Yezekiyele 32:1 - MUKANDA WA MYIDI MUKULU

¹ Dituku dia kumpala dia ngondu wa dikumi ne muibidi, tshidimu tshia dikumi ne tshibidi tshivuabu bamane kuya ne bena Izrayele mu bupika, Maweja-Nangila kungambila ne:

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshia dikumi ne tshibidi, mu ngondo wa dikumi ne muibidi, mu dituku dia kumudilu dia ngondo, dî dia Yehowa diakalua kundi ne,

Yezekiyele 32:1 교차 참조

Yeshaya 19:19

Dituku adi, munkatshi mua ditunga dia Ejipitu, nemuikale tshilambuilu tshijidila mu dina dia Maweja-Nangila. Ku mikalu ya ditunga nebimanyike dibue bua kunemeka Maweja-Nangila.

Yirmeya 43:8

Mu Tapanese, Maweja-Nangila kuambila Yirmeya ne:

Yirmeya 46:1

Maweja-Nangila udi wambila muambi Yirmeya malu adi atangila bisamba bikuabu.

Yezekiyele 1:2

Tshidimu atshi, tshivua tshitanu katshia mukalenga Yowakine wabuela mu bupika.

Yezekiyele 29:1

Dituku dia dikumi ne dimue dia ngondu wa dikumi, tshidimu tshia dikumi, tshitua bena Izrayele bamane kuya mu bupika, Maweja-Nangila kungambila ne:

Yezekiyele 29:17

Dituku dimue dia ngondu wa kumpala, tshidimu tshia makumi abidi ne muanda mutekete tshivua bena Izrayele bamane kuya mu bupika, Maweja-Nangila kungambila ne:

Yezekiyele 30:20

Mataku muanda mutekete a ngondu wa kumpala, tshidimu tshia dikumi ne tshimue tshitua bena Izrayele bamane kuya mu bupika, Maweja-Nangila kungambila ne:

Yezekiyele 31:1

Dituku dia kumpala dia ngondu muisatu wa tshidimu tshia dikumi ne tshimue tshivua bena Izrayele bamane kuya mu bupika, Maweja-Nangila kungambila ne:

Yezekiyele 32:17

Matuku dikumi ne atanu a ngondu wa dikumi ne muibidi, tshidimu tshia dikumi ne tshibidi tshivuabu baye ne bena Izrayele mu bupika, Maweja-Nangila kungambila ne:

Yezekiyele 33:21

Dituku ditanu dia ngondu wa dikumi, tshidimu tshia dikumi ne tshimue tshivuabu bamane kuya netu mu bupika, muntu uvua mupanduke, pakuatshibu Yerushalayime, kutota kungambila ne: — Mbakuate tshimenga!

Yezekiyele 40:1

Mu tshidimu tshia makumi abidi ne tshitanu, tshivuabu bamane kuya netu mu bupika bidimu dikumi ne binayi, kunyima kua dikuata dia tshimenga tshia Yerushalayime, amu dituku divuabu batshikuata, mu matuku dikumi a ngondu, bukole bua Mvidi Mukulu kuntulukila, kumfila mu Yerushalayime.

Yezekiyele 8:1

Mu tshidimu tshisambombu tshitua bena Izrayele mu bupika, mu matuku atanu a ngondu muisambombu, bakulu ba bena Yuda batua bafike kuanyi bua kunsombesha. Diakamue bukole bua Maweja-Nangila Mvidi Mukulu kuntulukila muaba awu.