Yeshaya 8:7 - MUKANDA WA MYIDI MUKULU

⁷ Nenku nembueje mu ditunga diatshi, mayi a musulu wa Perate, mayi mapite bungi, a muenji mukole kabidi. Ke mukalenga wa Ashure, ne tshiluilu tshiende. Mayi a musulu wa Perate, neapasalale dia muamua ne dia munu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ tangila, Mukelenge neabavuishile mai a ku Musulu wa Pelata, adi makole ne adi mavula-ngane, au mmukelenge wa Bena Ashû ne butumbi buandi buonso. Wowo neubande ha mutu ha mitubu yau yonso, neuhasalale mibungiji yau yonso.

Yeshaya 8:7 교차 참조

Genese 6:17

Meme nenguwuje buloba ne mayi a tshipupu, bua kubutula bionsu bidi ne muoyi pa buloba. Tshintu tshionsu tshidi ne muoyi pa buloba netshifue.

2 Bakalenga 19:32

Kadi mpindiewu, bua mukalenga wa bena Ashure, Maweja-Nangila udi wamba ne: “Kakubuela mu tshimenga etshi to. Kena mua kuasa tshimenga etshi miketa to. Ngabu kayena mua kumuambuluisha bua kuluisha tshimenga etshi to.

Ezela 4:10

ne mu dina dia bantu bakuabu bavuabu baye nabu mu bupika kudi Asnapare, muntu munene wa lumu, badi basomba mu bimenga bia mu Samariya, nansha mu buloba budi luseke ludi diba dibuelela lua musulu wa Perate, a.n.”

Misambu 46:4

nansha mavuala akungula, asaba, adiela mulu, anyungisha mikuna.

Misambu 72:8

Mukalenga adie bumfumu ku mayi manene too ne ku makuabu, ku musulu wa Perate too ne ku ntengu ya buloba.

Yeshaya 10:16

Nenku mfumu wa bamfumu, Maweja-Nangila muena bukole buonsu, neajimije bubanji budi bena Ashure nabu. Neoshe lumu luabu, ne bionsu bidibu nabi.

Yeshaya 10:5

Maweja-Nangila udi wamba ne: Bena Ashure mbena diakabi. Mvua mubangate bua kunyoka nabu bantu banyi. Bobu ke badi bambula mutshi, undi ntalaja nawu tshiji tshianyi.

Yeshaya 11:15

Maweja-Nangila neakamishe musapa wa mayi manene a Ejipitu. Yeye neakanyine ne tshianza tshiende musulu wa Perate. Ku bukole bua Mueyelu wende, neaukosolole tusulu muanda mutekete, tudibu mua kusabuka ku makasa.

Yeshaya 28:15

“Nukadi nuamba ne: tudi batue ndondu ne lufu, tudi bumvuangane ne bajangi. Tshipupu katshiena mua kutukuata, paditshi tshipita. Bualu tudi bamone dishima bu muaba wa kunyemena, ne kudinga bantu, bu muaba wa kusokomena.”

Yeshaya 28:17

Monji wa kupima nawu, newikale buakane. Nshinga wa kululamija nende, ke kuenza malu mimpe.” Kadi mabue a mvula neumushe, dishima dienu dinudi batekemene. Mayi neabumbule, muaba unuvua banyemene.

Yeshaya 28:2

Kadi Maweja-Nangila neatume muntu udi ne bukole, udi mufuane mvula mukole wa mabue, nansha tshipupu tshidi tshinyangakaja bionsu. Udi bu mvula wa mudimbi, wa mayi mapasalala miaba yonsu. Maweja-Nangila udi olola tshianza, utonkola tshimenga panshi musangu umue.

Yeshaya 43:2

Pawapitshila mu mayi, nengikale nebe. Pawasabuka misulu, kuena udiinamu to. Pawikala mupitshile mu kapia, kuena upiamu. Ndimi ya kapia kayena ikosha.

Yeshaya 59:19

Nenku bantu nebatshine Maweja-Nangila. Nebanemeke butumbi buende, bituadije luseke ludi diba dipatukila, too ne luseke ludidi dibuelela. Neafike lubilu, bu musulu wa muenji mukole, udibu basakila kudi tshipepela.

Yeshaya 7:17

Kadi Maweja-Nangila neanukengeshe, wewe ne bantu bebe, ne bena diku diebe dia bukalenga. Nenubuele mu dikenga dinudi kanuyi banji kumona, katshia bukalenga bua Izrayele babulukangana ne bukalenga bua Yuda. — Mukalenga wa bena Ashure neakumbaje bionsu ebi.

Yeshaya 7:20

Dituku adi, Maweja-Nangila neanubeye nsuki, ne miosa ya pambidi ponsu, ne miedi, ne kapaya kadiye usomba, dia muamua dia musulu wa Perate. Kapaya kende aka, ke mukalenga wa bena Ashure.

Yirmeya 47:2

Maweja-Nangila udi wamba ne: Mayi manene adi afuma ku mutu kua ditunga adi ne muenji mukole, apasalala mu ditunga, mu madimi, mu bimenga ne mu nzubu ya bantu. Bantu bonsu badi bela miyenga. Bena ditunga badi badila miadi.

Yirmeya 51:42

Mayi manene kufika too ne ku Babilone, kumubikila ne muenji mukole.

Yezekiyele 26:19

“Eyowa, meme Maweja-Nangila Mvidi Mukulu ndi ngamba ne: Tire, nenkubutule bu mumvua muenze ne bimenga bikuabu, bua muntu nansha umue kasombi kabidi muebe. Nenjule mavuala a mu mayi manene bua akubuikile.

Danyele 11:10

“Bana ba balume ba mukalenga wa mu ditunga dia ku mutu Mbadilongolole ku mvita. Nebasangishe bena mvita bapite bungi. Umue wa kudibu neaye ne bena mvita bende. Neasambuke mikalu ne lubilu bu lua musulu wa mayi udi upasalala. Pashishe papinganaye mu ditunga diende, nealuishe tshimenga tshia baluishi tshivuabu bakoleshe ne bimana.

Danyele 11:22

Kakuena tshiluilu tshidi mua kumutshimuna. Neabutule biluilu bionsu. Neashipe kabidi mukalenga wa bena tshisamba tshia ndondu.

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Amosa 8:8

Ke padi buloba buzakala, bonsu badi basombapu basa muadi. Buloba bujima nebubande, nebupueke, bu mudi musulu wa Nile mu Ejipitu.

Amosa 9:5

Maweja-Nangila Mvidi Mukulu wa bukole buonsu, udi ulenga buloba amu ne munu, bukadi buzakala, bukadi bubanda, bupueka, bu mayi mu musulu wa Nile, bonsu badi basombamu badila muadi.

Mika 1:9

Mituutu idibu batuuta Samariya, idi imubutula kashidi. Baluishi mbabuele ne mu ditunga dia Yuda, mbafike ku biibi bia Yerushalayime, kudi bantu banyi basombe.

Mika 5:4

Yeye neafile ditalala. — Pikala bena Ashure bafika bua kukuata ditunga dietu, babuela mu nzubu ya bakalenga betu, netubatumine bamfumu tshisumbu tshinene bua kubaluisha.

Mika 5:5

Nebadie bumfumu mu buloba bua bena Ashure. Nebakuate ditunga dia Nemrode, ne bia mvita ku bianza. Mukalenga wetu neatusungidile kudi bena Ashure, padibu basambuka mikalu, babuela mu ditunga dietu.

Nahume 1:8

nansha mu dikenga dikole dipite. Kadi udi ubutula baluishi bende, ubatuma mu kandondu ka bafue.

Luke 6:48

Udi ufuanangana ne muntu uvua mutuadije kuibaka nzubu. Uvua mumbule mukidi muondoke, muibake tshitaku tshia nzubu pa mabue. Pavua mayi a misulu uwula, apasalala, atuuta ku nzubu, kaavua amunyungisha nansha. Bualu nzubu uvua muibaka bimpe.

Didimanyisha 17:15

Mutumibue kungambila kabidi ne: — Mayi auvua mumone muaba uvua mukaji muena buendenda musombe, ke bantu ba mu bisamba bionsu, ba mu matunga onsu, ne ba miakulu yonsu.