Yezekiyele 2:5 - MUKANDA WA MYIDI MUKULU

⁵ Diba adi, nansha bobu bakuteleje, nansha kabayi bakuteleje, bualu mbantu ba tshitunu, kadi nebamanye ne: muambi udi munkatshi muabu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bobo, nansha biunvuabo dî diebe, nansha biabengabo kudiunvua (bualu bua badi tshisamba tshia bantombokedi) nebamanye ne, Muprofete udi munkatshi muetu.

Yezekiyele 2:5 교차 참조

2 Bakalenga 5:8

Muambi Elisha umvua ne: mukalenga wa bena Izrayele mmudipande bilamba, kumutuminaye muntu bua kumukonka ne: — Udi upampakana, udipanda bilamba bua tshinyi? Muntu awu afike ku nzubu kuanyi, bua ujaddike ne: mu ditunga dia bena Izrayele mudi muambi bulelela.

Yirmeya 36:21

Ke mukalenga kutuma Yekudi bua aye kuangata muvungu wa tshiseba mu nzubu wa Elishama, kabidi bua aubale ne diyi dikole kumpala kua mukalenga ne kua balombodi ba mu bukalenga bavua pabuipi nende.

Yirmeya 42:19

Yirmeya kuamba kabidi ne: — Maweja-Nangila udi unukandika bua kanuyi mu Ejipitu, bualu nuenu nudi bantu ba ndekelu ba bena Yuda. Umvuayi bimpe bindi ngamba, nnujadikila lelu.

Yezekiyele 12:9

— Yezekiyele, bantomboji ba bena Izrayele aba bavua mua kukukonka ne: tshiudi wenza ntshinyi?

Yezekiyele 17:12

— Ebeja bantomboji aba ne: “Nudi bu-mvue tshidi lusumuinu alu luamba anyi?” Ubavuluije mushindu uvua mukalenga wa bena Babilone mubuele mu Yerushalayime, mukuate mukalenga wa ditunga ne balombodi bende, muye nabu mu ditunga diende.

Yezekiyele 2:7

Neubambuluile bionsu bindi nkuambila ebi, nansha bobu bakuteleje, nansha kabayi bakuteleje, bualu mbantu ba tshitunu.

Yezekiyele 24:3

Londela bantu banyi badi bantombokela lusumuinu elu. Ubambile ne: Maweja-Nangila Mvidi Mukulu ke udi mutume diyi bua kunulongeshalu. Uteke luesu peku. Welamu mayi.

Yezekiyele 3:19

Kadi wewe mumudimuje, yeye mubenge kulekela bilema biende ne ngenzelu yende mibi, neafue bua mibi yende. Kadi wewe neushale ne muoyi.

Yezekiyele 3:26

Nendamakaje ludimi luebe mu tshilakalaka, ushale kamama, upange bukole bua kubela bantu bena tshitunu aba.

Yezekiyele 3:27

Kadi, pandi musue kukuambila bualu bua kumanyisha bantu, nenganyishe bua wewe kuakula tshiakabidi. Nanku neubamanyishe ne: “Telejayi bidi Maweja-Nangila Mvidi Mukulu wamba.” Bamue bantu nebateleje, banga nebabenge mua kuteleja, bualu mbantu ba tshitunu.

Yezekiyele 33:33

Kadi padi malu audi ubambila akumbana — akadi pa kukumbana mene — nebajadike ne: muambi uvua munkatshi muetu.

Yezekiyele 33:9

Kadi wewe mubele muena malu mabi bua akaje nsombelu wende, yeye kayi muakaje, neafue bua bilema biende. Kadi wewe neushale ne muoyi.

Yezekiyele 44:6

Umanyishe bena Izrayele, bantomboji aba, bena buenzavi, bindi meme Maweja-Nangila Mvidi Mukulu ngamba ne: “Malu mabi anuvua nuenu bena Izrayele benze mmantonde.

Yowanane 15:22

Bu meme tshiyi mulue, kabatua mua kupila nansha. Kadi mpindiewu kabena ne pa kubingila bua bubi buabu.

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Rome 3:3

Kadi tudi mua kuamba tshinyi, padi bamue ba kudibu kabayi bakumbaja bivuabu bamulaye? Mvidi Mukulu neabenge kukumbaja bivuaye mubalaye, bualu bobu kabena babikumbaje anyi?