Yeshaya 6:11 - MUKANDA WA MYIDI MUKULU

¹¹ Ke meme kukonka ne: — Maweja-Nangila, nebikale nanku too ne ku diba kaayi? Yeye kungandamuna ne: — Nebikale nanku too ne ku diba didibu banyangakaja bimenga bionsu, batangalaja bantu, nzubu yonsu ishala munda mutupu, ditunga dijima dishala tshipela.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe nakamukonka ne, Mukelenge, bualu ebu nebulehe musangu bule munyi? Yeye wakakudimuna dî ne, Tô ne habutuka misoko mishale mutuhu, tô ne hashala nsubu idimu mutuhu; tô ne halua buloba kushala anu tshihela tshia hatuhu;

Yeshaya 6:11 교차 참조

Misambu 74:10

Mvidi Mukulu wanyi, muluishi neakusendeke kabidi matuku bungi munyi? Muena lukuna neakuseke kashidi anyi?

Misambu 79:5

Maweja-Nangila neutulaminyine tshiji atshi tshikole, ne mukawu udi wosha bu kapia musangu bule munyi?

Misambu 90:13

Maweja-Nangila neutulondakaje musangu bule munyi? Tangila kutudi, utufuile luse, tuetu bena mudimu bebe.

Misambu 94:3

Maweja-Nangila, bantu babi nebikale ne disanka too ne diba kaayi?

Yeshaya 1:7

Ditunga dienu didi bu tshipela. Bimenga bionsu, bavua babioshe. Bantu ba bisamba bikuabu mbiibe bia pa madimi enu, nuenu batangile. Bu muvuabi pa kabutu ka Sodome, kanuena bashale ne tshintu nansha tshimue.

Yeshaya 13:12

Nenkepeshe bantu, bashale bakese, bu tshiamu tshia mpawungi muimpe, bu mpawungi wa mu Ofire.”

Yeshaya 3:26

Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Yeshaya 3:8

Yerushalayime mmubutuke, Yuda mmudishinde panshi. Bualu bidi bena Yuda bamba, ne bidibu benza, bidi amu bileja mudibu babenga Maweja-Nangila, bamutuila nkanana.

Yeshaya 32:14

Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.

Yeshaya 35:1

Tshipela ne buloba bume nebileje disanka diabi. Ditunga divua ne minanga nedisangale, nedimeneshe bilongu

Yeshaya 5:9

Mvua mumvue Maweja-Nangila muena bukole buonsu uditshipa, wamba ne: “Ndi nditshipa ne: nzubu yonsu eyi nebayinyangakaje. Miaba minene yonsu idi milengeja bimpe, kabakuyisomba kudi bantu.

Yeshaya 60:15

Wewe uvua musoku uvua bantu kabayi banange, muntu nansha umue kavua mupitshile muebe. Kadi nenkuenze kabidi tshimenga tshidi tshisankisha bantu tshiendelele, tshidibu mua kuditemba natshi kashidi.

Yeshaya 64:10

Nzubu webe wa Tshijila, muvua batatuetu bakutumbishila, nzubu wetu mulengele wa kutendelela, mbamoshe mujima kudi kapia. Muaba ewu utuvua banange bikole, ukadi mpindiewu dikolu.

Yirmeya 22:6

Bua nzubu wa bukalenga bua bena Yuda, Maweja-Nangila udi wamba ne: Nansha meme musakidile nzubu wa bukalenga ewu, mumumone muakane, amu bu mundi nsankidila metu a Ngilaade, nansha nsongu ya mikuna ya Lebanone, ndi nditshipa ne: nzubu ewu neashale tshipela, muaba udi bantu kabayi basombe.

Yirmeya 4:7

Nyama wa ntambue kupatuka, ufumina mu tshipuka muvuaye. Mubutudi wa bisamba bia bantu udi mu njila. mMumbuke mu diende ditunga bua kunyangakaja ditunga dienu. Bimenga bienu nebibutuke, nebishale munda mutupu.

Yirmeya 44:2

— Maweja-Nangila wa bukole buonsu, Mvidi Mukulu wa Izrayele, udi wamba ne: “Nuvua bamone makenga onsu amvua mutumine bena Yerushalayime ne bimenga bikuabu bia Yuda. Bimenga ebi lelu mbimane kubutuka bishale makolu.

Yirmeya 52:27

Ke mukalenga awu kubashipesha anu muaba awu mu ditunga dia Amate. Ke muvuabu bakuate bena Yuda baye nabu kule mu ditunga dia bende.

Yezekiyele 6:6

Miaba yonsu inudi nusomba, nebabutule bimenga bienu. Miaba yenu ya kutendelela neyishale munda mutupu. Bilambuilu bienu nebinyanguke, bishale bintu bia tshianana. Nebazaze mpingu yenu, bayumbushe. Nebanyange mbabula yenu ya kuoshila manananshi. Bintu bionsu binudi benze nebijimine.

Danyele 8:13

“Pashishe meme kumona mutumibue wa Mvidi Mukulu wakula. Mutumibue mukuabu kumukonka ne: ‘Malu adibu baleja aa neanenge matuku bungi munyi? Mulambu wa kuosha wa buatshia buatshia nebaubenge matuku bungi munyi? Bubi budi bubutula bintu bionsu nebushale kashidi anyi? Muaba wa tshijila ne bia mu diulu, nebabidiatakaje ku makasa too ne ku diba kaayi?’

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Mika 2:4

Tshikondu atshi, nebimbe musambu, nebanuelele kasala ka muadi ne; “Eyi! Mbatubutule bonsu. Mbanyenge tshisamba tshietu maloba atshi. Badi batuipata mu madimi etu, badi baabanyangana. Mbatunyenge bintu bietu bua tshinyi?”

Mika 5:11

Nengumbushe malu anudi nuenza a majimbu, kanuakuikala kabidi ne muntu udi ukeba kunujinguluila malu adi kumpala, pa ngendu ya mitotu ne bia mulu muamua.

Mika 6:13

Nenku, ndi mubange kununyoka, nennubutule, bua malu mabi enu.

Mika 7:13

Kadi buloba bukuabu nebushale tshipela, bua malu mabi a badi basombapu.

Dielulula 28:62

Nanku nansha nuenu bamane kusangana bu mitotu ya mulu, anu bantu bakese nebashale ne muoyi. Bualu nuvua babenge Maweja-Nangila Mvidi Mukulu wenu.

Dielulula 28:63

Bu muvua Maweja-Nangila musanke bua kunuenzela bimpe, nuenu kusangana, ke muasankaye kabidi bua kununyoka, kunufikila munda, kunubutula. Neanumushe mu ditunga divuaye munupe bua kusomba.