Yeshaya 6:1 - MUKANDA WA MYIDI MUKULU

¹ Mu tshidimu tshia lufu lua mukalenga Uziya, meme kumona Maweja-Nangila musombe mu nkuasa wa bukalenga mutumbuke. Nzemba ya tshinkutu tshiende miuwule nzubu wa Mvidi Mukulu tente.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshiakafua mukelenge Uziya nakamona Mukelenge mushikame mu nkuasa wandi wa bukelenge, muikale kulu ne mubandishibue mulu, ne tshilulu tshia kumanda kua muzabi wandi tshia-kûsha ntempelo tente.

Yeshaya 6:1 교차 참조

1 Bakalenga 22:19

Mika kuamba kabidi ne: — Teleja anu tshidi Maweja-Nangila wamba ne: Ndi mumone Maweja-Nangila musombe mu nkuasa wende wa bukalenga, bena mudimu bende bonsu ba mu diulu, bimana, aba ku dia balume diende, bakuabu ku dia bakaji.

2 Bakalenga 15:7

Azariya mumane kufua, kumujiikabu mu lukita lua bena diku diabu, luvua mu Tshimenga tshia Davide. Muanende wa balume Yotame kumupingana mu bukalenga.

2 Kulondolola 18:18

Kadimuambi Mika kuamba kabidi ne: — Teleja anu tshidi Maweja-Nangila wamba. Ndi mumone Maweja-Nangila musombe mu nkuasa wende wa bukalenga. Bena mudimu bende bonsu ba mu diulu bavua bimane, aba ku dia balume diende, bakuabu ku dia bakaji.

Yobe 42:5

Mvua mukumanye amu bualu bantu bakuabu bavua bandongeshe. Kadi mpindiewu meme kukumona ne anyi abidi.

Misambu 108:5

bualu luse luebe ndunene, lupite ne diulu, bulelela buebe mbupite ne mavuba.

Misambu 113:5

Udi bu Maweja-Nangila Mvidi Mukulu wetu, Yeye udi wasa mulu,

Misambu 46:10

Udi ujikija mvita pa buloba bujima, utshibula buta, ukosa difuma, osha ngabu mu kapia.

Ekesode 24:9

Pashishe, Moshe, Arone, Nadabe, Abihu ne bakulu ba bena Izrayele makumi muanda mutekete kubanda ku mukuna.

Yeshaya 1:1

Mu tshikondu tshivua Uziya, Yotame, Akaze, ne Izkiya, bakalenga ba Yuda, Yeshaya, muana wa Amose, uvua mumanyishe bantu malu avua Maweja-Nangila mumuleje, adi atangila bukalenga bua Yuda ne tshimenga tshia Yerushalayime.

Yeshaya 12:4

Dituku adi nenuambe ne: “Tumbishayi Maweja-Nangila. Numanyishe bantu dina diende. Nulondele bisamba bionsu malu a dikema avuaye muenze. Nukobole ne: Dina diende ndinene!

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Yeshaya 66:1

Maweja-Nangila udi wamba ne: “Diulu didi nkuasa wanyi wa bukalenga, buloba ntshitekelu tshia makasa anyi. Nzubu unudi mua kungashila meme, nnzubu kaayi? Muaba undi meme mua kusomba mmuaba kaayi?

Yezekiyele 1:1

Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Yezekiyele 10:1

Diba adi, mvua mumone tshisasa tshivua pa mitu ya bakerubine. Tshivua ne tshintu tshifuanangane ne nkuasa wa bukalenga, muenza ne dibue dia mushinga mukole dia Safire.

Yezekiyele 10:4

Butumbi bua Maweja-Nangila kumuka pa bakerubine, kubuka, kuya kuikila ku tshibuelelu tshia nzubu wa Mvidi Mukulu. Divuba kuwula mu nzubu wa Mvidi Mukulu tente. Butumbi bua Mvidi Mukulu buvua bumueneka mu lupangu lua nzubu wa Mvidi Mukulu, bukenka bikole.

Danyele 10:17

Meme muntu wa tshianana, ndi mua kuyukila ne mfumu wanyi bishi, pandi tshiyi nansha ne bukole, tshiyi ne mueyelu mene.’

Danyele 7:9

“Pamvua ntangila amu kutangila, kutekabu nkuasa ya bukalenga. Mununu kufika, kusombapu. Uvua ne bilamba bitoke bu ndanda. Nsuki yende ivua bu miosa ya mikoku. Nkuasa wende wa bukalenga uvua utema kapia. Uvua ne nkata ikenka bu kapia kakole.

Dibadika 12:8

Ndi ngakula nende mudi bantu bayukidilangana, mmuambile malu onsu patoke, ndileja kudiye. Yeye udi umona tshimfuanyi tshianyi. Kadi nuvua nukimina kujana muntu wanyi Moshe bua tshinyi?

Matayi 25:31

— Dituku diafika Muana wa muntu, kabidi dialejaye butumbi buende buonsu, batumibue ba Mvidi Mukulu bonsu nebikale nende. Neaye kusomba mu nkuasa wende wa butumbi.

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yowanane 12:41

Yeshaya mmuambe nanku bualu uvua mumone butumbi bua Yezu, muambe kabidi bualu buende.

1 Timote 6:16

Yeye nkayende kena ufua. Udi musombe mu butoke budi muntu kayi mua kusemena pabuipi. Muntu nansha umue ki mmuanji kumumona, kena kabidi mua kumumona. Lumu ne bukole bidi kudiye kashidi. Amene.

Didimanyisha 15:8

Ke nzubu wa Mvidi Mukulu kuwula ne muinshi, bualu bua butumbi ne bukole bia Mvidi Mukulu. Muntu nansha umue kavua mua kubuela mu nzubu wa Mvidi Mukulu, bipupu muanda mutekete, bivua batumibue bafike nabi, kabiyi bianji kukumbana.

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.

Didimanyisha 4:10

bakulu makumi abidi ne banayi badi badiela panshi kumpala kua udi musombe mu nkuasa wa butumbi, bakukuila udi ne muoyi kashidi. Badi bela bifulu biabu bia mpawungi kumpala kua nkuasa, bamba ne:

Didimanyisha 4:2

Diakamue Mueyelu wa Tshijila kumvu-lula. Mu diulu muvua nkuasa wa butumbi. Muntu uvua musombe mu nkuasa awu.

Didimanyisha 4:3

Uvua ukenka mpala bu mabue a mushinga mukole a yaspise ne sarduwane. Muanzankongolu uvua wenza tshijengu kulu kua nkuasa, wengelela bu dibue dia emerode.

Didimanyisha 4:9

Misangu yonsu idi Bia muoyi binayi bimbila udi musombe mu nkuasa, udi ne muoyi kashidi, bimutumbisha, bimukukuila, bimuela tuasakidila,

Didimanyisha 5:1

Mvua mumone mukanda muvunga mu tshianza tshia balume tshia uvua musombe mu nkuasa wa butumbi. Bavua baufunde munda ne panyima, batue bitampi muanda mutekete.

Didimanyisha 5:7

Muana wa mukoku kusemena, kuangata mukanda mu tshianza tshia balume tshia uvua musombe mu nkuasa.

Didimanyisha 6:16

Kadi bavua bambila mikuna ne mbuebue ne: “Tupukilayi, nutusokoke, bua udi musombe mu nkuasa wa butumbi katumonyi, bua tshiiji tshia Muana wa mukoku katshifiki kutudi.