Yeshaya 47:9 - MUKANDA WA MYIDI MUKULU

⁹ Kadi makenga aa abidi, neakukuate amu dituku dimue. Neufuishe bana bebe ne bayebe amu diatshimue. Bionsu ebi nebikuenzekele, nansha baloji ne bena majimbu benza tshinyi ne ntshinyi, bua kukusungidila.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi malu â abidi neakukuate mu tshituha tshia diba tshia dituku dimue, lufu lua bana, ne lufu lua bayebe diatshimue; mu tshiuwidi tshiau tshionso malu â nealue kûdi munkatshi mua bungi bua malu ebe a buloshi, ne malu a bungi a kulowa kuebe.

Yeshaya 47:9 교차 참조

Misambu 73:19

Nebabutuke ku mubunyi wa disu. Lufu luabu lubi nelukuatshishe bantu bowa!

Yeshaya 13:16

Nebazaze bana babu, bobu batangile. Nebapawule bintu biabu, nebabuelele bakaji babu mu nzubu ku bukole.

Yeshaya 21:9

Wamanya! Ke muntu awu ufika, mubande mu ditempu dikoka kudi tubalu. Udi wela lubila ne: ‘Mbakuate tshimenga tshia Babilone. Mbatshikuate! Mpingu ya mvidie yende mbayitonkole panshi, mmitshibuke bitupa bitupa!’ ”

Yeshaya 47:11

Nenku, makenga neakukuate, audi kuyi mua kuepuka. Kabutu nekapone pambidi pebe, kaudi kuyi mua kunyema. Mvula wa tshipupu neakutokele diakamue, uudi kuyi muelele meji.

Yirmeya 15:9

Mamu muena bana muanda mutekete, uvuabu bela ka lumbandi, udi ushala kayi ne muana. Kena ne mushindu wa kueyakana bimpe kabidi to. Diende diba divua dibuela munda munya. Bundu buamukuatshi! Lumu luende ndujimine! Pikala bakuabu bashale ne muoyi, baluishi babu nebabashipe. Meme Maweja-Nangila ndi njadika nanku.

Yirmeya 51:29

Buloba budi buzakala! Tshikumina tshidi tshienzeka! Bualu Maweja-Nangila udi ukumbaja tshivuaye muambe. Udi unyoka ditunga dia Babilone. Udi udienza tshipela, muaba udi bantu kabayi mua kusomba.

Danyele 2:2

Mukalenga kubikidisha babuki ba mbuku, benji ba majimbu, bapaki ba manga ne bena bilengulengu, bua kumujinguluilabu tshilota tshiende. Kufikabu, kuimanabu kumpala kua mukalenga.

Danyele 4:7

Pamvua mulale mu bulalu buanyi, mvua mulote nenku: Mutshi mule uvua muimane kulu munkatshi mua buloba.

Danyele 5:30

Butuku buvua bulonda, kushipabu Baltazare, mukalenga wa ditunga dia Babilone.

Danyele 5:7

Mukalenga kuela diyi dikole ne: bafike ne bena meji ba mu Babilone, benji ba majimbu, bena bilengulengu ne bamanyi ba malu a mitotu. Kubambilaye ne: — Muntu yonsu wabala tshidibu bafunda etshi, watshinjinguluila, nebamuvuadike bilamba bia lumu. Nebamuele mabue a tshiamu tshia mpawungi mu nshingu. Neikale umue wa ku balombodi banene ba mu ditunga.

Nahume 3:4

Wewe Ninive uvua bu mukaji muena tshiendenda, ulobesha bantu ne buimpe buebe, kabidi ne majimbu ebe. Uvua mukuate bisamba ne matunga ku bupika, mubitekeshe ku buendenda ne majimbu biebe.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!

Rute 1:20

Kadi Nowemi kubandamuna ne: — Kanumbikidi kabidi ne Nowemi (mmuena diakalenga), kadi numbikile ne: Mara (Kabungama), bualu Mvidi Mukulu wa bukole buonsu mmunkengeshe bikole.

Rute 1:5

Malone ne Kiliyone kufua kabidi. Nowemi kudishadila, kayi mulume kayi bana.