Yeshaya 6:8 - MUKANDA WA MYIDI MUKULU

⁸ Meme kumvua Maweja-Nangila unkonka ne: — Undi mua kutuma nnganyi? Waya kutuambidila mukenji wetu nnganyi? Meme kuandamuna ne: — Ke meme ewu, untume meme.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe nakunvua dî dia Mukelenge diamba ne, Nentume nganyi, neatuyile nganyi? Nunku nakamba ne, Ka meme eu, untume meme!

Yeshaya 6:8 교차 참조

Genese 1:26

Mvidi Mukulu kuamba ne: “Tufuke muntu mufuanangane netu, bua ikale mfumu wa minyinyi ya mu mayi, nyunyi ya mulu, bimuna, bilandadi ne bintu bionsu bidi pa buloba.”

Genese 11:7

Nanku tuyayi kubondakaja muakulu wabu, bua bapange mua kumyuangana munkatshi muabu.”

Genese 22:1

Izake mumane kukola, Mvidi Mukulu kuteta Abrahame. Kumubikilaye ne: — Abrahame. Yeye kuitaba ne: — Ke meme ewu.

Genese 22:11

Kadi kumvuaye diyi dia mutumibue wa Mvidi Mukulu difumina mu diulu dimubikila ne: — Abrahame, Abrahame! Yeye kuitaba ne: — Ke meme ewu.

Genese 3:22

Pashishe Maweja-Nangila Mvidi Mukulu kuamba ne: “Monayi, muntu wenji bu umue wa ku tuetu, watufuanyi ku dijingulula dia malu mimpe ne mabi. Mbimpe kumukandika bua kuolodi tshianza tshiende ku mutshi wa muoyi. Yeye mupole tshimuma, mutshidie neashale ne muoyi kashidi.”

2 Samuele 1:7

Shawule ukenzakana, kummonaye, kumbikila. Meme kuitaba ne: “Eyowa, mukalenga.”

1 Bakalenga 22:20

Nanku, Maweja-Nangila kukonka ne: “Udi mua kuya kushima Akabe bua kuyaye kuluisha tshimenga tshia Ramote tshidi mu ditunga dia Ngilaade, kumushipelabu mu tshimenga atshi nnganyi?” Kufilabu meji mushilangane.

Yeshaya 65:1

Maweja-Nangila udi wamba ne: Mvua musue kuambuluisha bantu aba, kadi kabavua bandomba diambuluisha nansha. Mvua mujinge kubenzela bimpe, kadi kabavua bankeba to. Nansha bantu abu kabayi bantendelela, mvua amu mubambile ne: “Ndipu, ndi mfika”.

Yezekiyele 1:24

Pavua nyama yenda, meme kumvua mutoyi wa mapuapua anu bu mutoyi wa mayi manene akungula, nansha bu mudi dikubakuba dikole dia Mvidi Mukulu wa bukole buonsu, nansha bu mudi mutoyi wa bena mvita bapite bungi. Pavua nyama imana, ivua ipuekesha mapuapua ayi.

Yezekiyele 10:5

Mutoyi wa mapuapua a bakerubine uvua umvuika too ne mu lupangu lua pambelu pa nzubu wa Mvidi Mukulu. Mutoyi uvua mukole mufuanangane ne diyi dia Mvidi Mukulu wa bukole buonsu, padiye wakula.

Yezekiyele 9:1

Pashishe, meme kumvua Maweja-Nangila wela diyi dikole, umanyisha bantu ne: — Luakunuayi, nuenu bonsu badibu batume bua kuya kunyoka tshimenga! Muntu yonsu afike ne tshiende tshia mvita mu bianza.

Bienzedi 20:24

Kadi kushala ne muoyi kakuena ne mushinga kundi. Tshidi ne mushinga tshidi anu kujikija mudimu wanyi, kukumbaja mudimu uvua Mfumu mungomekele: ke kukobola Lumu lua Disanka lua mudi Mvidi Mukulu mutunange, mutufuile luse.

Bienzedi 22:21

Kadi Mfumu kungambila amu ne: “Uye! Bualu ndi nkutuma kule, kudi bantu ba bisamba bikuabu.”

Bienzedi 26:19

— Nanku, mukalenga Agripa, tshivua mubenge bivua Mvidi Mukulu mundeje to.

Bienzedi 9:4

Kuponaye panshi. Kumvuaye diyi dimuebeja ne: — Shawule, Shawule, udi unkengeshila tshinyi?

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

1 Samuele 3:4

Maweja-Nangila kubikila Samuwele. Samuwele kuitaba ne: “Eyowa, mfumuanyi.”