Yeshaya 9:9 - MUKANDA WA MYIDI MUKULU

⁹ “Nzubu ya tushole ivuabu bupule, nebibakulule ne mabue masonga! Nansha bobu bashimbule makunji a mitshi ya sikomore, ki mbualu to. Netupingaje pa mutu pawu makunji a mitshi ya sedre!”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bantu bonso nebadimanye, ba mu Efelayima ne badi bashikame mu Samalea mene, badi bamba mu kudisua kuabo ne mu dikamakama dia mu mitshima yabo ne,

Yeshaya 9:9 교차 참조

1 Bakalenga 22:25

Muambi Mika kuandamuna ne: — Eyowa! Wewe neujadike bionsu ebi, dituku diwikala musokome mu tshibambalu tshia munda mua nzubu webe.

Nsumuinu 16:18

Udi uditambisha neabutuke. Udi udisua neapone panshi.

Yeshaya 26:11

Maweja-Nangila, wewe udi olola tshianza bua kubanyoka, kadi kabena bamona biudi musue kuenza to. Udi ubaluisha bundu, ubanyoka, bua bamone muudi unanga bantu bebe bikole! Kapia kaudi mufundile bena lukuna bebe, kababutule bonsu bungi buabu!

Yeshaya 28:1

Nuenu bena Efrayime, nuenu badi bakuathika maluvu, nudi bena diakabi. Nudi nuditambisha bua tshimenga tshienu tshia Samariya, tshidi bu tshikata tshia lumu, tshinuvua base kulu, tshitangilangane ne tshibandabanda tshidi ne madimi mimpe. Kadi tshiotshi tshidi amu bu tshifulu tshienza ne bilongu bimpe. Bilongu ebi bidi bifubidile pa mitu ya bakuatshiki ba maluvu.

Yeshaya 28:3

Tshikata tshia lumu tshivua bakuatshiki ba maluvu ba bena Efrayime baditambishila, nebatshidiatakaje ku makasa.

Yeshaya 46:12

Nuenu bantu badi bateketa mu maboku, nuenu badi bela meji ne: malu andi mulaye atshidi kule, ntelejayi.

Yeshaya 48:4

Kadi ndi mukumanye, muudi muena tshitunu, muudi tshisamba tshidi tshitomboka, tshisamba tshia mutu mukole bu tshiamu.

Yeshaya 7:2

Bantu kumanyisha Akaze, mukalenga waku ndelanganyi ya Davide, ne bena lubanza luende ne: bena Arame mbase mitanda yabu mu buloba bua bena Efrayime. Bualu abu kutonda Akaze ne bantu bende. Kutuadijabu kunyungakana, bu mitshi ya muitu idi lupepele lunyungisha.

Yeshaya 9:8

Bantu bonsu badi mu buloba bua Efrayime, ne badi basomba mu tshimenga tshia Samariya, mbamanye bualu ebu. Kadi badi amu baditambisha, bamba ne:

Yirmeya 32:24

Bena Babilone badi basemena pabuipi ne tshimenga bua kutshiluisha. Nebatshikuate. Tudi mua kuamba ne: tshikadi mu bianza biabu. Badi bakeba kutshikuata ku mvita, ku tshiyole tshia nzala, ne ku disama dia tshiambu. Bionsu biuvua muambe mbimane kuenzeka, wewe mene udi mua kubijadika.

Yezekiyele 30:19

Nennyoke bena Ejipitu. Nanku nebajadike ne: meme ndi Maweja-Nangila.”

Yezekiyele 33:33

Kadi padi malu audi ubambila akumbana — akadi pa kukumbana mene — nebajadike ne: muambi uvua munkatshi muetu.

Yezekiyele 7:27

Mukalenga wa ditunga neabuele mu madilu. Muana wa mukalenga kakutekemena tshintu. Bantu ba mu ditunga nebazakale. Nembanyoke bilondeshile mudi nsombelu wabu mubi. Nembalumbuluishe tshiyi ne luse, amu muvuabu balumbuluishe bantu. Nanku nebajadike ne: meme ndi Maweja-Nangila.”

Yezekiyele 7:9

Tshiena mua kunufuila luse, tshiena mua kulengulula bilema bienu. Nennunyoke bua bibi bienu bionsu binudi nuenza kanuyi nupungila. Nanku, nenujadike ne: ke meme Maweja-Nangila udi ununyoka.

Osheya 8:14

Bena Efrayime mbase nzubu minene, bapue Mufuki wabu muoyi. Bena Yuda mbase bimenga bia bungi babikolesha ne bimana. Kadi meme Maweja-Nangila nengoshe bimenga abi. Kapia nekabutule nzubu yonsu mimpe ya mu bimenga abi.”

Malaki 1:4

Pikala bena Edome bamba ne: “Mbatubunde, kadi netuibake tshiakabidi bimenga bietu bidibu banyangakaje.” Meme Maweja-Nangila wa bukole buonsu ndi ngamba ne: “Nansha bibake tshiakabidi bimenga abi, kadi meme ne-mbiupule.” Nebinyike ditunga diabu ne: “Ditunga dia malu mabi.” Badi basombamu nebabinyike ne: “Bantu badi Maweja-Nangila ulekela tshiji.”

Malaki 3:13

Maweja-Nangila udi wamba ne: “Nudi nunjana, pashishe nudi nukonka ne: ‘Tudi tukujana, tukuamba bishi?’

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”