Yezekiyele 7:13 - MUKANDA WA MYIDI MUKULU

¹³ Musumbishi wa bintu, nansha yeye mushale ne muoyi, kakupeta tshiakabidi bintu bivuaye musumbishe to. Bualu malu avuabu baleje, bamanyishe bantu neenzeke. Bantu bonsu nebabutuke. Bu mudi bonsu benze bibi, bonsu nebafue.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bualu bua muhanyi kena wangata kabidi bintu biakuhaneye, nansha bikala bintu biakuhaneye bitshidi ne muoyo; bualu bua tshiji tshianyi tshikole tshidi tshikuata tshisumbu tshionso tshia bantu katshiena tshikudimuka; kakuena muntu wadikolesha mu bubi wahandisha muoyo wandi.

Yezekiyele 7:13 교차 참조

Estere 8:8

Kadi tshiena ne mushindu wa kukandika mukenji uvuabu bela mu dina dianyi, batue ne tshitampi tshidi ne kakanu kanyi. Kadi nuenu, nudi mua kufunda mikanda, kuleja bionsu bidi binulengelela bualu bua bena Yuda. Nudi mua kufunda dina dianyi ne kutua tshitampi tshidi ne kakanu kanyi.

Yobe 15:25

Bualu bantu aba bavua batonuena Mvidi Mukulu wa bukole buonsu mesu.

Misambu 52:7

Nenku Mvidi Mukulu neakubutule kashidi, neakukuate, akuipate kuebe, neakumbushe pa buloba patudi apa,

Muambi 8:8

Muntu nansha umue kena ne mushindu wa kushala ne muoyi panu. Muntu nansha umue kena mua kuseja dituku dia lufu luende panyima. Ke mvita idi muntu nansha umue kayi mua kunyema. Muena tshibawu nebamunyoke kamuyi mpata.

Yezekiyele 12:25

Bualu meme Maweja-Nangila ndi ngakula. Kadi bindi ngamba bidi bienzeka lukasa, kabiyi binengakana to. Eyowa, nennunyoke, nuenu bantu banyi bantomboji, nuenu batshikale ne muoyi. Meme Maweja-Nangila ndi ngamba nanku.

Yezekiyele 12:28

Nanku, ubambile ne: meme Maweja-Nangila Mvidi Mukulu, ndi njadika ne: nenkumbaje lukasa dilaya dijima dimvua mubalaye bua kubanyoka.

Yezekiyele 13:22

Panudi nushima bantu, nudi nutekesha bantu ba nsongu ku muoyi, bantu bamvua tshiyi musue kukengesha. Kadi, nudi nuambuluisha bantu babi bua batungunuke ne malu abu mabi, bafuane kujimija muoyi wabu.

Lewitiki 25:13

“Tshikondu tshia ‘Mufikilu’ wa disanka dinene, nebapingajile muntu yonsu maloba ende.

Lewitiki 25:31

Kadi nzubu idi miasa mu misoku idi kayiyi ne bimana bikolesha, badi mua kuyipanyisha mushindu udibu bapanyisha maloba. Badi mua kupikula nzubu wa mushindu ewu tshidimu tshionsu tshidibu basue. Kadi tshidimu tshia ‘Mufikilu’ wa disanka dinene, badi ne bua kupingaja nzubu awu anu kudi muenaye.