Yirmeya 1:2 - MUKANDA WA MYIDI MUKULU

² Yoshiya, muana wa Amone, mumane kulala mu bukalenga bua bena Yuda bidimu dikumi ne bisatu, Maweja-Nangila kutuadija kuambila Yirmeya malu onsu aa.

Mukanda wa Nzambi Dihungila Dikulukulu ne Dihungila Dihia-dihia 2003

² Dî dia Yehowa diakalua kudiye mu matuku a Yoshiya, muana wa Amona, mukelenge wa Yuda, mu tshidimu tshia dikumi ne tshisatu tshia bukokeshi buandi.

Yirmeya 1:2 교차 참조

1 Bakalenga 13:2

Nanku, muambi kuela diyi divua Maweja-Nangila mumuambile, ubenga tshilambuilu atshi, wamba ne: — Tshilambuilu! Tshilambuilu! Teleja tshidi Maweja-Nangila wamba! Nebalele muana wa balume mu nzubu wa Davide. Nebamuinyike ne: Yosiyase. Nanku, Yosiyase nealambule batuangaji badi bakuata mudimu miaba ya kutendelela mvidie, pambidi pebe wewe tshilambuilu, muaba uvuabu boshila milambu. Tshilambuilu, pambidi pebe, neboshilepu too ne mifuba ya bantu!

1 Bakalenga 13:20

Kadi, pavua bambi abu bonsu babidi ku mesa, Maweja-Nangila kuambila muambi mukulumpe wa mu Betele,

2 Bakalenga 21:18

Menashe mumane kufua, kumujiikabu mu lupangu luvua ku nzubu wa bukalenga, luvuabu babikila ne: “Lupangu lua Uza”. Muanende wa balume Amone kumupingana mu bukalenga.

2 Bakalenga 21:24

Kadi, bena Yuda kushipa bantu bavua belele Amone tshifufu abu. Kusungulabu muanende wa balume Yoshiya bua kupinganaye tatuende Amone mu bukalenga.

2 Bakalenga 22:3

Yoshiya mumane kulala mu bukalenga bidimu dikumi ne muanda mukulu, dituku dikuabu, kutumaye mufundi Shafane, muana wa Ashaliya, mu nzubu wa Mvidi Mukulu. Shafane uvua muikulu wa Meshulame. Yoshiya kuambila Shafane ne:

Yirmeya 1:11

Pashishe, Maweja-Nangila kunkonka ne: — Yirmeya, udi umona tshinyi? Meme kumuandamuna ne: — Ndi mmona ditamba dia mutshi wa amande, mutshi udi udimuja bantu.

Yirmeya 1:4

Maweja-Nangila kungambila ne:

Yirmeya 25:3

— Kutuadija ku tshidimu tshia dikumi ne tshinayi tshivua Yoshiya, muana wa Amone, mu bukalenga bua bena Yuda too ne lelu, kukadi bidimu makumi abidi ne bisatu bindi nnubela, tshiyi ndekela, nnuambuluila amu malu adi Maweja-Nangila ummanyisha. Kadi kanuena nuateleja to.

Yirmeya 28:12

Muambi Ananiya mumane kutshibula mutshi uvua muambi Yirmeya muambule pa makaya, Maweja-Nangila kuambila Yirmeya ne:

Yirmeya 3:6

Tshikondu tshi vua mukalenga Yoshiya mu bukalenga, Maweja-Nangila kungambila ne: — Udi mumone mudi Izrayele wenda tshiendenda anyi? Udi uya miaba yonsu ku mikuna, ne muinshi mua mitshi yonsu idi ne dileji dia bungi, bua kuenda tshiendenda.

Yirmeya 36:2

— wangata muvungu wa tshiseba, ufundemu malu onsu amvua mukuambile adi atangila bukalenga bua Izrayele, bukalenga bua Yuda, ne bisamba bikuabu biangatshile tshikondu tshia Yoshiya, pamvua mutuadije kukuambila malu too ne lelu.

Osheya 1:1

Mu mukanda ewu, mudi malu avua Maweja-Nangila muambile Osheya, muana wa Beyeri. Tshikondu atshi, Yerobowame, muana wa Yowashe, ke uvua mukalenga mu buloba bua Izrayele. Uziya, Yotame, Akaze ne Izkiya, ke bawa bakalenga mu buloba bua Yuda.

Yowele 1:1

Telejayi miaku ivua Maweja-Nangila mumanyishe Yowele, muana wa Petuwele.

Yona 1:1

Dituku dikuabu, Maweja-Nangila kuambila Yona, muana wa Amitayi, ne:

Mika 1:1

Telejayi bivua Maweja-Nangila muambile Mika, muena mu musoku wa Moreshete, mu tshikondu tshiwa Yotame, Akaze, ne Izkiya, bakalenga ba mu Yuda. Maweja-Nangila uvua mumuleje malu adi atangila bimenga bibidi: tshia Samariya ne tshia Yerushalayime.

Sefanya 1:1

Telejayi bivua Maweja-Nangila muambile Sefanya mu tshikondu tshiwa Yoshiya, muana wa Amone, mukalenga wa Yuda. Sefanya uvua muana wa Kushi. Kushi uvua muana wa Ngedaliya. Ngedaliya uvua muana wa Amanya. Amanya uvua muana wa Izkiya.