Yeshaya 5:7 - MUKANDA WA MYIDI MUKULU

⁷ Budimi bua mvinyo bua Maweja-Nangila muena bukole buonsu, ntshisamba tshia bena Izrayele. Mionji mimpe ivua imusankisha, ntshisamba tshia bena Yuda. Maweja-Nangila uvua mutekemene ne: bantu bende nebenzelangane bimpe, kadi badi amu bakengeshangana. Uvua mutekemene ne: bantu bende nebenze amu bidi bimpe. Kadi miaba yonsu, badibu bakengesha, badi badila amu miadi ya kanyinganyinga. (Tun. 8-24: 10.1-4)

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua budimi bua tumuma tua nvinyo bua Yehowa wa misumba budi tshisamba tshia Bena Isalele, ne bantu ba mu Yuda badi mitshi yandi idiye munange. Yeye wakatekemena kulumbulula kuakane, kadi monai! Kumatshisha kua mashi kudiku; wakatekemena buakane, kadi monai! Muadi udiku.

Yeshaya 5:7 교차 참조

Genese 4:10

Maweja-Nangila kuebeja ne: — Udi muenze nanku bua tshinyi? Muadi wa mashi a muanenu wafiki kundi ufumina pa buloba.

2 Samuele 7:10

Nensunguile bantu banyi bena Izrayele muaba undi musue bua kusombabu, kabayi batshina kabidi bualu nansha bumue to. Tshisamba tshikuabu katshiena mua kubakengesha kabidi, bu muvuabu babakengesha bangabanga,

Yobe 34:28

Bu muvuabu bakengesha bakengi ne bapeta, bobu abu bavua bela mbila kudi Mvidi Mukulu, bua abambuluishe. Nanku, Mvidi Mukulu kumvua mbila ayi.

Misambu 147:11

udi muanyishe bantu badi bamumanya bu Mvidi Mukulu wabu, batekemena bulenga buende.

Misambu 149:4

Bualu Maweja-Nangila udi ne disanka bua tshisa tshiende, udi utumbisha bapuekele, ubapandisha.

Misambu 80:15

Mvidi Mukulu wa bukole buonsu, pingana, mu diulu muudi amu, utangile panshi umone bidi bituenzekela, akuila mutshi wa mvinyo ewu.

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Nsumuinu 21:13

Muntu udi ubenga kuteleja lubila lua muena dikenga, nebabenge kuteleja kabidi luende diba didiye mu dikenga.

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Musambu wa Solomo 7:6

Mutu webe udi mululame, bu mukuna wa Karmele. Nsuki yebe idi mimpe be! Mmikuate mukalenga mu buteyi buayi.

Yeshaya 1:21

Mmunyi muvua tshimenga tshia bantu bavua bangitaba, tshiandamuka tshia bena buendenda? Tshimenga tshivua bantu banemekangana, banemeka ne bintu bia bantu bakuabu, mpindiewu tshikadi tshimenga tshia bashipianganyi.

Yeshaya 1:6

Biangatshile ku makasa too ne ku mutu, pambidi penu padi amu mputa, mibundabunda, ne mputa ipatuka tufina. Muntu nansha umue kena muyisukule, kena muyele mafuta, kena nansha muyisuike.

Yeshaya 27:2

Dituku adi, nuimbe musambu, nusamune budimi buanyi bua mvinyo, budi bupatula mvinyo musheme.

Yeshaya 3:14

Udi ufunda bafidi ba ngenyi, ne bamfumu ba tshisamba tshiende, ku tshilumbu ne: “Nuenu ke badi banyanga budimi buanyi bua mvinyo. Nudi buwuje nzubu yenu, ne bintu binudi banyenga bapele!

Yeshaya 3:15

Nudi nuzaza bantu banyi, nukengesha bapele bua tshinyi? Meme Maweja-Nangila ndi nnuebeja nanku!”

Yeshaya 3:17

Nenku Maweja-Nangila neabakungule mu mutu, neabashiye butaka.

Yeshaya 30:12

Ke mudi Mvidi Mukulu wa tshijila wa bena Izrayele, wamba ne: “Nudi nubenga tshindi meme ngamba. Kadi malu a budimu ne a dishima, ke anudi nuenza bua kupeta bantu badi mua kunuambuluisha.

Yeshaya 46:12

Nuenu bantu badi bateketa mu maboku, nuenu badi bela meji ne: malu andi mulaye atshidi kule, ntelejayi.

Yeshaya 5:2

Kusekunaye budimi bimpe, kumushaye ne mabue. Kukunaye ne mionji mimpe. Bua kulama bimpe budimi, kuasayemu nzubu wa tshialaminu. Kuibakaye ne tshikaminu tshia tumuma. Mulunda wanyi uvua mutekemene kupeta tumuma tua mvinyo tulenga. Kadi budimi kupatula tumuma tua bululu.

Yeshaya 59:13

Tuvua bakutombokele. Tuvua bakutonuene mesu. Tuvua babenge kukulonda, wewe Mvidi Mukulu wetu. Tuvua bakule amu bua kukengeshangana, ne bua kutomboka. Tshitudi tuelangana meji munda, tshitudi natshi mu lungenyi, tshidi amu dishima.

Yeshaya 59:14

Nenku bantu kabena benza bimpe to. Kabena bakumbaja bidi Mvidi Mukulu musue. Mu bisalu kamuena kabidi muntu wa muoyi muimpe, kamuena udi wamba malu patoke.

Yeshaya 59:4

Nudi nufundangana ku tubadi amu ne muoyi mubi. Nudi nulumbululaku, kanuyi nukeba bulelela. Malu anudi nujadika adi amu a dishima. Bionsu binudi nuamba bidi amu bia patupu. Nudi amu nukeba kukengeshangana, nupatula munda muenu amu malu mabi.

Yeshaya 62:5

Eyowa bu mudi nsongalume usela muana wa bakaji, ke mudi Ewu udi ukuibakulula ushala bayebe. Bu mudi mubangila usankisha mumubangidi, wewe kabidi neusankishe Mvidi Mukulu webe.

Yirmeya 12:10

Benyi, balami ba mikoku ba bungi, mbafike ne nyama yabu. Nyama kunyanga budimi buanyi bua mvinyo, kudiatakaja lupangu luanyi. Lupangu luanyi luvua luimpe lutambe, kadi nyama kulushiya tshipela tshikuatshisha bantu bowa.

Yirmeya 24:2

Bimuma bia mu tshisaka tshia kumpala bivua bimpe bitambe, bivua bu bia ku ntuadijilu bia ku tshikondu tshia kupola bimuma. Bimuma bia mu tshisaka tshibidi bivua bibole, kabayi mua kubidia to.

Yirmeya 50:46

Padibu bela mbila ne: “Baluishi mbakuate Babilone,” buloba nebuzakale, miadi ya bena Babilone neyumvuike mu bisamba bionsu.

Yezekiyele 22:29

Miaba yonsu mu ditunga badi bakengesha bantu, biba bintu biabu. Badi bakengesha bapele ne bakengi. Badi batatshisha benyi, kabayi babanemeka.

Osheya 10:1

Bena Izrayele mbafuanangane ne mionji ya mvinyo idi isampila, ikuama tumuma tua bungi. Kadi, pavuabu bavulangana, bavua bavudija kabidi bilambuilu. Pavua ditunga dipeta bubanji, ke pavuabu bavudija mabue a tshijila.

Mika 6:12

Babanji badi mu tshimenga etshi, badi bakengesha bantu bakuabu. Bonsu badi basomba mu tshimenga etshi, badi bashima, badingangana.

Mika 6:8

Mbanulongeshe binudi ne bua kuenza, bidi Maweja-Nangila ujinga kudi bantu: udi unulomba bua nunemeke bantu ne bintu biabu, nuenzele bakuabu bimpe, nubanange, nuende bimpe mu njila udi Mvidi Mukulu wenu unuleja.

Abakuke 1:3

Udi ummuenesha mabika ne mala nanku bua tshinyi? Bantu badi bakengeshangana bibi. Muudi ubatangila, kuyi wenza bualu mbishi? Ndi munkatshi mua tshinyangu ne tshimbambila, miaba yonsu ngumvua amu bilumbu ne matandu.

Sefanya 3:17

Maweja-Nangila Mvidi Mukulu webe udi nebe, udi tshilobu, mukuluidi wa mvita. Udi usanka bualu buebe. Udi ukunanga; nanku neakuenze muntu mupiamupia. Udi uja maja bu dituku dia tshibilu, wimba misambu ne disanka bualu buebe.”

Matayi 23:23

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nulambula Mvidi Mukulu tshia dikumi tshia biakudia bienu, nansha tshia luenyi, tshia tshidibi a luenyi, ne tshia tshikote. Kadi nudi nulengulula malu mapite bunene adi mikenji itulongesha, bu mudi kuenzela bantu bimpe, kufuilangana luse, ne kuitaba Mvidi Mukulu. Kadi ke malu anuvua ne bua kuenza, kanuyi nulengulula makuabu.

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

Yowanane 15:2

Udi ukosa katamba kuonsu kadi kundi, kadi kakayi kakuama bimuma; udi upempa, ulengeja katamba kuonsu kadi kakuama bimuma bua kakuame bivule.

Dielulula 15:9

Nudimuke. Kanuikadi ne meji mabi a ne: tshidimu tshia muanda mutekete tshia kulekelangana mabanza tshidi pabuipi. Kanutatshishi muanenu mupele bua bualu abu. Kanumupadi tshintu tshidiye ulomba. Bualu yeye mudidile Maweja-Nangila, nenuikale bena tshibawu.

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.