Biblia Todo Logo
온라인 성경

- 광고 -




Yezekiyele 7:5 - MUKANDA WA MYIDI MUKULU

5 “Meme Maweja-Nangila Mvidi Mukulu ndi ngamba ne: dikenga nedifike, dikenga dinudi kanuyi banji kumona!

장을 참조하십시오 복사

Mukanda wa Nzambi Dihungila Dikulukulu ne Dihungila Dihia-dihia 2003

5 Mukelenge Yehowa udi wamba ne, Mulau ha mutu ha mulau! Monai, udi ulua!

장을 참조하십시오 복사




Yezekiyele 7:5
15 교차 참조  

Nudi nutombokela Maweja-Nangila bua tshinyi? Yeye ke udi ubutula baluishi benu kashidi, kabayi mua kunukengesha tshiakabidi.


Nennunyoke mushindu undi tshiyi muanji kunyoka bantu, tshiyi mua kubanyoka kabidi musangu mukuabu. Bualu binuvua benze bivua bibi bipite.


Bualu tshikondu atshi, dikenga nedikale dikole, dipite makenga onsu avua menzeke ku ntuadijilu wa bukua bantu, too ne mpindiewu. Makenga a nanku kaakuenzeka kabidi to.


“Ku bisamba bionsu bidi pa buloba, ndi munusungule amu nuenu. Ke mundi nnulumbuluisha, nnunyoka, bua malu mabi onsu anuvua benze.”


Wewe udi muenze tshiuvua muambe bualu buetu ne bua bamfumu badi batuludika: udi mututumine mu Yerushalayime makenga makole adi kaayi manji kukuata bantu bakuabu pa buloba.


Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”


— Muntu, teleja bindi meme Maweja-Nangila Mvidi Mukulu ngambila bena Izrayele: “Nshikidilu wafiki, ku nseke yonsu inayi ditunga dijima nedibutuke.


Nshikidilu wafiki. Dituku dia tshilumbuluilu didi pabuipi. Basumbi ba bintu kabena mua kusanka, nansha basumbishi ba bintu kabena mua kunyingalala, bualu ndi mufikile bantu bonsu munda.


Dituku didi Maweja-Nangila ufika munda, tshiamu tshitoke tshia mushinga mukole, nansha mpawungi, kabiena mua kubasungidila. Buloba bujima nebubutuke, ku kapia ka tshiji tshiende. Neabutule bantu bonsu ba pa buloba. Eyowa, bionsu ebi nebikuatshishe bantu bowa.


Dikenga didi dilonda muenji wa bibi! Kadi diakalenga ke difutu dia bantu bakane.


Muntu muakane, nansha bobu bamukengesha amu kumukengesha, neajuke amu kujuka. Kadi bantu babi, muluishi neabashinde kashidi.


Kadi mutentekedi kuandamuna ne: “Bufuku bukadi pa kutshia, kadi tutshidi amu bufuku. Panudi basue kupeta diandamuna, pinganayi musangu mukuabu.”


Newambe ne: “Nuenu bakalenga ba bena Yuda, ne bena Yerushalayime, telejayi tshidi Maweja-Nangila Mvidi Mukulu wa bukole buonsu wa Izrayele wamba. Nentume dikenga muaba ewu. Bantu badi bumvua batela dikenga adi, matshi abu neapate bu bumvua dikubakuba.


Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.


우리를 팔로우하세요:

광고


광고