Yirmeya 1:1 - MUKANDA WA MYIDI MUKULU

¹ Mu mukanda emu, badi batuambila malu onsu adi Yirmeya, muana wa Ilkiya muambe, ne adiye muenze. Yirmeya uvua wa mu diku dia batuangaji. Batuangaji abu bavua basombela mu musoku wa Anatote, mu buloba bua bena Binyamine.

Mukanda wa Nzambi Dihungila Dikulukulu ne Dihungila Dihia-dihia 2003

¹ Â mmei a Yelemiya, muana wa Hilekiya, muakuidi wa munkatshi mua bakuidi bakadi ku Anatota mu buloba bua Benyamina.

Yirmeya 1:1 교차 참조

1 Bakalenga 2:26

Pashishe, mukalenga Shelomu kuambila mutuangaji Abiyatare ne: — Umuka munemu, uye ku Anatote, muaba udi madimi ebe, bualu udi mukumbanyine lufu. Kadi tshiena nkushipesha lelu to, bualu patshivua tatu wanyi Davide ne muoyi, uvua muambule mushete wa ndondu wa Maweja-Nangila Mvidi Mukulu. Kabidi uvua muambuluishe tatu wanyi mu makenga onsu avuaye nawu.

2 Kulondolola 35:25

Muambi Yirmeya kuenza kasala ka madilu a lulu lua Yoshiya. Biangatshile musangu awu, too ne ku lelu, bimbi ba misambu, balume ne bakaji, bonsu badi bimba, batela dina dia Yoshiya mu miadi yabu. Bikadi bishale tshibidilu mu Izrayele. Badi bafunde Miaku ya Misambu eyi mu mukanda wa Miadi.

2 Kulondolola 36:12

Uvua wenza malu adi Maweja-Nangila Mvidi Mukulu wende mubenge. Uvua mubenge kutonda bubi buende kumpala kua muambi Yirmeya, uvua umumanyisha malu avua Maweja-Nangila muambe.

2 Kulondolola 36:21

Nanku, miaku ya Maweja-Nangila kukumbana, ivua muambi Yirmeya muambe ne: “Ditunga nedishale munda mutupu bidimu makumi muanda mutekete, too ne pajika matuku a Dikisha, avua bena Izrayele babenge kuikisha.”

Ezela 1:1

Tshidimu tshia kumpala tshia Bukalenga bua Koreshe, mukalenga munene wa bena Persa, Maweja-Nangila kukumbaja miaku yende ivua muambi Yirmeya muambe. Maweja-Nangila kupesha Koreshe meji a kuelesha diyi mu bukalenga buende bujima, kabidi a kufundisha miaku eyi ne:

Ezela 2:23

mu musoku wa Anatote, muvua bantu balume 128;

Yeshaya 1:1

Mu tshikondu tshivua Uziya, Yotame, Akaze, ne Izkiya, bakalenga ba Yuda, Yeshaya, muana wa Amose, uvua mumanyishe bantu malu avua Maweja-Nangila mumuleje, adi atangila bukalenga bua Yuda ne tshimenga tshia Yerushalayime.

Yeshaya 10:30

Elayi mbila, nuenu bena mu Ngalime, nuenu bena mu musoku wa Layisha, telejayi, nuenu bena mu Anatote, andamunayi.”

Yeshaya 2:1

Yeshaya, muana wa Amose, uvua umanyisha bantu malu avua Maweja-Nangila mumuleje, adi atangila bukalenga bua Yuda, ne tshimenga tshia Yerushalayime.

Yirmeya 11:21

Ke mudi Maweja-Nangila wa bukole buonsu ne bualu budiye musue kuambila bena Anatote, badi bakeba kunshipa. Bena musoku wetu badi bankandika ne: “Kuena mua kuikala kabidi muambi udi umanyisha bantu malu mu dina dia Maweja-Nangila. Tshianana tudi tukushipa.”

Yirmeya 29:27

Kadi mmunyi muudi kuyi muanji kunyoka Yirmeya muena mu Anatote, udi unuambila ne: ndi muambi.

Yirmeya 30:1

Maweja-Nangila kuambila Yirmeya ne:

Yirmeya 37:12

Yirmeya uvua musue kupatuka mu tshimenga bua kuya mu buloba bua bena Binyamine. Uvua ne bua kuyamu kuabanyangana buloba ne bantu ba mu musoku wabu.

Yezekiyele 1:3

Nanku matuku atanu a ngondu, kuine aku, mu ditunga dia Babilone, ku muelelu wa musulu wa Kebare, Maweja-Nangila kungambila malu. Meme kumtua bukole buende pambidi panyi.

Amosa 1:1

Mu mukanda ewu mbafunde miaku ya Amosa, mumunyi wa nyama, wa mu musoku wa Tekowa. Maweja-Nangila uvua mumumanyishe malu avua atangila bukalenga bua bena Izrayele, bidimu bibidi kumpala kua tshikumina tshinene. Mu tshikondu tshiwa Uziya mukalenga wa bena Yuda, ne Yerobowame, muana wa Yowashe, mukalenga wa bena Izrayele,

Amosa 7:10

Amashiya, mutuangaji wa mu Betele, kumanyisha Yerobowame, mukalenga wa Izrayele, ne: “Amosa mmukuelele tshifufu tshibi munkatshi mua bena Izrayele. Bidiye wamba, bidi mua kunyanga ditunga.

Matayi 16:14

Kumuandamunabu ne: — Bamue badi bamba ne: udi Yowanane-Batiste, bakuabu ne: udi Eliya, badipu kabidi ne: udi Yirmeya, nansha muambi mukuabu.

Matayi 2:17

Nanku meyi avua muambi Yirmeya muakule kukumbanawu. Uvua muambe ne:

Matayi 27:9

Nanku miaku ya muambi Yirmeya kukumbanayi ya ne: “Kuangatabu nkanu makumi asatu ya tshiamu tshitoke tshia mushinga mukole (ke mushinga uvua bena Izrayele bumvuangane bua kufuta bualu buende),