Yeshaya 8:13 - MUKANDA WA MYIDI MUKULU

¹³ Manyayi amu ne: meme Maweja-Nangila muena bukole buonsu, ndi wa tshijila. Amu meme ke wakunemeka nkayanyi, amu meme ke unudi ne bua kuzakela.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kadi Yehowa wa misumba nyeye ûdi wewe ne bua kunemeka bu wa tshijila. Nyeye unudi ne bua kutshina ne bua kuikala ne buowa kudiye.

Yeshaya 8:13 교차 참조

Genese 31:53

Mvidi Mukulu wa Abrahame ne wa Nahore akose nsambu yetu nebe. Pashishe Yakobe kuditshipa mu dina dia Mvidi Mukulu uvua mukuatshisha tatuende Izake bowa.

Misambu 76:7

Mvidi Mukulu wa Yakobe, pauvua mukanyine nyama ya tubalu, ne badi babandapu, bapangi bukole.

Ekesode 20:20

Moshe kubandamuna ne: — Kanutshinyi to. Mvidi Mukulu mmufike bua kunuteta, bua numutshine, nulekele buenzayi.

Yeshaya 29:23

Padibu bamona, bobu ne bana babu, midimu indi muenze munkatshi muabu, nebajadike mundi. Nebamanye ne: Ndi Mvidi Mukulu wa tshijila wa Yakobe. Nebatshine kuenza bindi mbenga meme, Mvidi Mukulu wa Izrayele.

Yeshaya 5:16

Maweja-Nangila muena bukole buonsu nealeje bukole buende. Nealongolole bionsu amu bimpe. Mvidi Mukulu wa tshijila nealeje tshijila tshiende, padiye ukosa nsambu pa yoyi.

Yezekiyele 38:16

Neufike bua kuluisha bantu banyi bena Izrayele. Neubuikile ditunga diabu bu mudi divuba dibuikila buloba. Nebienzeke kunyima kua matuku a bungi. Nenkutume wewe Ngoge bua kuluisha bena mu ditunga dianyi, bua bantu ba mu matunga a bende bamanye ne: ndi Mvidi Mukulu wa tshijila. Nembaleje malu onsu aa bualu wewe newikale muntu wanyi.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Lewitiki 22:32

Nuenu bena Izrayele, kanupepeji dina dianyi dia tshijla to. Ndi musue bua numanye ne: ndi wa tshijila. Ndi Maweja-Nangila, uvua munusungule bua nuikale bantu ba tshijila.

Malaki 2:5

Bualu bua ndondu ewu, mvua mubapeshe muoyi, mubatutshishe dikasa dimpe. Bobu bawa balaya bua kunnemeka, kuntumikila, kuntshina. Ke tshivuabu benza.

Dibadika 27:14

Bualu nuenu nuvua babenge diyi dianyi mu tshipela tshia Tsine, pavua bena Izrayele bantombokela. Mvua mukutume bua kupatula mayi mu lubuebue, pavuabu baalomba, bua bonsu bamone mundi wa tshijila. Kadi nuenu kubenga. Mayi aa ke mayi a Meriba, mmumue ne mayi a matandu, a mu Kadeshe, mu tshipela tshia Tsine.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

Luke 12:5

Ndi nnuleja unudi ne bua kutshina: nutshine Mvidi Mukulu, bualu Yeye, kunyima kua lufu, udi ne bumfumu bua kukuela mu kandondu ka bafue. Ndi nnuambila ne: numutshine amu Yeye!

Rome 4:20

Kavua ujimija njila wa ditaba, kavua wela mpata ku bivua Mvidi Mukulu mumulaye nansha. Kadi ditaba diende divua dimukolesha ku muoyi. Ke yeye kutumbisha Mvidi Mukulu.

Dielulula 14:23

Pashishe nuye mu nzubu wa Maweja-Nangila Mvidi Mukulu wenu, muaba wikalaye musungule bua nuenu kumonangana nende, ne bua kulambulamu tshia dikumi tshia bintu ebi: ntete ya kuenza bukula, maluvu a mvinyo, mafuta, bamuanabute ba ngombe, ba mikoku ne ba mbuji. Ke munudi mua kulomba, munudi mua kunemeka kashidi Maweja-Nangila Mvidi Mukulu wenu.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

1 Samuele 11:7

Kusayaye ngombe ibidi ayi. Pashishe kutumaye bantu ne munyinyi wa ngombe awu mu ditunga dia bena Izrayele dijima, ubadimuja ne: — Mushindu utudi benza ngombe eyi, ke muenzelebu ngombe ya muntu yonsu udi ubenga mua kuya ku mvita ne Shawule ne Samuwele. Bena Izrayele bonsu kutshina, kudisangisha lukasa, benza anu bu muntu umue.