Yezekiyele 1:22 - MUKANDA WA MYIDI MUKULU

²² Pa mitu ya nyama inayi ayi, pavua tshintu bu tshisasa tshia tshijengu, tshikenka bu mudi mabue a mushinga mukole.

Mukanda wa Nzambi Dihungila Dikulukulu ne Dihungila Dihia-dihia 2003

²² Ha mutu ha bifukibue bidi ne muoyo hakadi tshinfuanyi tshia diulu, tshiakadi tshikenka bu dibue dinene dia nvula, ne tshiakabaluluka ha mutu habi.

Yezekiyele 1:22 교차 참조

Yobe 37:22

Butoke budi bukenka, bufuma ku mutu kua ditunga. Lumu lua Mvidi Mukulu ludi lutukuatshisha bowa.

Ekesode 24:10

Kumonabu Mvidi Mukulu wa Izrayele, muimane pa mabue matoke a mushinga mukole, engelela. Mabue awu avua mafuanangane ne mubidi wa tshibuashibuashi.

Yezekiyele 1:25

Pa mutu pa tshisasa tshinene atshi tshivua tshibuikila mitu ya nyama ayi, pavua kabidi mutoyi.

Yezekiyele 1:26

Pavua kabidi dibue dia mushinga mukole dia Safire, divuabu basonge bu nkuasa wa bukalenga. Pa mutu pa nkuasa wa bukalenga apu, pavua pamueneka bu muntu.

Yezekiyele 10:1

Diba adi, mvua mumone tshisasa tshivua pa mitu ya bakerubine. Tshivua ne tshintu tshifuanangane ne nkuasa wa bukalenga, muenza ne dibue dia mushinga mukole dia Safire.

Yezekiyele 10:20

Ku muelelu wa musulu wa Kebare, nkavua mumone nyama minene ayi muinshi mua Mvidi Mukulu wa Izrayele. Nanku meme kujingulula ne: mbakerubine.

Didimanyisha 21:11

Tshimenga tshivua tshiwule ne butumbi bua Mvidi Mukulu, tshibalakana bu dibue dia mushinga mukole, bu dibue dia yaspise, dimueneka munda ne panyima bu lusoka lua kristale.

Didimanyisha 4:3

Uvua ukenka mpala bu mabue a mushinga mukole a yaspise ne sarduwane. Muanzankongolu uvua wenza tshijengu kulu kua nkuasa, wengelela bu dibue dia emerode.

Didimanyisha 4:6

Kumpala kua nkuasa kuvua tshintu bu mayi manene, menza bu lumuenu kaluyi katoba, abalakana bu lusoka lua kristale. Bia muoyi binayi, biase mesu kumpala ne kunyima, bivua binyungulukile nkuasa ku nseke yonsu.