Yeshaya 5:4 - MUKANDA WA MYIDI MUKULU

⁴ Tshingenzela kabidi budimi buanyi, tshimvua tshiyi muanji kuenza ntshinyi? Meme kutekemena tumuma tua nsongu, kadi bobu kukuama amu tua bululu!

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nakadi kumanya mua kuenza tshinyi mu budimi buanyi tshindi tshiyi muanze kuenza? Bualu kai, hanakatekemena ne, Nebukuamishe tumuma tuimpe tua nvinyo, buakakuamisha anu tumuma tuzaza?

Yeshaya 5:4 교차 참조

Ekesode 37:22

Kadi matamba onsu ne mapu, bivua anu bilamakane, kabidi bia tshiamu tshia mpawungi nkayatshi.

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Yirmeya 2:21

Meme Maweja-Nangila mvua munukune, mudibu bakune mionji ya mvinyo muimpe. Nuvua bu maminu mimpe amvua mukune mu buloba. Kadi nudi banyanguke bua tshinyi? Nukadi bu mionji ya mvinyo mibole, indi tshiyi mua kumanya kabidi to.

Yirmeya 2:5

Maweja-Nangila udi unukonka ne: Bankambua benu bavua bammone ne bualu bubi kaayi? Bakandekela bua tshinyi? Bakambenga amu bua kutendelela mvidie ya tshianana. Nanku bobu kabidi badi bantu ba tshianana!

Yirmeya 24:2

Bimuma bia mu tshisaka tshia kumpala bivua bimpe bitambe, bivua bu bia ku ntuadijilu bia ku tshikondu tshia kupola bimuma. Bimuma bia mu tshisaka tshibidi bivua bibole, kabayi mua kubidia to.

Yirmeya 7:25

Biangatshile difuku divua bankambua benu bapatuke mu Ejipitu too ne mpindiewu, meme Maweja-Nangila ndi amu nnutumina bambi bena mudimu banyi ku dituku ku difuku.

Yirmeya 7:26

Kadi kanuena banteleje, kanuena bangitabe. Nuvua amu bantombokele. Nuenu kuenza bibi kupita bankambua benu.”

Yezekiyele 24:13

Yerushalayime we, udi munyanguke bua malu mabi auvua muenze. Mvua musue kukulengeja, kadi kuvua muanyishe to. Nanku, bua wewe kulengela, anu meme muanji kukunyoka ne tshiji tshianyi tshionsu.

Osheya 10:1

Bena Izrayele mbafuanangane ne mionji ya mvinyo idi isampila, ikuama tumuma tua bungi. Kadi, pavuabu bavulangana, bavua bavudija kabidi bilambuilu. Pavua ditunga dipeta bubanji, ke pavuabu bavudija mabue a tshijila.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!