Yeshaya 47:3 - MUKANDA WA MYIDI MUKULU

³ Lekela kumvua bundu. Leja bantu, bamone biudi musokoke. Meme nendisombuele, muntu nansha umue kayi unkandika.

Mukanda wa Nzambi Dihungila Dikulukulu ne Dihungila Dihia-dihia 2003

³ Butaka buebe nebusokoloke, e, bundu buebe nebumueneke ku mesu kua bantu. Nendisombuele, ne tshiena ndengesha ne muntu.

Yeshaya 47:3 교차 참조

Genese 3:7

Pashishe mesu abu bonsu babidi kutabala. Kujingululabu ne: tudi butaka. Kukuatakajabu mabeji a mutshi wa tshinyi bua kuvuala bu bilamba.

Yeshaya 20:4

Mukalenga wa bena Ashure neaye kuende ne bantu, bana ne bakulumpe, badiye mukuate mu Ejipitu, ne mu ditunga dia bena Kushe. Bonsu aba nebaye kabayi ne bilamba pambidi, nansha bisabata ku makasa. Bena Ejipitu nebafue bundu, padibu batangila bantu kunyima kutupu.

Yeshaya 3:17

Nenku Maweja-Nangila neabakungule mu mutu, neabashiye butaka.

Yeshaya 35:4

Ambilayi badi batekesha mu maboku ne: “Kanutshinyi, kolayi bo bo bo, Mvidi Mukulu wenu udiku! Udi ufika bua kunusombuela, bua kupingajila bena lukuna benu malu mabi avuabu banuenzele. Yeye mene udi ufika bua kunupandisha.”

Yirmeya 13:22

Nanku neukonke ne: “Makenga onsu aa adi ankuata bua tshinyi?” Bu muudi wenza tshilema tshinene, nebakuvule bilamba, babibandishe too ne ku mutu, nebakuenzeje malu ku bukole.

Yirmeya 13:26

Meme nenkuvule bilamba, nembibandishe too ne ku mutu webe, bua bakumone butaka.

Yirmeya 51:11

Maweja-Nangila udi musue kubutula ditunga dia Babilone. Udi ukolesha bakalenga ba bena Madayi ku muoyi, bua bakumbaje tshidiye musue. Udi udisombuela, bua nzubu wende wa tshijila uvuabu banyange. Nonayi mikete yenu, nuyele tente mu nsapu.

Yirmeya 51:4

Bantu bavuabu batape mputa nebalale panshi, mu buloba bua Babilone. Bitalu bia bantu bafuile mu mvita nebiuwule mu misesu ya tshimenga tente.

Yirmeya 51:56

Badi basemena pabuipi ne Babilone bua kumukuata. Badi bakuata bilobu, batshibula mata abu. Bualu Maweja-Nangila udi Mvidi Mukulu udi mumanye mua kusombola. Udi upingajila muntu yonsu bivuaye muenze.

Yezekiyele 16:37

Ke pandi nsangisha balume bonsu bauvua udisankisha nabu, ne bauvua munange, ne bauvua mubenge. Meme mumane kubasangisha bafume nseke yonsu, nenkuteke kumpala kuabu, nenkuvule bilamba biebe bionsu, bobu batangile.

Nahume 3:5

Maweja-Nangila wa bukole buonsu, udi wamba ne: Ninive, nenkunyoke, nenkukopuele bilamba ku mutu, mubandishe too ne ku mpala. Nenkushiye butaka ku mesu a bukua bisamba, bonsu nebakumone muudi.

Rome 12:19

Balunda banyi, kanudisombuedi. Kadi nuanyishe amu bua Mvidi Mukulu aleje bantu tshiji tshiende. Bualu Mukanda wa tshijila udi wamba ne: “Meme Maweja-Nangila, nensombuele. Nembapingajile bubi buvuabu benze.”

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”

Didimanyisha 16:19

Tshimenga tshinene tshiena tshipanduluke mu bitupa bisatu. Bimenga bia matunga onsu kuupuka. Mvidi Mukulu kavua mupue Babilone munene muoyi. Kumunuishaye maluvu a mu dikopu diende, divua tente ne tshiji tshiende tshikole.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!