Yirmeya 1:15 - MUKANDA WA MYIDI MUKULU

¹⁵ Teleja tshindi ngamba: Nembikile bantu bonsu ba mu makalenga a ku mutu kua ditunga. Bamfumu babu nebafike, nebateke nkuasa yabu kumpala kua biibi bia Yerushalayime. Bimana bia Yerushalayime, ne bimenga bionsu bia bena Yuda, nebabinyungulukile bua kubikuata.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yehowa wakamba ne, Mona, ndi mbikila ba mu meku onso a mu makelenge a ku node; nebalue, buonso buabo nebajadike nkuasa yabo ya bunfumu ku bibuelelu bia ku bibi bia mu Yelushalema, bua kushimbulabo ngumbu idi inyungulula musoko ku nseke yonso, ne bua kuluishabo bena misoko yonso ya mu Yuda.

Yirmeya 1:15 교차 참조

Yeshaya 22:7

Wewe Yerushalayime, bena matempu ne bena tubalu, mbabuele mu bibandabanda biebe bilengela. Mbele mualu wa mvita ku tshibuelelu tshiebe.

Yirmeya 10:22

Telejayi, umvuayi. Mutoyi munene udi wenda usemena pabuipi, ufuma ku mutu kua ditunga. Bena mvita mbanyange bimenga bia bena Yuda, bishale tshipela, bishale miaba idi nyama ya mibuabua isomba.

Yirmeya 10:25

Tshiji tshiebe utshitekele bantu ba bisamba bikuabu abu, badi kabayi basue kukumanya, badi kabayi bakutendelela. Bualu badi biba bintu bia bantu bebe, badi bapawula bintu bietu bionsu, banyanga ditunga dietu dijima.

Yirmeya 13:20

Yerushalayime, tangila malu adi enzeka: Baluishi bebe badi bafuma ku mutu kua ditunga. Bantu bandi mukupeshe badi penyi? Meme kubateka mu bianza biebe bua wewe kubalama, bu mudi mulami ulama mikoku yende. Wewe kuditemba bua mikoku ayi. Kadi ikadi penyi?

Yirmeya 25:28

Maweja-Nangila kuamba kabidi ne: “Nenunue amu kunua. Ke mukenji udi Maweja-Nangila wa bukole buonsu unuelela.

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 33:10

Maweja-Nangila udi wamba ne: Nuenu bena Yuda, nudi nuamba misangu yonsu ne: ditunga edi didi dinyanguke. Kanuena mua kumonamu muntu nansha nyama. Bulelela, bimenga bia mu ditunga dia Yuda, ne misesu ya mu Yerushalayime, bidi lelu munda mutupu. Kanuena mua kumona muntu nansha nyama. Kadi mu ditunga edi nebumvue kabidi

Yirmeya 34:1

Nebukadnesare, mukalenga wa mu Babilone, uvua muluishe Yerushalayime ne bimenga bikuabu bia bena Yuda. Uvua ne bena mvita bende bonsu, kabidi ne bena mvita ba mu matunga ne bisamba bionsu bivua ku diyi diende. Tshikondu atshi, ke Maweja-Nangila kuambila Yirmeya ne:

Yirmeya 34:22

nentume diyi bua tshipingane, tshiluishe tshimenga etshi, tshi tshikuate, tshitshioshe. Bimenga bia Yuda nebishale tshipela. Ke mundi meme Maweja-Nangila ngamba nanku.”

Yirmeya 39:3

Nanku balombodi bonsu ba bena mvita ba bena Babilone kubuela mu tshimenga, kuimanabu ku tshiibi tshia pankatshinkatshi. Muaba awu, uvua Nergale-Sareshe, mulombodi wa balombodi ba bena mvita, Samgare-Nebo, Sare-Sekime, muntu uvua mufidi wa ngenyi wa kumpala wa mukalenga, ne balombodi ba bena mvita ba bena Babilone bakuabu bonsu.

Yirmeya 4:16

Nuambile bisamba bionsu bualu ebu. Nudimuje bena Yerushalayime ne: baluishi bebe bakadi pabuipi. Badi bafuma kule, bela mbila ya mvita, bua kubisha bimenga bia bena Yuda.

Yirmeya 4:6

Asayi makunji adi aleja njila wa kuya ku Siyone bua kudipandisha. Kanuimanyi, kanujingakanyi to. Maweja-Nangila udi utuma dikenga dinene ne kabutu. Nebifumine luseke lua ku mutu kua ditunga.

Yirmeya 43:10

Pashishe ubambile ne: “Maweja-Nangila wa bukole buonsu, Mvidi Mukulu wa Izrayele, udi wamba ne: Nentume bantu bua kunkebelabu muntu wanyi Nebukadnesare, mukalenga wa mu Babilone. Nenjadike nkuasa wende pa mutu pa mabue adibu bajike muaba ewu. Nease nzubu wende wa bukalenga anu muaba ewu.

Yirmeya 44:6

Nanku mvua mufike munda bikole, mvua ne kanyinganyinga. Ke mumvua mubutule bimenga bia Yuda ne misesu ya mu Yerushalayime. Ke mudi bimenga biandamuke makolu, bishale miaba idi ikuatshisha bantu bowa, bu munudi numona lelu.”

Yirmeya 46:24

Ejipitu udi ne bundu, bualu udi mushale mu bianza bia bantu, badi bafume mu ditunga dia ku mutu.

Yirmeya 5:15

Maweja-Nangila udi wamba ne: nuenu bena Izrayele, nennutumine tshisamba tshikuabu, tshidi tshifume kule bua tshinuluishe. Tshisamba atshi kabena mua kutshipita bukole to. Tshisamba atshi ntshia ku bisamba bia kale. Kanuena mua kumvua muakulu watshi. Bidi bantu aba bamba kanuena mua kubimanya to.

Yirmeya 6:22

Maweja-Nangila udi wamba ne: Bantu nebafumine mu ditunga didi luseke lua ku mutu kua ditunga. Tshisamba tshinene netshituadije luendu ku ndekelu kua buloba.

Yirmeya 9:11

Muntu udi ne meji makumbane, bua kutujinguluila bualu ebu udiku anyi? Pikala Maweja-Nangila mumumanyishe bualu ebu, atuandamune ne: ditunga ndinyanguke bua tshinyi? Didi dishale anu tshipela, muntu kayi upitshilamu bua tshinyi?

Muadi 5:11

Badi babuelela bakaji ba mu Siyone mu nzubu ku bukole, banyanga nsongakaji ya mu bimenga bia Yuda itshidi tumama.

Yezekiyele 32:30

“Balombodi ba bantu badi basomba mu matunga a ku mutu, ne bena Sidone, badi muaba awu, mbaye kupetangana ne bafue bakuabu. Bavua bantu ba bukitu, bakuatshisha bowa. Kadi mpindiewu bantu badibu kabayi bateke panshi abu mbafue. Badi balala ne bundu muaba udi bantu bakuabu ba bungi bafue mu mvita. Badi ne bundu budi bonso badi bamane kubuela mu kandondu ka bafue nabu.

Yowele 2:20

Baluishi benu badi batumina ku mutu kua ditunga, nembipate mutantshi mule, ku maloba a bipela ne minanga. Nengimanshe bena mvita babu badi benda kumpala mu Mayi manene a luepu; badi kunyima nembimanshe mu Mayi manene a pankatshi. Bitalu biabu nebinunke bibi, bantu kabayi mua kueyela bimpe. Nanku bantu bonsu bawa bakuenzela malu mabi mapite, nebajimine.

Zekâya 6:6

Ditempu divuabu bakoka kudi tubalu tufike kuyadi ku luseke lua buloba bua ku mutu. Tubalu tutoke kuyatu ku luseke ludi diba dibuelela. Tubalu tua matobamatoba kuyatu ku buloba bua kuinshi.