Yezekiyele 47:2 - MUKANDA WA MYIDI MUKULU

² Muntu kumpatuila mu nzubu wa Mvidi Mukulu ku luseke lua tshiibi tshia nzubu wa Mvidi Mukulu tshivua ku mutu. Kunyungulukaye nanyi pambelu too ne ku tshiibi tshia luseke ludi diba dipatukila lua nzubu. Mayi avua apueka ku luseke lua kuinshi kua tshiibi etshi.

Mukanda wa Nzambi Dihungila Dikulukulu ne Dihungila Dihia-dihia 2003

² Hashishe wakaluhuka nʼanyi mu nshila wa ku tshibuelelu tshia ku luseke lua ku nôde, wakandombola mu nshila wakadi munyunguluke lumbu lua ntempelo ha mbelu tô ne ku tshibuelelu tshiakadi tshitangila ku luseke lua esete; monai, mai akadi ahatuka ku luseke lua tshibuelelu lua ku sude.

Yezekiyele 47:2 교차 참조

Yezekiyele 40:35

Muntu awu kumfikisha kabidi ku tshiibi tshia ku mutu wa nzubu. Kutshipimaye. Tshivua mushindu umue ne biibi bikuabu.

Yezekiyele 44:2

Maweja-Nangila kungambila ne: — Tshiibi etshi ne tshikale tshinjila kashidi, kabena ne bua kutshiunzulula to. Muntu kena mua kupitshilaku to, bualu meme Maweja-Nangila, Mvidi Mukulu wa Izrayele, ndi mubuelele ku mushiku awu. Tshiibi etshi tshishale anu tshinjila.

Yezekiyele 44:4

Pashishe muntu kupitshila nanyi ku tshiibi tshia ku mutu wa nzubu, bua kufika kumpala kua nzubu wa Mvidi Mukulu. Meme kumona mutata butumbi bua Maweja-Nangila buwule nzubu wende tente. Meme kutua mpala panshi.

Yezekiyele 47:1

Muntu kupingana nanyi ku tshibuelelu tshia nzubu wa Mvidi Mukulu. Nanku meme kumona mayi apatukila muinshi mua mushiku wa mbelu, wa ku luseke ludi diba dipatukila. Bualu tshibuelelu tshia nzubu wa Mvidi Mukulu tshivua tshitangila ku luseke ludi diba dipatukila lua nzubu. Nanku mayi avua apuekela ku luseke lua kuinshi kua nzubu wa Mvidi Mukulu, pashishe avua apitshila luseke lua kuinshi kua tshilambuilu.

Yezekiyele 47:3

Muntu kuyaye ku luseke ludi diba dipatukila. Uvua ne muonji wa kupima nawu. Kupimaye metre nkama itanu ku luseke alu. Pashishe kunsambuishaye mayi, avua mankuate mu tupombu.