Yirmeya 1:13 - MUKANDA WA MYIDI MUKULU

¹³ Maweja-Nangila kunkonka kabidi ne: — Yirmeya, mpindiewu udi umona tshinyi? Meme kumuandamuna ne: — Ndi mmona luesu lunene, luwule tente ne mayi asaba. Ludi luseke lua ku mutu wa ditunga, lutangila kundi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Dî dia Yehowa diakalua kundi tshiakabidi diamba ne, Udi umona tshinyi? Nakamuitaba ne, Ndi mmona luesu lunene lua mai adi asaba, ne mpala walu udi utangila ku node.

Yirmeya 1:13 교차 참조

Genese 41:32

Paudi mulote ndota ayi mishindu ibidi ya momumue, umanye ne: Mvidi Mukulu mmumane kujadika bualu ebu, kabidi neabukumbaje lukasa.

Yeshaya 55:11

Ke mudi kabidi muaku wanyi. Kawena upingana kundi patupu, kauyi upatula bipeta, kauyi ukumbaja bimvua muelele meji. Meme kutuma muaku wanyi, wowu kupeta amu tshimvua muipatshile.”

Yirmeya 24:3

Maweja-Nangila kunkonka ne: — Yirmeya, tshiudi umona ntshinyi? Meme kuandamuna ne: — Ndi mmona bimuma bia mfiku. Bikuabu bimpe bitambe, kadi binga bibole, kabayi mua kubidia nansha.

Yezekiyele 11:3

Bantu aba badi bamba ne: “Matuku makuabu kabakuasa kabidi nzubu munemu to! Tshimenga tshidi bu mudi luesu. Tuetu tudi munyinyi muteka munda mua luesu.”

Yezekiyele 11:7

Ke pandi meme Maweja-Nangila Mvidi Mukulu nnujadikila ne: tshimenga tshidi bu mudi luesu bushuwa. Kadi munyinyi udi munda mualu, ke bantu banudi bashipe mu tshimenga abu. Nanku nuenu, nennuipate mu tshimenga amu.

Yezekiyele 12:28

Nanku, ubambile ne: meme Maweja-Nangila Mvidi Mukulu, ndi njadika ne: nenkumbaje lukasa dilaya dijima dimvua mubalaye bua kubanyoka.

Amosa 8:2

Kungebejaye ne: — Amosa, tshiudi umona ntshinyi? Meme kuandamuna ne: — Ndi mmona tshibondu tshia bimuma bimane kuboba. Ke Maweja-Nangila kunjadikila ne: — Eyowa, bantu banyi bena Izrayele mbamane kuboba! Nshikidilu wabu mmufike! Mbimpe babalumbuluishe! Nembanyoke, tshiyi luse!

Zekâya 4:2

Kunkonkaye ne: — Tshiudi umona ntshinyi? Meme kuandamuna ne: — Ndi mmona tshitekelu tshia miendu tshia mpawungi menemene. Tshidi ne muaba wa kulamina manyi ku mutu kuatshi. Tshidi ne miendu muanda mutekete, kabidi ne mikaba muanda mutekete idi ifikisha manyi mu miendu yonsu.