirmeya 4:10

Nebakeme bamba ne: “Eyi, Maweja-Nangila Mvidi Mukulu uvua ushima bena tshisamba etshi. Uvua udinga bena Yerushalayime, ubalaya ne: nenumone diakalenga. Mpindiewu muele wa mvita ukadi pa kutukosa miminu!”

Yezekiyele 4:14

Meme kuela diyi ne: — Eyi! Maweja-Nangila Mvidi Mukulu, meme katshia tshiena muanji kupia mikiya musangu nansha umue to. Bituadije ku buana buanyi, tshiena muanji kudia munyinyi wa nyama mudifuile, nansha mushipa kudi nyama mukuabu wa tshisuku to. Munyinyi udi mupie mikiya ki mmuanji kubuela mukana muanyi to.

Zekâya 2:4

Meme kumukonka ne: — Bantu aba mbalue kuenza tshinyi? Kungandamunaye ne: — Mbafike bua kutshibula nsengu ayi; bua kukuatshisha bowa ne kubutula bisamba bia bukole bivua biluisha ditunga dia Yuda, bitangalaja benadi, muntu nansha umue kayi mua kubafuila nkanana.