Yezekiyele 16:3 - MUKANDA WA MYIDI MUKULU

³ Ubamanyishe miaku indi meme Maweja-Nangila Mvidi Mukulu nkuambila ya ne: “Kenaane nditunga dia bankambua bebe, muaba uvuabu bakulelele. Tatuebe uvua muena Amore, mamuebe muena Iti.

Mukanda wa Nzambi Dihungila Dikulukulu ne Dihungila Dihia-dihia 2003

³ Umuambile ne, Mukelenge Yehowa udi wambila Yelushalema ne, Ku tshibangidilu tshiebe ne ku kuledibua kuebe wewe udi wa mu buloba bua Kanâna; tatu webe wakadi Muena Amole, ne mamu webe wakadi Muena Hiti.

Yezekiyele 16:3 교차 참조

Genese 11:25

Kushalaye kabidi ne muoyi bidimu lukama dikumi ne tshitema. Kulelaye balume ne bakaji.

Genese 11:29

Abrame ne Nahore kusela bakaji: dina dia mukaji wa Abrame divua Sarayi, dia mukaji wa Nahore divua Milka. Milka ne Iska bavua bana ba Arane.

Genese 15:16

Amu tunkanunuina tuebe tua tshikondu tshinayi netupingane mu ditunga edi kashidi. Bualu nengipate bena Amore anu pambamona ne bubi buabu budi bukengela dinyoka.

1 Bakalenga 21:26

Mukalenga Akabe udi mutambe kuenza bibi, nangananga padiye utendelela mvidie bu muvua bena Amore batendelela. Bena Amore ke bavua Maweja-Nangila muipate mu ditunga bua kushilabu bena Izrayele muaba.

2 Bakalenga 21:11

“Mukalenga Menashe mmuenze malu mabi a mishindu yonsu, mmupite ne bena Amore ku buenzayi. Kabidi mmufikishe ne bena Yuda ku ditendelela mvidie.

Ezela 9:1

Malu awu mamane kupita, bamfumu bakuabu ba bena Izrayele kufika, bangambila ne: — Nansha bantu ba patupu, nansha batuangaji ne bena Levi, kabena bashiyangane ne bena ditunga to. Badi batendelela mvidie ya tshianana, badi balonda bibidilu bibi bia bena Kenaane, bena Iti, bena Perizi, bena Yebusa, bena Amone, bena Mowabe, bena Ejipitu ne bena Amore.

Nehemya 9:7

Amu wewe Maweja-Nangila Mvidi Mukulu ke udi musungule Abrame. Wewe kumumusha mu Ure ku Babilone. Wewe kumuinyika ne: Abrahame.

Yeshaya 1:10

Nuenu bamfumu ba mu Yerushalayime, nudi bafuanangane ne bena tshimenga tshia Sodome. Telejayi bimpe tshidi Maweja-Nangila wamba! Nuenu kabidi bantu babi, badi bafuanangane ne bena Ngomore. umvuayi mudi Mvidi Mukulu wetu unubela ne:

Yeshaya 43:27

Nkambua webe wa kumpala ukavua mupile. Ke mudi kabidi balombodi ba ditunga diebe bantombokele lelu.

Yezekiyele 16:2

— Muntu, uleje bena mu Yerushalayime muvuabu benza bibi bitambe.

Yezekiyele 16:4

Pavuabu bakulela muntu nansha umue kavua mukose mumfu webe to. Kabavua bakoweshe mayi, kabavua bakufite luepu, kabavua ba-kuvuadike mikaya.

Yezekiyele 16:45

Bushuwa, udi muana wa bakaji udi mufuane mamuebe. Mamuebe uvua mubenge bayende ne bana bende. Wewe udi mufuanangane kabidi ne bana benu ba bakaji, bavua babenga babayabu, ne bana bavuabu balele. Mamuebe mmuena Iti. Tatuebe mmuena Amore.

Yezekiyele 21:30

“Wewe mukalenga wa bena Izrayele, udi muntu mubi, udi kayi ukumbaja bivuaye mulaye. Kadi tshikondu tshikadi tshifika, tshidi buenzavi buebe ne bua kujika.

Matayi 11:24

Ke pandi nnujadikila ne: dituku didi Mvidi Mukulu ukosa nsambu, dinyoka dia Sodome, nedikale dishadile ku dienu.

Matayi 3:7

Yowanane umona baparushe ne basaduke bavule bafike kudiye bua abatue mu mayi, kubambilaye ne: — Nuenu, nudi nyoka! Udi munulongeshe munudi mua kupanduka ku dinyoka dia Maweja-Nangila dikadi pabuipi nnganyi?

Luke 3:7

Bantu bavule bavua bafika kudi Yowanane, bua abatue mu mayi. Uvua ubambila ne: — Nuenu nudi nyoka! Uvua munuambile munudi mua kupanduka ku dinyoka dikadi Mvidi Mukulu musue kununyoka nadi nnganyi?

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Efeze 2:3

Bonsu buetu tuvua benze anu bu bobu. Tuvua tulonda amu majinga etu mabi. Tuvua tukumbaja amu bivua mubidi wetu, ne meji etu, bijinga. Nanku tuvua amu ne bua kupeta dinyoka kudi Mvidi Mukulu, bu bantu bakuabu bonsu.

Dielulula 20:17

Bena Iti, bena Amore, bena Kenaane, bena Perizi, bena Ivi ne bena Yebusa, nenubashipe bonsu, muvua Maweja-Nangila Mvidi Mukulu wenu muambe.

Dielulula 7:1

Maweja-Nangila Mvidi Mukulu wenu, neanufikishe mu ditunga dinudi ne bua kukuata. Neanuipatshile bisamba ebi muanda mutekete: bena Iti, bena Ngirgashi, bena Amore, bena Kenaane, bena Perizi, bena Ivi ne bena Yebusa, bidi binupita bungi ne bukole.

Yoshua 13:4

didi kuinshi. Nenukuate kabidi ditunga dia bena Kenaane, biangatshile ku Ara, buloba bua bena Sidone, too ne ku Afeke ku mikalu ya bena Amore.

Yoshua 24:14

Yoshuwa kuamba kabidi ne: — Mpindiewu nuenu bena Izrayele, numanye bumfumu bua Maweja-Nangila. Numuenzele mudimu ne muoyi mujima, numutumikile. Numushe mvidie ivua bankambua benu batendelela, patshivuabu dishiya dia musulu wa Perate, nansha patshi wabu mu Ejipitu. Nanku, enzelayi Maweja-Nangila mudimu.

1 Yone 3:10

Badi mua kujingulula patoke bana ba Mvidi Mukulu ne bana ba diabolu nenku: muntu yonsu udi kayi wenza malu makane, anyi kayi unanga muanabu, kena muana wa Mvidi Mukulu.