Yezekiyele 4:6 - MUKANDA WA MYIDI MUKULU

⁶ Ku ndekelu kua tshikondu atshi, ukudimuke ku lubadi lua dia balume. Bubi buonsu bua bukalenga bua bena Yuda, ubutuale pambidi pebe matuku makumi anayi. Ndi nteka bujitu ebu pambidi pebe, matuku bungi bumue ne bidimu bivua bena mu bukalenga bua Yuda benze bibi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hawamana matuku au, ulale kabidi ku luseke lua ku tshianza tshiebe tshia balume, utuale mibi ya ba mu tshisamba tshia Bena Yuda; ndi nkulekela matuku makumi anai, dituku dimue dikale bu tshidimu tshijima.

Yezekiyele 4:6 교차 참조

Dibadika 14:34

Nuvua batentekele ditunga adi matuku makumi anayi. Nenku, bua bubi buenu, ndi nnunyoke bidimu makumi anayi. Mmumue ne: dituku dimue nedienze tshidimu tshijima tshia tshibawu. Nenujadike ne: ki mbimpe kuntombokela meme Maweja-Nangila to.

Didimanyisha 12:14

Kadi mukaji uvua mupete mapuapua abidi bu a nyunyi wa tshiminyi. Kubuukaye nawu mu tshipela too ne ku muaba wende, uvuabu ne bua kumudishila bidimu bisatu ne tshitupa, muaba uvua nyoka kayi mua kumupeta.

Didimanyisha 13:5

Bavua banyishe bua nyama akule miaku ya kapeja, asendeke Mvidi Mukulu. Uvua mupete bumfumu bua kuenza malu ende ngondu makumi anayi ne ibidi.

Didimanyisha 9:15

Kusululabu batumibue banayi abu. Bavua babalongolola amu bua diba adi, dituku adi, ngondu awu, ne tshidimu atshi, bua kubutulabu tshia bisatu tshia bantu bonsu.