Yezekiyele 21:3 - MUKANDA WA MYIDI MUKULU

³ Ubambile bua bateleje miaku yanyi indi meme Maweja-Nangila Mvidi Mukulu, ntandisha nayi ditu didi kuinshi mu ditunga: “Nentemeshe kadilu bua kuosha mitshi yebe yonsu, mibishi nansha miume. Kakuena tshidi mua kujima ndimi ya kadilu aku to. Nekalambuke biangatshile kuinshi too ne ku mutu mu ditunga. Nekoshe bantu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

³ Ambila buloba bua Isalele ne, Yehowa udi wamba ne, Ndi nkuhidia, nempatule muele wanyi wa nvita mu tshimanga tshiau, nembutule bantu ba munkatshi muenu, bakane ne babi.

Yezekiyele 21:3 교차 참조

Yobe 9:22

Ke pandi ngamba ne: kabiena ne tshilumbu to. Mvidi Mukulu udi ubutula nansha muntu udi kayi ne bualu, nansha muntu mubi.

Misambu 17:13

Maweja-Nangila, juka, ubaluishe, ubafuishe binu. Patula muela webe, unsungidile.

Misambu 80:17

Bantu bavua bosha mutshi ewu mu kapia nebauvingutule, miaku yebe ibatape, bafue babutuke!

Misambu 83:15

Bu mudi kapia kuosha ditu, bu mudi ludimi lua kapia lutemesha kapia ka mikuna minene,

Ekesode 15:9

Bena lukuna betu kuamba ne: “Netubalonde, tubapete. Nebabanyangane bintu biabu, netubidie tuukute. Netutule muele wa mvita, tubabunde bonsu.”

Muambi 9:2

Bidi nanku bua bantu bonsu, bua muntu muakane ne bua muntu mubi, bua muntu udi ne mikiya ne bua udi kayi nayi, bua udi utendelela Mvidi Mukulu ne udi kayi umutendelela, bua udi ulambula Mvidi Mukulu ne udi kayi umulambula milambu, bua muntu wa muoyi mukezuke ne muntu muena malu mabi, bua udi ulaya Mvidi Mukulu malaya ne udi kayi walaya.

Yeshaya 10:5

Maweja-Nangila udi wamba ne: Bena Ashure mbena diakabi. Mvua mubangate bua kunyoka nabu bantu banyi. Bobu ke badi bambula mutshi, undi ntalaja nawu tshiji tshianyi.

Yeshaya 34:5

Muele wa mvita wa Maweja-Nangila, udi umueneka mu diulu. Monayi mudiwu ushipa bantu ba bena Edome aba, badi Maweja-Nangila musue kubutula.

Yeshaya 57:1

Bantu bakane badi babutuka, kakuyi muntu udi usumpakana bualu buabu. Bantu bimpe badi bafua mu mvita, kakuyi muntu udi ubatangila. Kadi ndi mbapatula mu bianza bia bantu badi babakengesha.

Yirmeya 17:27

Kadi nuenu kanuyi banteleje, nuenu balengulule dituku dianyi dia Dikisha, nuenu bapitshile ku biibi bia mu Yerushalayime dituku adi ne bujitu panyima, nengoshe tshimenga. Kapia nekabutule nzubu mimpe yonsu, kabayi mua kukajima.”

Yirmeya 21:13

Meme ndi nnuluisha nuenu badi base kuinshi pa mukuna. Nudi nuamba ne: Muluishi nansha umue kena mua kumpeta, kena mua kubuela muaba utudi basombe!

Yirmeya 21:14

Kadi meme nennuluishe, nennunyoke bua bubi bunuvua benze. Nengoshe mitshi ya sedre idi mu nzubu yenu. Kapia aka nekabutule bionsu. Meme Maweja-Nangila ndi ngamba nanku.

Yirmeya 50:31

Maweja-Nangila wa bukole buonsu udi wamba ne: Ndi nkuluisha wewe ditunga dia Babilone, bualu udi uditambisha. Dituku dia kukunyoka ndimane kufika!

Yirmeya 51:20

Maweja-Nangila udi wamba ne: Wewe Babilone, uvua bu ngindu wanyi, uvua bu tshiamu tshianyi tshia mvita, bua meme kushipa natshi bisamba, kubutula natshi makalenga.

Yirmeya 51:25

Eyowa, wewe Babilone, ndi nebe ne tshilumbu. Udi bu nyama mubi udi ukeba kubutula bionsu bidi pa buloba. Kadi meme Maweja-Nangila ndi muluishi webe! Nenkukuate mu bianza, nenkuele mu kandondu, nenkoshe ne kapia.

Yezekiyele 13:8

Nanku, meme Maweja-Nangila Mvidi Mukulu, ndi nnujadikila ne: nennunyoke, bualu nudi bambile bantu malu a dishima a kubadinga nawu. Meme Maweja-Nangila Mvidi Mukulu ndi ngamba nanku.

Yezekiyele 14:17

Misangu mikuabu, ndi mua kutumina bantu aba mvita. Ndi mua kutuma bena mvita bua kunyanga ditunga, kushipa bantu ne nyama.

Yezekiyele 14:21

Pashishe, Maweja-Nangila kungambila ne: — Ndi mutumine Yerushalayime bipupu binene binayi! Ke mvita, tshiyole tshia nzala, nyama ya lonji, ne disama dia tshiambu tshikole, bua kubutula bantu ne nyama.

Yezekiyele 21:19

Mpindiewu, Yezekiyele, akula mu dina dianyi. Ukume bikashi. Ukume musangu umue, misangu ibidi, misangu isatu. Bualu muele ewu ke muele udi ushipangana. Neushipe bantu ba bungi, miaba yonsu.

Yezekiyele 24:9

Eyowa, meme Maweja-Nangila Mvidi Mukulu ndi ngamba ne: Diakabi ndia tshimenga tshia bashipianganyi! Bualu ndi ngasa tshioshelu tshinene!

Yezekiyele 26:3

Nanku meme Maweja-Nangila Mvidi Mukulu ndi njadika ne: “Wewe tshimenga tshia Tire, nenkunyoke bikole. Nentume bantu ba mu bisamba bivule bua bakuluishe. Nebabuele muebe ne bukole bu bua mavuala a mayi manene.

Yezekiyele 29:10

Bu muudi wakula nanku, nenkunyoke wewe ne musulu webe. Nennyangakaje Ejipitu, nemmushiye tshipela, biangatshile ku tshimenga tshia Migdole ku mutu wa ditunga, too ne ku tshimenga tshia Ashuwane, ne ku mikalu ya ditunga dia bena Kushe, kuinshi mu ditunga.

Yezekiyele 5:12

Tshia bisatu tshia bantu ba kunudi netshifue ku disama dia tshiambu, nansha ku tshiyole tshia nzala, munda mua tshimenga. Tshia bisatu tshikuabu netshifue ku muele wa mvita, ku mpenga kua tshimenga. Tshia bisatu tshia ndekelu nentshitangalaje ku nseke inayi ya buloba, ntshilondakaja ne muele wa mvita.

Yezekiyele 5:8

Nanku, ndi nnujadikila ne: nuenu bena Yerushalayime, nennuluishe panyi; nennunyoke munkatshi mua tshimenga, bantu ba bisamba bikuabu batangile.

Lewitiki 26:25

Nennutumine bena mvita bua baluishe ditunga dienu. Nennunyoke bua ndondu wanyi unudi nunyanga. Nansha nuenu baye kusokoma mu bimenga, nennutumine disama dia kishi. Baluishi benu nebanutshimbakaje.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Amosa 5:6

Pinganayi kudi Maweja-Nangila, nenupete muoyi. Kanuyi benza nanku, neikale bu kapia kadi kakuata ndelanganyi ya Yozefe. Nekashidishe bidi mu Betele, kakuyi udi mua kujima kapia aku.

Amosa 7:4

Ke Maweja-Nangila Mvidi Mukulu kundeja bualu bukuabu: kubikilaye kapia kakole bua kanyoke bantu. Kapia kukamisha mayi onsu, nansha a muinshi mua buloba. Kakavua kashidisha ditunga dia bena Izrayele.

Nahume 2:13

Ntambue mulume uvua uya kukeba nyama, uyishipa, uyisunsula, uyituadila ntambue mukaji ne bana. Uvua uwuja tshidilu tshiende, ne minyinyi ya nyama ivuaye ukuata.

Nahume 3:5

Maweja-Nangila wa bukole buonsu, udi wamba ne: Ninive, nenkunyoke, nenkukopuele bilamba ku mutu, mubandishe too ne ku mpala. Nenkushiye butaka ku mesu a bukua bisamba, bonsu nebakumone muudi.

Sefanya 2:12

Maweja-Nangila udi wamba ne: “Nuenu kabidi bena Kushe, nennushipeshe mu nwita.”

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”