Yezekiyele 7:9 - MUKANDA WA MYIDI MUKULU

⁹ Tshiena mua kunufuila luse, tshiena mua kulengulula bilema bienu. Nennunyoke bua bibi bienu bionsu binudi nuenza kanuyi nupungila. Nanku, nenujadike ne: ke meme Maweja-Nangila udi ununyoka.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Disu dianyi kadiena dinutangila ne dinanga, tshiena nnufuila luse; nennutumine dikenga bu mudi bienzedi bienu, nenteke malu enu a bundu hamʼbidi henu; nenumanye ne, Meme Mukelenge ntu ngakuma bantu.

Yezekiyele 7:9 교차 참조

Yeshaya 9:13

Nenku Maweja-Nangila neanyoke bena Izrayele bonsu, bamfumu ne bantu babu, amu dituku dimue, amu mudibu bakose mutu ne mukila.

Yirmeya 13:14

Nembatutakaje mitu, baledi ne bana, bu mudibu batutakaja mulondu ne mukuabu. Tshiakufuila muntu nansha umue luse to. Nembabutule bonsu tshiyi nansha ne luse kashidi kanyi!”

Yirmeya 21:7

Pashishe, Sedekiya, mukalenga wa bena Yuda, balombodi ba bukalenga buende, ne bantu ba mu tshimenga etshi, badi bapanduke ku disama dia tshiambu, ku mvita, ne ku tshiyole tshia nzala, mukalenga wa bena Babilone neabakuate. Eyowa, nembafile kudi baluishi babu badi bajinga kubashipa. Mukalenga Nebukadnesare neabashipe kayi luse. Kakushiya muntu nansha umue ne muoyi.”

Yirmeya 36:31

Nemmunyoke yeye ne ndelanganyi yende ne balombodi bende ba bena mvita. Nembanyoke bua bilema biabu. Makenga onsu amvua muambe, nembatuminewu, bobu bantu ba mu Yerushalayime ne bantu ba mu Yuda, bualu kabavua banteleje.”

Muadi 2:17

Maweja-Nangila mmuenze tshivuaye muele meji, mmukumbaje tshivuaye muambe, tshivuaye mushindike ku kale. Mmubutule kayi ne luse. Uvua musankishe muluishi ne dikenga diebe, uvua mukoleshe ditambisha dia muena lukuna webe.

Yezekiyele 22:22

Nenuikale bafuanangane ne tshiamu tshitoke tshia mushinga mukole tshidibu bengulula mu kapia. Nenku nenujadike ne: udi mutupumuine tshiji ke Maweja-Nangila.”

Yezekiyele 23:49

Bakaji babidi aba mbabanyoke bua malu abu mabi a bundu, ne bua mvidie ivuabu batendelela. Nenku nenujadike ne: meme ndi Maweja-Nangila.”

Yezekiyele 5:11

“Meme Maweja-Nangila Mvidi Mukulu udi ne muoyi, ndi nnumanyisha ne: nudi banyange nzubu wanyi ne ditendelela dienu dibi, kabidi ne mpingu yenu indi mubenge. Nanku meme nennubutule, tshiyi nnufuila luse. Tshiena mua kunushiya ne muoyi to.

Yezekiyele 7:10

“Monayi mudi dituku dia tshilumbuluilu difika. Kabutu nekafike. Nudi anu nukengeshangana, nudi anu nuditambisha.

Yezekiyele 7:8

Mpindiewu, tshiena mua kunengakana kabidi to. Nennunyoke mudi tshiji tshianyi tshingambila. Nennulumbuluishe, nnunyoke bilondeshile malu enu mabi anudi benze.

Mika 6:9

Telejayi bidi Maweja-Nangila wambila badi basomba mu tshimenga: Badi bangata mibelu yende ne mushinga, neabasungidile. “Nuenu bena tshisamba tshia Yuda, nuenu bonsu badi badisangisha mu tshimenga, telejayi!

Ngalate 6:7

Kanudidingi. Kabena baseka Mvidi Mukulu. Muntu neanowe bivuaye mukune.

Didimanyisha 20:13

Mayi manene kupingaja bafue bavua munda muawu. Lufu ne kandondu kabidi kupingaja bafue bavuabi bilame. Ke kulumbuluishabu muntu yonsu pa bivuaye muenze.