Yeshaya 9:5 - MUKANDA WA MYIDI MUKULU

⁵ Eyowa, mbatulelele muana, mbatupeshe muana wa balume. Mvidi Mukulu mmumuteke mukalenga. Nebamuinyike ne: “Muena meji wa dikema, Mvidi Mukulu wa bukole, Tatu wa kashidi, Mukalenga muana wa bupole.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua tshisabata tshionso tshidi disalayi diluata mu diyoyo dia nvita, ne bivualu bia nvita biakinabo mu mashi, nebikale bintu bia kuoshabo, bu nkunyi ya kuela mu kahia.

Yeshaya 9:5 교차 참조

Genese 32:30

Yakobe kumuebeja ne: — Kadi wewe mene, dina diebe nnganyi? Kampande awu kumuandamuna ne: — Udi musue kumanya dina dianyi bua tshinyi? Pashishe kuelaye Yakobe lupemba.

Misambu 46:9

Kanumonayi bidi Maweja-Nangila muenze. Tangilayi malu a dikema adiye mukumbaje pa buloba.

Misambu 72:3

Ku bulongolodi buende, bupole bubuele mu ditunga, bubanji bupueke mu mikuna.

Ekesode 23:21

Kadi, nudimuke! Pafika mutumibue wanyi, nuitabe bionsu bidiye unuambila. Kanumufikishi munda, kanumutombokedi. Bualu kena mua kunufuila luse ku bubi buonsu bunudi nuenza. Bionsu bidiye wenza, udi ubienza mu dina dianyi.

Yeshaya 13:4

Umvuayi tshiona tshidi tshifumina ku mikuna, tshifuanangane ne mutoyi wa tshisumbu tshinene tshia bantu. Bavua badisangishe mbafume ku makalenga mavule. Bena matunga ne matunga badi muaba umue. Bualu Maweja-Nangila muena bukole buonsu, ke udi ukenketa bantu bende bua baye ku mvita.

Yeshaya 2:4

Neakose nsambu ya bisamba pa yoyi, nealumbuluishe bantu bonsu. Nebandamune mafuma abu, ne miele ya mvita, bishale nkasu ne bikasu, bia kudima ne kunowa nabi. Tshisamba katshitshiena tshiluisha tshikuabu. Bantu kabatshiena balongeshangana mvita.

Yeshaya 30:33

Mbamane kulongolola tshioshelu kale. Mbalongolole muaba udibu ne bua kuoshela mukalenga wa bena Ashure. Tshioshelu etshi tshidi tshinene, kabidi tshile. Bavua belamu nkunyi ya bungi. Nanku, Mueyelu wa Maweja-Nangila udi utemeshamu kapia. Nkunyi eyi idi bu kapia ka mu tshingoma kadi katema.

Yeshaya 37:36

Nanku, mutumibue wa Maweja-Nangila kuya mu mitanda ya bena Ashure. Kushipaye bantu binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika, kumonabu bitalu bionsu abi.

Yeshaya 4:4

Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

Yeshaya 9:4

Bisabata bia baluishi bidi bizakaja buloba, binkutu biabu binyanguke ne mashi, nebabioshe mu kapia, babishidisha.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yirmeya 23:5

Maweja-Nangila udi wamba ne: Dituku nedifike dindi mbikila muntu wa ku ndelanganyi ya Davide menemene. Neikale mukalenga muakane. Neenze amu malu mimpe. Neakose amu nsambu pa yoyi mu ditunga.

Yirmeya 47:3

Badi bumvua mikuma ya bikonu bia nyama ya tubalu, mutoyi wa matempu a mvita, ne wa nkata yawu itutakana. Baledi badi bapua bana babu muoyi, babashiya. Badi bimana maboku teketee.

Yowele 2:5

Idi itupika ku mukuna, iya ku munga, yela tshiona bu tshia matempu a mvita, bu tshia kapia kadi kosha bisosa biume. Idi bu tshiluilu tshikole, tshidi tshiela mualu wa mvita.

Lewitiki 3:11

Mutuangaji oshe bintu bionsu abi pa tshilambuilu, bualu mmulambu udibu boshila Maweja-Nangila.

Lewitiki 3:16

Mutuangaji oshe bintu bionsu abi pa tshilambuilu, bualu mmulambu wa dipembu dimpe moshila Maweja-Nangila. “Mafuta onsu ikale a Maweja-Nangila.

Mika 5:1

Maweja-Nangila udi wamba ne: “Wewe Betleyeme wa mu Efrata, ku misoku yonsu ya bena meku a Yuda, udi musoku udi ne bantu bakese. Kadi nempatule muntu wa munda muebe, bua alombole mu dina dianyi, tshisamba tshia bena Izrayele. Muntu awu uvuaku ku kale ne kalele.”

Nahume 3:2

Teleja: mfimbu idi idila, nkata ya matempu yenza mutoyi, nyama ya tubalu inyema, matempu a mvita ashiya tshiona.

Zekâya 6:13

Eyo, yeye ke wamuasa tshiakabidi. Neavuale bimanyinu bia bukalenga, neasombe mu nkuasa wa bumfumu bua kulombola bantu. Mutuangaji neikale pabuipi nende. Bantu aba babidi nebumvuangane bikole.

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Bienzedi 2:19

Nengenze malu a kukema mu diulu muamua, ne bishima pa bupoba apa: nebamone mashi, kapia, ne dibungi dikole dia muinshi.

Bienzedi 2:3

Kumonabu ndimi imueneka bu ya kapia, yabulukangana iya kuikila ku lumue ku lumue pa mitu yabu.

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

Balombodi 13:18

Mutumibue kubenga, umukonka ne: — Udi musue kumanya dina dianyi bua tshinyi? Dina dianyi didi dia dikema.

1 Samuele 14:19

Patshivua Shawule bayukila ne mutuangaji Akiya, tshimvundu tshivua tshienda tshivula mu mitanda ya bena Peleshete. Nanku Shawule kuambila mutuangaji Akiya ne: — Kutatshi bua kuebeja Maweja-Nangila to.