Yeshaya 64:2 - MUKANDA WA MYIDI MUKULU

² pawenza malu adi atukuatshisha bowa, atuvua katuyi batekemene. Eyowa, pawapueka, mikuna neizakale kumpala kuebe.

Mukanda wa Nzambi Dihungila Dikulukulu ne Dihungila Dihia-dihia 2003

² bu mudi muanda mulue hosha kahia tshisala, ne hasabisha kadilu mai, bua kumanyisha badi nʼebe lukuna dina diebe, bua ba mu bisamba bia bantu bazakale ku mpala kuebe!

Yeshaya 64:2 교차 참조

Misambu 106:8

Kadi kubasungidilaye bua lumu luende. bua kulejaye bantu bukole buende.

Misambu 46:10

Udi ujikija mvita pa buloba bujima, utshibula buta, ukosa difuma, osha ngabu mu kapia.

Misambu 79:10

Bantu benyi badi batukonka ne: “Mvidi Mukulu wabu udi wenza tshinyi?” Kadi bamanye ne: tudi basue kumona muudi usombuela, bua lufu lua bena mudimu bebe.

Misambu 83:13

bantu aba bavua bamba ne: “Tunyenge muaba wa Mvidi Mukulu, ushale wetu.”

Misambu 9:20

Maweja-Nangila juka, muntu kalupitshi bukole! Bikila bisamba bidi bikubenga, ubilumbuluishe.

Misambu 99:1

Maweja-Nangila udi mukalenga, bantu badi bazakala. Nkuasa wende wa bukalenga udi pa mutu pa batumibue bende badi bashale mu diulu, buloba budi butenkakana.

Ekesode 14:4

Pashishe, meme Maweja-Nangila nempeshe mukalenga wa bena Ejipitu muoyi wa tshitunu, bua anulonde. Nanku, nendeje butumbi buanyi, nembabutule, yeye mukalenga ne biluilu biende bionsu. Bena Ejipitu nebajadike ne: meme ndi Maweja-Nangila. Bena Izrayele kuenza bionsu bivuabu babambile abi.

Yeshaya 28:21

Maweja-Nangila neafike, neakuate mudimu, muvuaye muenze pa mukuna wa Perashime, muvuaye muenze mu mpata wa Ngibone. Kadi mudimu wende neukemeshe bantu.

Yeshaya 37:20

Kadi wewe, Maweja-Nangila Mvidi Mukulu wetu, utusungidile mpindiewu mu bianza bia Senakeribe. Nankumu makalenga onsu a pa buloba, nebamanye ne: amu wewe Maweja-Nangila nkayebe ke udi Mvidi Mukulu.”

Yeshaya 63:12

Ke yeye uvua wenda ku dia balume dia Moshe, umuambuluisha ne diboku diende dikole. Uvua mupandulule mayi, bena luendu batangile. Ke muvuaye mupete lumu kashidi.

Yirmeya 33:9

Nanku, nengikale ne disanka pa kutela dina dia Yerushalayime. Tshimenga etshi nentshikebele lumu ne butumbi kudi bisamba bionsu bia pa buloba. Padi bantu bajingulula malu mimpe amvua muenzele Yerushalayime, nebazakale. Nebakanke pamonabu diakalenga ne disanka bimvua mupeshe bena tshimenga etshi.

Yirmeya 5:22

Maweja-Nangila udi ukonka ne: Kanuena nuvuluka bukole buanyi anyi? Kanuena nuntshina bua tshinyi? Meme ndi muteke lusenga bua luikale mukalu wa mayi manene. Ludi bu nkila muasa bua kashidi. Mayi kaena mua kusambuka nkila awu to. Adi atuuta ku nkila, kadi nkila kena ubumbuka to. Mavuala adi atuutaku ne tshiona tshikole, kadi kaena asambuka nkila to.

Amosa 4:12

Kadi mpindiewu nemfike menemene! Bena Izrayele, nenumone mundi nnunyoka. Nudilongolole bua kupetangana nanyi, bua kudileja kumpala kuanyi meme, Mvidi Mukulu wenu.

Mika 1:4

Padiye upita, mikuna idi ilandakana, bibandabanda bidi bipanduluka, mudi mafuta enguluka ku kapia, mudi mayi apulumuka pa kakuna.

Zekâya 14:4

Dituku adi, neimane pa mukuna wa mitshi ya olive, udi pabuipi ne Yerushalayime, luseke ludi diba dipatukila lua tshimenga. Mukuna wa mitshi ya olive neupandike pankatshinkatshi, tshibandabanda tshinene netshimueneke, tshibanga luseke ludi diba dipatukila, tshifika too ne ku ludidi dibuelela. Tshia bibidi tshimue tshia mukuna netshisemenene luseke lua ku mutu kua ditunga, tshitupa tshikuabu netshisemenene luseke lua kuinshi kua ditunga.

Dielulula 2:25

Kutuadija lelu, nenkuatshishe bisamba bionsu bia pa buloba bowa. Bobu bumvue lumu luenu, nebazakale, banutshina.”