Yezekiyele 18:11 - MUKANDA WA MYIDI MUKULU

¹¹ Kena wenza malu mimpe bu muvua tatuende wenza nansha. Udi udia biakudia bivuabu balambule mvidie pa mikuna. Udi ubuelakana ne mukaji wa bende.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ udi uhanga kuenza malu akadiye ne bua kuenza, kadi wakudia munyinyi muelele mpingu ha mikuna, ne wakunyanga mukashi wa muena mutumba nʼandi,

Yezekiyele 18:11 교차 참조

1 Bakalenga 13:22

Udi mupingane muaba ewu bua kudia ne kunua. Kadi, Maweja-Nangila uvua mukukandike ne: kuena mua kudia, kuena mua kunua. Bumuudi muenze nanku, neufue. Tshitalu tshiebe kabena mua kutshijika mu lukita lua bankambua bebe to.”

1 Bakalenga 13:8

Kadi muambi kuandamuna mukalenga Yerobowame ne: — Nansha wewe mumpeshe tshia bibidi tshimue tshia bubanji buebe, tshiena mua kuya ku nzubu kuebe to. Muaba ewu, tshiena mua kudia kapese ka diampa, nansha kunua kamata ka mayi to.

Yezekiyele 18:10

“Kadi muntu awu udi mua kuikala ne muanende wa balume wiba, ushipa bantu, nansha wenza malu mabi a mishindu yonsu.

Yezekiyele 18:15

Kena udia biakudia bidibu balambule mvidie pa mikuna. Kena utendelela mvidie mibi ya bena Izrayele. Kena ubuelakana ne mukaji wa bende.

Yezekiyele 22:11

Banga badi banyanga nzubu wa bende pa kuangata mukaji wa bende. Bakuabu badi bangata ku bukole mukaji uvua muana musele; nansha bana babu ba bakaji ba tatuabu, nansha ba mamuabu, benda nabu tshiendenda.

Luke 11:28

Kadi Yezu kumuandamuna ne: — To! Badi bateleja muaku wa Mvidi Mukulu, baukumbaja, ke bena diakalenga!

Yowanane 13:17

Mpindiewu nudi bamanye bualu ebu. Nuenu benze nanku, nenuikale ne disanka.

Yowanane 15:14

Nudi balunda banyi, panudi nuenza mundi munuelele mukenji.

1 Korente 6:9

Nudi bamanye bimpe ne: bantu badi benza malu mabi, kabena mua kupeta muaba mu Bukalenga bua Mvidi Mukulu. Kanudishimi! Badi benza malu a bundu, batendeledi ba mvidie, banyangi ba mbanza ya bende, badi banaya ne bana manaya a bundu,

Filipe 4:9

Nukumbaje bimvua munulongeshe, binuvua bapete kundi, binuvua bumvue ngamba, binuvua bamone ngenza. Nanku Mvidi Mukulu, mutupi wa bupole, neikale nenu.

Yakobe 2:17

Ke mudi kabidi ditaba. Padidi nkayadi, kadiyi didileja mu bitudi tuenza, ndifue.

1 Yone 3:22

Bionsu bitudi tulomba, tudi tubipeta kudiye, bualu tudi tulonda mikenji yende, tuenza tshidiye musue.

Didimanyisha 22:14

Bantu badi basukula mintumpu yabu, mbena diakalenga. Nanku nebabanyishe bua badie tshimuma tshia mutshi wa muoyi, babuele mu tshimenga, bapitshile ku tshiibi.