Yeshaya 48:12 - MUKANDA WA MYIDI MUKULU

¹² Maweja-Nangila udi wamba ne: Tshisamba tshia Yakobe, teleja, wewe Izrayele undi mubikile, teya matshi. Ndi wa momumue matuku onsu, ndi wa kumpala, ne kabidi wa ndekelu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Teleja matshu kundi, wewe Yakoba, Isalele mene unakubikila! Meme ndi yeye; ndi wa kumudilu, ndi wa kunshikidilu kabidi.

Yeshaya 48:12 교차 참조

Nsumuinu 7:24

Bana banyi, ntelejayi mpindiewu! Umvuayi mundi ngamba.

Nsumuinu 8:32

“Kadi mpindiewu, bana banyi, ntelejayi. Panuikala nulonda mibelu yanyi, nenupete diakalenga.

Yeshaya 34:1

Nuenu bukua bisamba, semenayi pabuipi, numvue. Ntelejayi, nuenu bantu bonsu. Buloba buteleje, buteleje ne bintu bionsu bidipu! Buloba buonsu bujadike bualu ebu, bobu ne bintu bionsu bidi bimenapu.

Yeshaya 40:26

Tangila mu diulu muamua. Monayi mudiye mufuke mitotu, muvuaye muyipatule bungi buayi, bu tshiluilu tshia bilobu. Udi muyiteke yonsu bua imukuatshile mudimu. Bu mudiye ne bukole bupite bunene, kabidi ne bumfumu, yonsu idi yitaba diyi diende, padiye uyibikila, uyituma.

Yeshaya 41:4

Uvua muenze bualu ebu nnganyi? Amu yeye udi mudianze kuamba bivua ne bua kuenzeka. Ke meme Maweja-Nangila, ndi ndudika malu a bantu. Ndiku, padibu babanga malu, nengikaleku, padibu baajikija.

Yeshaya 43:10

Maweja-Nangila udi wamba ne: Bajadiki ba malu anyi, ke nuenu bantu banyi. Nudi bena mudimu banyi, bandi musungule. Dijinga dianyi didi ne: numanye, nuitabe, nujingulule ne: Meme ndi nganyi. Kumpala kuanyi, kakuvua mvidie, panyima panyi, kakuakuikala mvidie mukuabu.

Yeshaya 43:11

Maweja-Nangila, ke meme, ke meme nkayanyi. Meme tshiyiku, kakuena musungidi to.

Yeshaya 44:1

Kadi mpindiewu, teleja, wewe tshisamba tshia Yakobe. Wewe Izrayele, muena mudimu wanyi, undi musungule.

Yeshaya 44:6

Maweja-Nangila, mukalenga wa bena Izrayele, udi uludika, ulama bantu bende. Yeye ke Maweja-Nangila muena bukole buonsu. Udi ukuambila, wewe Izrayele, ne: “Meme ndi wa kumpala, ndi kabidi wa ndekelu. Kakuena Mvidi Mukulu mukuabu, amu meme.

Yeshaya 46:3

Nuenu bena Izrayele, ntelejayi, nuenu bena Yakobe badi bashala ne muoyi, nuenu bandi mulame katshia banulela, katshia nuamona diba.

Yeshaya 46:4

Nengikale amu nnulama nenku too ne munuakulakaja. Nennulame bo bo bo, too ne munuatoka nsuki. Meme ke uvua munuambule kale, ntshidi amu nnuambula ne ku lelu. Eyowa, nuenu ke bandi mulame. Nennusungidile.

Yeshaya 49:1

Nuenu bantu badi basomba kule, ntelejayi meme. Bisamba bia mu matunga a kule, teyayi matshi enu kundi. Maweja-Nangila uvua mumbikile meme, mamu kayi muanji kundela. Meme mutshikale munda mua mamu, ukavua munsungule bu muena mudimu wende.

Yeshaya 51:1

Maweja-Nangila udi wamba ne: “Nuenu badi bakeba lupandu, nuenu badi balukeba kundi, ntelejayi. Tangilayi mudibu banusonge ne dibue dia mu lubuebue lukole. Vulukayi mudibu banupatule muaba udibu bapandila mabue mimpe.

Yeshaya 51:4

Maweja-Nangila udi wamba ne: “Nuenu bantu banyi, ntelejayi bimpe. Nuenu bena ditunga dianyi, teyayi matshi enu kundi. Meme ke udi umanyisha bantu meyi. Meyi ne mikandu bindi ngela, nebitokeshile bantu ba pa buloba njila.

Yeshaya 51:7

“Ntelejayi, nuenu badi bamanye tshindi musue. Nuenu bantu banyi badi bangata meyi anyi ne mushinga, kanutshinyi bantu badi banupenda. Kanutu bundu bua padi bantu banuseka.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Matayi 20:16

Ke Yezu kuamba kabidi ne: nanku ba ndekelu nebikale ba kumpala; ba kumpala nebikale ba ndekelu.

Rome 1:6

Nuenu kabidi nudi bamue ba ku bantu abu. Mvidi Mukulu mmunubikile bua nuikale bantu ba Yezu Kristu.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

1 Korente 1:24

Kadi bua bonsu badi Mvidi Mukulu mubikile, nansha bena Yuda nansha bantu ba bisamba bikuabu, Kristu udi bukole bua Mvidi Mukulu, kabidi ne meji a Mvidi Mukulu.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Didimanyisha 1:8

Maweja-Nangila, Mvidi Mukulu wa bukole buonsu, udiku, uvuaku, wafikaku, udi wamba ne: “Meme ndi Alfa ne Omega.”

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Didimanyisha 2:8

— Fundila mutumibue wa Tshisumbu tshia bena ditaba ba mu Smirna ne: “Wa kumpala ne wa ndekelu, uvua mufue, kadi mupete tshiakabidi muoyi, udi wamba ne:

Didimanyisha 22:13

Ndi Alfa ne Omega, wa kumpala ne wa ndekelu, ntuadijilu ne nshikidilu.”