Yezekiyele 42:1 - MUKANDA WA MYIDI MUKULU

¹ Pashishe muntu kuya nanyi mu lubanza lua pa mbelu, kumfikisha ku bibambalu bivua ku mutu kua nzubu, bilulamangane ne muaba uvua mushale mutupu, kabidi ne ku tshibambalu tshivuabu bibake mu mfundu mua nzubu wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hashishe yeye wakalua nʼanyi mu tshiendelu tshia munda tshiakadi ku luseke lua nôde, wakalua nʼanyi ku nsubu wakadi mululamangane ne muaba au wa coudées makumi abidi ne wakadi buludiludi ne nsubu mukuabo wa ku luseke lua nôde.

Yezekiyele 42:1 교차 참조

Yezekiyele 40:14

Kupimaye kabidi tshibambalu tshinene tshivua ku ndekelu kua muaba wa kupitshila. Tshivua butshiama bua metre dikumi. Lubanza lua nzubu wa Mvidi Mukulu luvua lunyungulule tshibambalu atshi nseke yonsu.

Yezekiyele 40:17

Muntu awu kumfikisha mu lubanza lua pambelu pa nzubu wa Mvidi Mukulu. Mu lubanza elu bavua balamika mabue manene panshi. Bavua basa bibambalu makumi asatu, bivua bilamakane ne tshimana tshivua tshinyungulula lubanza.

Yezekiyele 40:20

Kupimaye kabidi bule ne butshiama bua tshiibi tshia kubuela mu lubanza lua pa mbelu tshia ku luseke lua ku mutu kua nzubu.

Yezekiyele 40:24

Pashishe kuyaye nanyi luseke lua kuinshi kua nzubu. Meme kumona tshiibi tshikuabu. Kupimaye bibambalu bia balami ba nzubu, bimana, ne tshibambalu tshinene. Bule ne butshiama bua bionsu bivua mushindu umue ne bia biibi bikuabu.

Yezekiyele 40:28

Nanku, muntu awu kumfikisha mu lubanza lua munda mua nzubu ku tshiibi tshia kuinshi kua nzubu. Kupimaye bule bua tshiibi atshi. Bule buvua bua momumue ne bua biibi bivua mu tshimana tshia lubanza lua pa mbelu.

Yezekiyele 41:1

Muntu kubuela nanyi muaba wa tshijila mu nzubu wa Mvidi Mukulu. Kuupimaye. Bimana bia muaba uvuabu bapitshila bua kubuela muaba wa tshijila bivua ne mupimbu wa metre asatu.

Yezekiyele 41:10

ne bibambalu bikuabu. Muaba awu uvua mushale patupu ku nseke isatu ya nzubu wa Mvidi Mukulu, ivua ya metre dikumi.

Yezekiyele 41:9

Tshimana tshia pa mbelu tshia tuzubu atu tshivua ne mupimbu wa metre abidi ne tshitupa. Bavua bashiya muaba pankatshi pa tuzubu tuvua tulamakana ku bimana bia nzubu wa Mvidi Mukulu,

Yezekiyele 42:10

Mushiku wa tshibuelelu ewu, uvua muaba uvua tshimana tshia lubanza tshituadijila. Ku luseke lua kuinshi kua nzubu, kuvua kabidi bibambalu bitangilangane ne muaba uvua mushale mutupu, kabidi ne tshibambalu tshivuabu basa mu mfundu mua nzubu wa Mvidi Mukulu.

Yezekiyele 42:13

Muntu kungambila ne: — Bibambalu bia luseke lua ku mutu kua nzubu ne bia luseke lua kuinshi kua nzubu, bidi bia tshijila. Batuangaji badi mua kubuela muaba wa tshijila wa Maweja-Nangila, badi badila milambu ya tshijila anu mu bibambalu ebi. Nanku bibambalu ebi bidi bijidila. Badi batekamu milambu ya tshijila menemene: ya biakudia, ne ya nyama ya milambu ya mishindu yonsu idibu bashipa, bua kudikobolola.

Yezekiyele 42:4

Kumpala kua bibambalu luseke lua lubanza lua munda mua nzubu, kuvua njila muikale ne metre atanu mu butshiama, ne metre makumi atanu mu bule. Bua kubuela mu nzubu emu, bavua bapitshila ku luseke lua ku mutu wa nzubu.

Didimanyisha 11:2

Kadi kupimi lupangu lua pambelu pa nzubu wa Mvidi Mukulu to. Bualu mbalupeshe bantu ba bisamba bikuabu. Bantu abu nebadiatakaje tshimenga tshia tshijila ngondu makumi anayi ne ibidi.