Yeshaya 9:16 - MUKANDA WA MYIDI MUKULU

¹⁶ Ke padi Maweja-Nangila kayi mua kupandisha bansongalume babu ku mvita. Kena mua kufuila bakaji bakamba ne bana ba nshiye luse. Bualu bantu bonsu badi benza bibi, babenga diyi dia Mvidi Mukulu, bakula bu bantu badi kabayi bangata Mvidi Mukulu ne mushinga. Kadi tshiji tshia Maweja-Nangila, katshiena tshijika. Utshidi amu olola tshianza bua kunyoka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Balombodi ba bantu aba bakulua bahambuishi babo, ne bantu bakadibo balombela ba kuminyibua.

Yeshaya 9:16 교차 참조

2 Kulondolola 30:27

Ku ndekelu batuangaji ba bena Levi kuimana kulu, kulomba Mvidi Mukulu bua ele bantu lupemba. Dilomba diabu kufika mu diulu, muaba wa tshijila wa Mvidi Mukulu. Ke Mvidi Mukulu kudikumbaja.

Yeshaya 10:4

Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Yeshaya 19:14

Maweja-Nangila mmubatshiompakaje. Ke mudibu bapambula bena ditunga, mu midimu yonsu idi bena Ejipitu benza. Mbafuanangane ne muntu mukuatshike maluvu, utetukila mu bilushi biende.

Yeshaya 3:12

Maweja-Nangila udi wamba ne: Bantu badi bamfumu ba tshisamba tshianyi, badi amu bu nyunyu midianganyi. Badi bashala mu bumfumu badi amu bena lukuka. Tshisamba tshianyi, bantu badi bakulombola, badi amu bakupambula, baya nebe mu njila mubi.

Yeshaya 5:25

Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Yirmeya 18:21

Kadi mpindiewu wanyishe bua tshiyole tshia nzala tshishipe bana babu, bua muele wa mvita ubabutule bonsu, bua bakaji babu bashale bianza bitupu, kabayi bamona bana, bafuishe kabidi babayabu. Disama dia tshiambu dikuate bantu balume, dibabutule. Bansongalume bafuile mu mvita!

Yirmeya 23:13

“Bimvua mumone kudi bambi ba mu Samariya, bivua bintonde menemene. Meme Maweja-Nangila ndi ngamba nanku. Bavua bakula mu dina dia mvidie Baale. Bavua bapambule bantu banyi bena Izrayele.

Yirmeya 9:4

Muntu yonsu udi udinga muntu nende. Kakuena muntu udi wamba malu malelela. Bantu bonsu mbamane kuibidila mua kudingangana. Mbenze bibi bitambe. Nanku, kabena ne mushindu wa kupingana kundi meme.”

Amosa 2:4

Teleja tshidi Maweja-Nangila wamba ne: “Ndi ndumbuluisha bena Yuda, mbapisha bua malu mabi mavule, kadi nangananga, bualu mbalengulule malu onsu amvua mubamanyishe. Mbadiate mikenji yanyi ku makasa. Bavua bapambuka mu njila, batendelela mvidie, ivua bankambua babu mene bakukuila. Nanku tshiena mua kubafuila luse! Nenkumbaje bindi mujadike ne:

Mika 3:5

Telejayi bidi Maweja-Nangila wamba, bua bambi badi badinga bantu banyi. Udi wamba ne: “Bambi badi bambila bantu ne: ditalala didiku, amu padibu babafuta difutu dia bungi. Kadi muntu udi kayi ubapesha biakudia, badi bamuluisha mvita.

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Ebrewu 7:7

Bushiwa, muntu udi wela lupemba mmupite udiye wela lupemba.