Yezekiyele 5:16 - MUKANDA WA MYIDI MUKULU

¹⁶ “Nennutumine tshiyole tshia nzala bua kunubutula. Nzala yenu neyinukengeshe, bu mudi mikete mitue ikengesha bantu, ibashipa. Nennyange mampa anudi balame, bua nufile ne nzala.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nennuele mikete mihi ya tshiole, ya dibutula mene, indi ntuma bua kunubutula. Nenkoleshe tshiole munkatshi muenu, nentshibule tshinudi nueyemena bua kuangata bia kudia.

Yezekiyele 5:16 교차 참조

2 Bakalenga 6:25

Mu tshimenga atshi, muvua tshiyole tshia nzala tshikole tshitambe. Bualu bena mvita abu, bavua balama tshimenga atshi bikole. Nanku bena tshimenga kusumbishangana mutu wa nyama wa mpunde, ku nkanu mitoke ya mushinga mukole muanda mukulu, ne kilo umue wa nkunde ku nkanu mitoke ya mushinga mukole itanu.

Misambu 7:13

Padi muluishi kayi udilengeja, udi unona muele wende wa mvita. unana buta buende, uludikila.

Yeshaya 3:1

Mfumu munene, Maweja-Nangila muena bukole buonsu, neanyenge bena mu Yerushalayime, ne bena mu bukalenga bua Yuda, bionsu bidi mua kubambuluisha: biakudia ne biakunua bidibu nabi mu mayeba, ne bantu bonsu badi mua kubatua nyama ku mikolu.

Yirmeya 52:6

Tshiyole tshia nzala tshivua tshikole mu tshimenga. Bantu kabavua kabidi ne biakudia to. Ku matuku tshitema a ngondu muinayi,

Muadi 3:12

Kunanaye buta buende, kunteka bu tshintu tshia kulongela ndudi.

Yezekiyele 14:13

— Yezekiyele, padi bena ditunga kampanda bapia tshibawu, bantombokele, nembaleje bukole buanyi. Nennyange biakudia bidibu balame mu mayeba, nembatumine tshiyole tshia nzala. Nembutule nanku bantu ne nyama bia mu ditunga.

Yezekiyele 4:16

Kuambaye kabidi ne: — Yezekiyele, udi mumone ne: ndi musue kunyanga mampa onsu adi bena Yerushalayime balame. Bantu nebapime biakudia biabu, nebapime ne mayi a kunua. Nebazakale, bualu nebikale ne lutatu lukole bua kupeta biakudia.

Yezekiyele 5:15

Nennyoke tshimenga tshia Yerushalayime ne tshiji tshikole. Nentshikengeshe, ntshitandishe bikole! Nanku bantu badi ku nseke, nebaseke tshimenga etshi, batshipenda. Padibu batshivuluka, nebakuatshike bowa. Nenuikale tshilejilu tshia kubabela natshi. Meme Maweja-Nangila, ndi nnujadikila bualu ebu.

Yezekiyele 5:17

Nennutumine tshiyole tshia nzala ne nyama ya lonji, bua bibutule bana benu. Disama dia tshiambu, tshinyangu, ne mvita, neanubutule. Meme Maweja-Nangila ndi nnujadikila bualu ebu.”

Lewitiki 26:26

Nenkepeshe biakudia, bakaji dikumi nebasangile ditshiwa dimue bua kuoshilamu mampa, bapeta muaba mukumbane. Nebanuabanyine tupese tua mampa tukese tukese, nudia kanuyi nukuta to.