Yeshaya 8:6 - MUKANDA WA MYIDI MUKULU

⁶ — Tshisamba etshi tshidi tshibenga mayi a mu mukidi wa Shilo, adi apueka kaayi muenji. Tshidi tshiteketa mu maboku, pa kumona bakalenga babidi aba: Resine ne Peka.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua bantu aba bakuhetula mai a mu Shiloa adi ahueka talalâ, ne badi basanka bua bualu budi bukuata Lesine ne muana wa Lemalaya,

Yeshaya 8:6 교차 참조

1 Bakalenga 7:16

Kuenzaye kabidi mitu ya makunji ibidi ya kuteka ku nsongu ya makunji. Mitu ya makunji ayi, ivua ya tshiamu tshikunze. Mutu wa dikunji dionsu uvua ne metre abidi ne tshitupa mu butumbuke.

Nehemya 3:15

Tshiibi tshia ku Mpokolu wa mayi bavua batshilongolola kudi Shalume, muana wa Koloze. Shalume uvua mulombodi wa buloba bua Mispa. Shalume mumane kulongolola tshiibi atshi, muenze ne mutu watshi, kuelaye bitupa bibidi bia tshiibi ku mbelu. Kuasaye milonda ya kupayika nayi tshiibi. Pashishe, kuibakululaye tshimana pabuipi ne dijiba dia Shilowa, pankatshi pa lupangu lua mukalenga, ne tshibandilu tshidi tshifumina mu Tshimenga tshia Davide.

Misambu 46:4

nansha mavuala akungula, asaba, adiela mulu, anyungisha mikuna.

Yeshaya 1:20

Kadi panuikala bambenge, bantombokele, nenufue ku muele. Meme Maweja-Nangila ndi ngamba nanku.

Yeshaya 28:2

Kadi Maweja-Nangila neatume muntu udi ne bukole, udi mufuane mvula mukole wa mabue, nansha tshipupu tshidi tshinyangakaja bionsu. Udi bu mvula wa mudimbi, wa mayi mapasalala miaba yonsu. Maweja-Nangila udi olola tshianza, utonkola tshimenga panshi musangu umue.

Yeshaya 30:12

Ke mudi Mvidi Mukulu wa tshijila wa bena Izrayele, wamba ne: “Nudi nubenga tshindi meme ngamba. Kadi malu a budimu ne a dishima, ke anudi nuenza bua kupeta bantu badi mua kunuambuluisha.

Yeshaya 5:24

Nenku bantu aba nebabutuke, mudi kapia kuosha bisosa, mudi ndimi ya kapia ilakuka ku bisuku. Nebabutuke bonsu mudi miji ibola, mudi bilongu biuma, bipona panshi. Bualu bavua badiwule dilongesha, dia Maweja-Nangila muena bukole buonsu, babenge diyi dia Mvidi Mukulu wa tshijila wa bena Izrayele.

Yeshaya 7:4

Wambile Akaze ne: “Udimuke! Kuzakadi, kutshinyi tshiji tshia Resine wa bena Arame ne tshia Peka, muana wa Remalya. Badi amu bu bishelele bia nkunyi bibidi bidi bifuima.

Yeshaya 7:6

‘Tuyayi kuluisha bena mu bukalenga bua Yuda! Tubatshinyishe, tukuate ditunga diabu, mbapeshe muana wa Tabeyele, bua ikale mukalenga wabu.’

Yeshaya 8:5

Maweja-Nangila kungambila tshiakabidi ne:

Yirmeya 18:14

Nukadi bamona nsongu ya mikuna ya Lebanone kayiyi ne neje anyi? Musulu wa mayi a muenji mukole udi mua kukama anyi? To!

Yirmeya 2:13

Bantu banyi bena Izrayele mbenze malu mabi abidi: Mbambenge meme, mpokolu wa mayi mimpe. Mbadiumbuile biina bia mayi. Kadi biina bia mayi abi mbimane kuela mitanta, kabiena mua kulama mayi to!

Yirmeya 2:18

Mpindiewu, nudi nuya kuenza tshinyi mu Ejipitu? Nudi nuya kunua mayi a musulu wa Nile anyi? Nudi nuya kudi bena Ashure bua tshinyi? Bua kunua mayi a mu musulu wa Perate anyi?

Luke 13:4

Bantu dikumi ne muanda mukulu, bavua kaleya ka Silowa kupukila, kashipa, nudi nuela meji ne: ke bavua babi bapite bantu bakuabu bonsu ba mu Yerushalayime ku bubi anyi?

Yowanane 9:7

Kumuambilaye ne: — Uye kuowa mayi ku mesu ku dijiba dia Silowa. (Dina adi Silowa didi diumvuija ne: “Mutumibue”.) Mpofu kuya ku dijiba, kuowa mayi ku mpala, kupingana umona.