Yeshaya 66:22 - MUKANDA WA MYIDI MUKULU

²² Maweja-Nangila udi wamba ne: ndelanganyi yebe ne dina diebe nebishale kashidi kumpala kuanyi, amu mudi diulu dipiadipia ne buloba bupiabupia bindi mfuka bua kashidi.

Mukanda wa Nzambi Dihungila Dikulukulu ne Dihungila Dihia-dihia 2003

²² Bualu bua bu mudi diulu dihia-dihia ne buloba buhia-buhia, bindi ngenza bishala ku mpala kuanyi, mmudi Yehowa wamba, mbu mudi tunkanunuma tuenu ne dina dienu bishala.

Yeshaya 66:22 교차 참조

Yeshaya 48:19

Ndelanganyi yebe ivua mua kuvulangana, bu tutete tua lusenga ku muelelu wa mayi manene. Meme tshivua mua kuyibenga. Dina diayi kadivua mua kujimina kumpala kuanyi.”

Yeshaya 51:16

Ndi mbalula tshiakabidi diulu, ndi nshindika kabidi buloba. Nengambile bena mu Yerushalayime ne: “Nuenu nudi bantu banyi. Ndi nnupesha mikenji yanyi. Nennusokoke mu tshianza tshianyi.”

Yeshaya 53:10

Kadi Maweja-Nangila uvua muanyishe muena mudimu wende uvuabu bakengeshe. Bu nuwuaye mufile muoyi wende pa mutu pa bantu bakuabu, muena mudimu awu neapete muoyi tshiakabidi, neikale ne ndelanganyi mivule, neashale matuku mavule pa buloba. Yeye ke wakumbaja meji adi Maweja-Nangila nawu.

Yeshaya 56:5

nebafunde dina diende ku bimana bia nzubu wanyi. Muaba awu nebamuvuluke, mudi bana ba balume ne bakaji kabayi mua kuvuluka baledi babu. Nemvuluke dina diende kashidi. Kabakudikupula kudi muntu to!”

Yeshaya 59:21

Maweja-Nangila kuamba kabidi ne: “Monayi ndondu undi ntua nenu: Mueyelu wanyi neunutulukile. Ndi nnulongesha malu anyi bituadije ku mpindiewu ne kashidi. Tshiena ngumusha dilongesha edi kunudi, nansha kudi bana benu, nansha kudi biikulu benu. Meme Maweja-Nangila ndi njadika nanku awu.”

Yeshaya 61:8

Meme Maweja-Nangila ndi munange bantu badi benzelangana bimpe. Kadi ndi ndiwula bantu badi bangata tshintu tshia bende ku bukole. Nensankishe bantu banyi. Nentue nenu ndondu wa kashidi.”

Yeshaya 61:9

Nebamanye ndelanganyi yenu miaba yonsu, mu matunga onsu. Bantu bonsu badi babamona, nebamanye ne: ke bantu badi Maweja-Nangila muele lupemba.

Yeshaya 65:17

Bualu nemfuke diulu dipiadipia, ne buloba bupiabupia. Kabakuvuluka kabidi diulu dikulukulu ne buloba bukulukulu. Kabakubielela kabidi meji to.

Yeshaya 65:22

Kukuasa kabidi nzubu, bua muntu mukuabu kumuangata to. Kakukuna kabidi bintu, bua muntu mukuabu kusanka nabi to. Bantu banyi nebalale panu baboboke, amu mudi mitshi ilala bidimu ne bidimu. Bantu bandi nnanga nebasanke ne bintu bivuabu bapete ku midimu ivuabu bakuate.

Yeshaya 65:23

Kabakukuata kabidi midimu amu patupu. Kabakulela kabidi bana, bua bana kufuabu to. Bualu bobu ne bana babu, nebikale bena tshisamba tshindi ngela lupemba.

Yirmeya 33:20

— Meme Maweja-Nangila ndi nkuebejane: Wewe udi mua kushipa mikenji indi muele bua munya ne butuku, kubikandika bua kabilondianganyi mudibi ne bua kuenzeka anyi? Nansha kakese! Kuena mua kuenza nanku to.

Yirmeya 33:21

Nanku dilaya dianyi dimvua mulaye muntu wanyi Davide kadiena mua kufua to. Muntu nansha umue kena mua kukandika, bua muntu wa ku ndelanganyi ya Davide kikadi mukalenga wa Yerushalayime to, nansha bua bantu ba ku ndelanganyi ya Levi kabikadi bantu badi bengenzela mudimu.

Sefanya 3:20

Diba adi, nennupingaje mu ditunga dienu, nennusangishe muaba umue. Nenudimuene mundi nkudimuna dikenga dienu. Nennupeshe butumbi ne lumu, munkatshi mua bantu bonsu ba pa buloba. Meme Maweja-Nangila ndi ngamba nanku.”

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

2 Petro 3:13

Kadi tuetu tudi tutekemena bidi Mvidi Mukulu mulaye: ke diulu dipiadipia ne buloba bupiabupia, muaba wasomba bantu bua kuenza amu tshidi Mvidi Mukulu musue. Ke tshitudi bindile atshi.

Didimanyisha 21:1

Pashishe meme kumona diulu dipiadipia ne buloba bupiabupia. Diulu dia kumpala ne buloba bua kumpala bikavua bijimine. Mayi manene kaatshivuaku to.