Yezekiyele 26:3 - MUKANDA WA MYIDI MUKULU

³ Nanku meme Maweja-Nangila Mvidi Mukulu ndi njadika ne: “Wewe tshimenga tshia Tire, nenkunyoke bikole. Nentume bantu ba mu bisamba bivule bua bakuluishe. Nebabuele muebe ne bukole bu bua mavuala a mayi manene.

Mukanda wa Nzambi Dihungila Dikulukulu ne Dihungila Dihia-dihia 2003

³ nunku Mukelenge Yehowa udi wamba ne, Mona, ndi nʼebe tshilumbu, wewe musoko wa Tulo, nentume bisamba bia bungi kûdi bua kuluishabi bana benu, bu mudi mai manene alua ne mambuanka.

Yezekiyele 26:3 교차 참조

Misambu 107:25

Yeye kuakula, tshipepela tshikole kujuka, kujulatshi mavuala mavule pa mayi.

Yeshaya 5:30

Dituku adi, nebabuele mu ditunga dia bena Izrayele, benda beela bibingu bikole, bu biona bia mayi manene. Bantu nebatangile mu ditunga, kadi kabakumona tshintu to, amu midima mikole, ne mavuba adi abuikila butoke.

Yirmeya 21:13

Meme ndi nnuluisha nuenu badi base kuinshi pa mukuna. Nudi nuamba ne: Muluishi nansha umue kena mua kumpeta, kena mua kubuela muaba utudi basombe!

Yirmeya 25:22

— ke bakalenga bonsu ba mu Tire, ba mu Sidone, ne ba ku matunga adi dishiya dia mayi manene;

Yirmeya 50:31

Maweja-Nangila wa bukole buonsu udi wamba ne: Ndi nkuluisha wewe ditunga dia Babilone, bualu udi uditambisha. Dituku dia kukunyoka ndimane kufika!

Yirmeya 50:42

Bena mvita batshi badi basempela ne mafuma ne miele, bantu ba tshikisu, kabayi ne luse. Badi benza mutoyi, mudi mayi ela mavuala. Badi babanda pa nyama ya tubalu, bela mualu wa mvita, benda mu milongu, bua kukuluisha wewe Babilone!

Yirmeya 51:42

Mayi manene kufika too ne ku Babilone, kumubikila ne muenji mukole.

Yirmeya 6:23

Bena mvita ba mu tshisamba atshi badi ne buta bua mikete ne misongolu, badi ne tshikisu kabayi ne luse. Badi benza mutoyi bu tshiona tshia mayi manene. Badi babanda pa nyama ya tubalu, bamane kudilongolola bua kubanga mvita, bamane kuela mualu wa mvita, bua kukuluisha wewe, Siyone!

Yezekiyele 21:3

Ubambile bua bateleje miaku yanyi indi meme Maweja-Nangila Mvidi Mukulu, ntandisha nayi ditu didi kuinshi mu ditunga: “Nentemeshe kadilu bua kuosha mitshi yebe yonsu, mibishi nansha miume. Kakuena tshidi mua kujima ndimi ya kadilu aku to. Nekalambuke biangatshile kuinshi too ne ku mutu mu ditunga. Nekoshe bantu bonsu.

Yezekiyele 26:19

“Eyowa, meme Maweja-Nangila Mvidi Mukulu ndi ngamba ne: Tire, nenkubutule bu mumvua muenze ne bimenga bikuabu, bua muntu nansha umue kasombi kabidi muebe. Nenjule mavuala a mu mayi manene bua akubuikile.

Yezekiyele 27:26

Bitshi bebe ba matu bavua baye nebe pa mayi manene mutantshi mule. Lupepele lufume ku luseke ludi diba dipatukila kukutshibula.

Yezekiyele 28:22

Meme Maweja-Nangila Mvidi Mukulu ndi mbambila ne: “Nuenu bena Sidone nennunyoke. Nendeje butumbi buanyi ku malu andi nnuenzela. Pandi nnunyoka bantu bonsu nebamanye ne: meme ndi Maweja-Nangila. Ke mundi mbaleja mundi Mvidi Mukulu wa tshijila.

Yezekiyele 29:10

Bu muudi wakula nanku, nenkunyoke wewe ne musulu webe. Nennyangakaje Ejipitu, nemmushiye tshipela, biangatshile ku tshimenga tshia Migdole ku mutu wa ditunga, too ne ku tshimenga tshia Ashuwane, ne ku mikalu ya ditunga dia bena Kushe, kuinshi mu ditunga.

Yezekiyele 38:3

Meme Maweja-Nangila ndi mmuambila ne: “Nenkuluishe wewe Ngoge, mukalenga munene wa bantu badi basomba mu Tubale ne mu Mesheke.

Yezekiyele 5:8

Nanku, ndi nnujadikila ne: nuenu bena Yerushalayime, nennuluishe panyi; nennunyoke munkatshi mua tshimenga, bantu ba bisamba bikuabu batangile.

Mika 4:11

Mpindiewu bisamba bia bungi, mbimane kudisangisha bua kunuluisha. Bidi biamba ne: “Tshimenga tshiabu tshinyanguke, tshifue bundu. Tubandilayi kabutu ka Yerushalayime!”

Nahume 2:12

Tshimenga tshia Ninive tshivua bu muaba, uvua nyama ya ntambue ilala, muaba uvuayi idisha bana bayi, kayiyi itshina tshintu.

Nahume 3:5

Maweja-Nangila wa bukole buonsu, udi wamba ne: Ninive, nenkunyoke, nenkukopuele bilamba ku mutu, mubandishe too ne ku mpala. Nenkushiye butaka ku mesu a bukua bisamba, bonsu nebakumone muudi.

Zekâya 14:2

Bualu Maweja-Nangila neasangishe bisamba bionsu bua kuluisha Yerushalayime: nebakuate tshimenga, nebapawule bia mu nzubu yonsu, nebakuate bakaji, bababuelele mu nzubu ku bukole. Tshia bibidi tshia bantu netshiye mu bupika, kadi bakuabu nebashale mu tshimenga.

Zekâya 9:4

Kadi Maweja-Nangila neapawule bionsu bidi mu tshimenga etshi, neele bimana biatshi mu mayi manene, neatshioshe, tshibutuke.

Luke 21:25

— Mu diba, mu ngondu, ne mu mitotu, nemumueneke bintu bileja malu. Pa buloba bisamba nebikuatshike bowa bunene, bua tshiona tshia mayi manene ne mavuala awu.