Yeshaya 59:2 - MUKANDA WA MYIDI MUKULU

² Nansha kakese! Kadi bubi buenu ke budi buasa tshimana pankatshi penu ne Mvidi Mukulu wenu. Bualu bua bilema bienu, Maweja-Nangila ukadi utangila kua tshianana, kayi musue kunuteleja.

Mukanda wa Nzambi Dihungila Dikulukulu ne Dihungila Dihia-dihia 2003

² Kadi malu mabi enu akadi alua hankatshi henu ne Nzambi wenu, ne mibi yenu yakadi isokoka mpala wandi kunudi, nunku yeye kena unvua.

Yeshaya 59:2 교차 참조

Nsumuinu 15:29

Maweja-Nangila kena munange bantu babi. Kadi udi uteleja padi bantu bakane balomba.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yeshaya 57:17

Ntupakanyi ya bena Izrayele, ivua mianji kumfikisha munda. Mvua mubanyoke ne tshiji. Tshivua musue kubatangila kabidi to. Kadi bobu bavua batungunuka amu ne dienza bibi, muvua muoyi wabu ubalongesha.

Yeshaya 58:4

Nudi nutandangana, nukumangana. Panudi nujila biakudia mushindu ewu, mundi meme mua kuteleja dindomba dienu mmunyi?

Yirmeya 5:25

Buenzayi buenu mbunyangishe bionsu ebi. Bubi buenu kunupangisha masanka onsu aa.

Muadi 1:8

Yerushalayime uvua muenze malu mapite bubi. Ke pavuabu bamubipisha. Bonsu bavua bamunemeka, badi bamupetula mpindiewu. Bonsu mbamumone butaka. Ke mudiye umuka, mu maboku teketee, wenda utua mikemu.

Yezekiyele 39:29

Nenguwuje bena Izrayele ne Mueyelu wanyi. Tshiena mua kubalekela kabidi to. Meme Maweja-Nangila Mvidi Mukulu, ndi njadika nanku.”

Mika 3:4

Nanku bobu badidila Maweja-Nangila bua abambuluishe, Maweja-Nangila kena ubumvuila. Kadi neabakome nyima, bua malu mabi avuabu benze.

Yoshua 7:11

Bena Izrayele bavua benza bibi. Kabena bakumbaje bimvua mubambile. Mbangate bintu bimvua mubakandike bua kabangatshi. Mbibe bintu abi, babisokoke mu bintu biabu.

1 Samuele 4:3

Bena Izrayele bavua bashale ne muoyi bapingana mu mitanda, bakulu ba bena Izrayele kukonkangana ne: — Maweja-Nangila mmulekela bena Peleshete batushipa lelu bua tshinyi? Tuyayi ku Silo, bua tukebe mushete wa ndondu wa Maweja-Nangila. Pikala Maweja-Nangila munkathi muetu, Yeye neatusungidile kudi baluishi betu.