Yeshaya 9:6 - MUKANDA WA MYIDI MUKULU

⁶ Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.

Yeshaya 9:6 교차 참조

2 Samuele 7:13

Muanebe awu, neangibakile nzubu. Nemmujadike mu bukalenga kashidi.

2 Samuele 7:16

Misangu yonsu, muana wa ku ndelanganyi yebe neakupingane mu bukalenga, bualu bukalenga nebushale mu nzubu muebe kashidi.’ ”

1 Bakalenga 10:9

Maweja-Nangila Mvidi Mukulu webe atumbe. Uvua mukusungule bua wikale mukalenga wa bena Izrayele! Bualu Maweja-Nangila mmunange bena Izrayele kashidi. Ke padiye mukuteke mukalenga wabu bua kubaludika mu njila wa malu mimpe.

1 Bakalenga 2:33

Eyowa, Yowabe ne ndelanganyi yende nebashale bena tshibawu kashidi bua bualu ebu. Kadi mukalenga Davide ne ndelanganyi yende, bena nzubu wende bonsu badi bamupingana mu bukalenga, Maweja-Nangila neabape disanka dia kashidi.

1 Bakalenga 2:45

Kadi Maweja-Nangila neangele lupemba. Neajadike bukalenga mu nzubu wa Davide kashidi.

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Misambu 45:3

Bulenga bua mpala webe mbupite bua bantu bakuabu. Mishiku yebe idi yakula amu miaku ya meji. Mvidi Mukulu mmukuele lupemba kashidi.

Misambu 45:6

Miketa yebe idi mitue mitambe. Neibuele mu mioyi ya baluishi bebe. Bantu nebashinde ku makasa ebe.

Misambu 45:7

Nkuasa webe udi mushindama kashidi, amu bu mudi nkuasa wa Mvidi Mukulu. Udi ulombola bukalenga buebe ne buakane.

Misambu 50:1

Musambu wa mu mukanda wa misambu ya Asafe. Mvidi Mukulu, Mvidi Mukulu Maweja-Nangila uvua muakule, muele lubila pa buloba. Kumvuikalu kudi diba dibanda ne kudidi dibuelela.

Misambu 72:17

Lumu lua mukalenga lushale kashidi, bamutumbishe too ne muajimina diba tshiendelele! Bantu belangane lupemba, bamba ne: Mvidi Mukulu akusankishe, muvuaye muenzele mukalenga! Mu matunga onsu bantu bamutue makumbu!

Misambu 72:3

Ku bulongolodi buende, bupole bubuele mu ditunga, bubanji bupueke mu mikuna.

Misambu 72:7

Matuku adiye mu bukalenga, bakose nsambu amu pa yoyi. Bupole ne diakalenga bivulangane mu ditunga, too ne muajimina ngondu kashidi!

Misambu 85:10

Bulelela, diambuluisha diende didi pa buipi ne badi bamutshina, butumbi buende nebushale mu ditunga dietu.

Misambu 89:5

Nenjadike umue wa ku ndelanganyi yebe mu bukalenga tshiendelele. Nenteke bantu ba ku ndelanganyi yebe mu bumfumu buebe, mu bikondu bionsu.”

Nsumuinu 8:23

Uvua mungenze ku tshibangidilu tshia bidimu, kayi muanji kufuka buloba.

Yeshaya 10:21

Kasumbu kadi kashala nekapingane. Bushuwa, bena Izrayele badi bashala nebapingane kudi Mvidi Mukulu wa bukole.

Yeshaya 11:5

Bu mudi muntu ne mukaba musuike mu tshimonu diba dionsu, udi ne muoyi umue, wenza amu bidi bimpe kayi ulekela.

Yeshaya 16:5

Diba adi, bu munudi nudileja luse luenu, muntu wa ku ndelanganyi ya Davide, neasombe kashidi mu nkuasa wa bukalenga. Nealumbuluishe bantu, neakose nsambu pa yoyi, nealudike bantu mu njila muimpe.”

Yeshaya 26:12

Maweja-Nangila, neumpeshe tshionsu tshitudi tukengela. Bualu wewe ke udi mutuenzele bionsu bituvua bakumbaje.

Yeshaya 26:3

Bualu ke bantu badi bajadika malu ne muoyi umue. Wewe Maweja-Nangila udi ubalama ne bupole, bualu badi batekemena kuudi.

Yeshaya 28:29

Lungenyi lua kuenza nanku ludi lufuma kabidi kudi Maweja-Nangila muena bukole buonsu. Mvidi Mukulu udi uleja bantu nanku, mudi meji ende a kukema, mudiye mumanye malu onsu.

Yeshaya 32:1

Nanku mukalenga neafike, mukalenga udi ulombola bantu bende mu buakane. Balombodi ba mu bukalenga buende, nebalonde amu njila wa buakane.

Yeshaya 37:32

Eyowa, mu Yerushalayime nemupatuke bantu badi bashala ne muoyi; bantu abu nebimane pa mukuna wa Siyone.” Yeshaya kuamba kabidi ne: “Maweja-Nangila wa bukole buonsu neakumbaje bualu ebu, bualu udi mununange menemene.

Yeshaya 53:10

Kadi Maweja-Nangila uvua muanyishe muena mudimu wende uvuabu bakengeshe. Bu nuwuaye mufile muoyi wende pa mutu pa bantu bakuabu, muena mudimu awu neapete muoyi tshiakabidi, neikale ne ndelanganyi mivule, neashale matuku mavule pa buloba. Yeye ke wakumbaja meji adi Maweja-Nangila nawu.

Yeshaya 53:2

Bualu Maweja-Nangila uvua musue, bua muena mudimu wende ende ukola bitekete bitekete, bu mutshi wa tshitende, bu mutshi udi wela miji mu buloba buume. Kavua ne buneme, nansha bulenga, buvua mua bantu kumutangidila. Kavua ne tshintu nansha tshimue, tshivua mua kusaka bantu bua bamutangile.

Yeshaya 53:5

Kadi bavua bamutape mputa, amu bua mibi yetu. Bavua bamukengeshe, amu bua buenzayi buetu. Bavua bamunyoke yeye, bandekele tuetu babinga. Bavua bamutuute bikole, kutulekela tuetu, kabayi nansha batulenga pambidi.

Yeshaya 63:16

Bualu amu wewe ke udi Tatu wetu. Abrahame nkambua wetu, kena mubimanye. Yakobe kena mutuvuluke. Kadi wewe, Maweja-Nangila, udi Tatu wetu, wewe ke udibu binyika ku kale kuonsu aku ne: “Mutusungidi wetu.”

Yeshaya 66:12

Maweja-Nangila udi wamba ne: “Ndi ntuma musulu wa diakalenga ku Yerushalayime, ne biuma bia matunga makuabu bungi bu musulu udi mupasalale mu tshisuku. Nenkukube mudi mamu wamusha muanende, umutuala ku lubese, umukongololuela pa bibelu biende.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Yeshaya 8:18

Meme ne bana badi Maweja-Nangila mumpeshe, tudi bimanyinu bidi bilongesha bantu mu Izrayele malu a kudi Maweja-Nangila muena bukole buonsu, udi usomba mu nzubu wende pa mukuna wa Siyone.

Yirmeya 31:22

Nsongakaji mutomboke, newindile too ne ku tshikondu kayi, bua wewe kupingana? Bualu Maweja-Nangila mmupatule bualu bupiabupia pa buloba ne: ke mukaji udi uya kukeba mulume.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Danyele 7:14

Kumupeshabu bukokeshi, butumbi ne bukalenga bua bantu ba matunga onsu, ba bisamba bionsu ne ba miakulu yonsu. Bukokeshi buende nebushale kashidi, kabuena bujika. Bukalenga buende kabuena bufue.

Agayi 2:9

Nanku nzubu mupiamupia wanyi ewu, neikale muimpe mupite wa kale. Kabidi nempeshe bantu banyi ditalala mu nzubu ewu. Meme Maweja-Nangila wa bukole buonsu, ndi ngamba nanku.

Matayi 1:1

Mena a bankambua ba Yezu Kristu, muana wa ku ndelanganyi ya Davide ne ya Abrahame, adi nunku:

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Matayi 11:27

Tatu mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, amu Muana nkayende, kabidi ne bonsu badi Muana musue kumanyisha Tatu.

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Luke 2:11

butuku ebu mu tshimenga tshia Davide, mbalelamu Musungidi wenu. Yeye ke Kristu Mfumu.

Luke 2:14

“Butumbi buonsu budi kudi Mvidi Mukulu mulu mu diulu, bupole buende budi pa buloba, kudi bantu badiye munange!”

Luke 21:15

Meme nennupeshe miaku ne meji bidi nansha umue wa ku bena lukuna benu kayi mua kutontolola, nansha kubenga.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 1:16

Muntu yonsu wa kutudi mmupete tshiende tshitupa tshia bubanji bua dinanga diende. Uvua mudiele lupemba misangu ne misangu.

Yowanane 14:27

Ndi nnushila ditalala. Ndi nnupesha ditalala dianyi. Tshiena nnupeshadi bu mudi ba pa buloba badipeshangana. Kanupampakanyi. Kanutshinyi.

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

1 Korente 15:25

Bualu Kristu udi ne bua kuikala mukalenga too ne padi Mvidi Mukulu utshimuna bena lukuna bonsu, ubateka kuinshi kua makasa ende.

2 Korente 5:19

Bualu Mvidi Mukulu mmukuate mudimu, bua Kristu alengeje bantu bonsu nende. Kavua musue kuvuluka kabidi malu abu mabi. mMutupeshe kabidi mudimu wa kumanyisha bantu mudibu mua kudilengeja nende.

Dielulula 10:17

Numanye ne: Maweja-Nangila udi mfumu wa mvidie yonsu, ne mukalenga wa bakalenga. Yeye ke Mvidi Mukulu munene ne wa bukole bonsu, udi bantu bonsu batshina. Kena ne kansungansunga to. Kena witaba mabuejilu to.

Kolose 2:3

Yeye ke nsapi idi ikangula, yunzulula bibutshilu bisokome bionsu bia meji ne lungenyi bia kudi Mvidi Mukulu.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Tite 2:13

Ke mutudi mua kuindila dituku dia disanka ditudi tutekemena. Dituku adi butumbi bua Mvidi Mukulu wetu munene ne Musungidi Yezu Kristu nebumueneke patoke.

Ebrewu 1:8

Kadi bua Muana, Mvidi Mukulu uvua muambe ne: “Mvidi Mukulu, nkuasa webe udi mushindame kashidi, Neulombole bukalenga buebe mu buakane.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”

Balombodi 13:18

Mutumibue kubenga, umukonka ne: — Udi musue kumanya dina dianyi bua tshinyi? Dina dianyi didi dia dikema.