Yeshaya 47:2 - MUKANDA WA MYIDI MUKULU

² Angata mabue abidi a kupela nawu, upele bukula. Umbushe tshilamba tshidi tshikubuikila mpala. Ubandishe muntumpu uudi muele, uleje bantu mikolu yebe, bua umone mua kusabuka musulu.

Mukanda wa Nzambi Dihungila Dikulukulu ne Dihungila Dihia-dihia 2003

² Angata mpelu ya mabue, hela nʼai bukula; umushe tshilulu tshidi tshikudika ku mpala, uvule tshilulu tshiebe tshile hamʼbidi hebe, uvule tshilulu tshia ku mikolo yebe, uhitshile mu misulu.

Yeshaya 47:2 교차 참조

Genese 24:65

Kukonkaye muena mudimu wa Abrahame ne: — Muntu udi mutuvuile mu mpata bua kutuakidila nnganyi? Muena mudimu kuandamuna ne: — Ke Izake mfumuanyi. Rebeka kudibuikila tshilamba ku mesu.

1 Kulondolola 19:4

Nanku, Anune kukuatshisha balombodi ba mu bukalenga bua Davide abu. Kubabeyabu miedi. Kukosabu bilamba bivuabu bavuale, kushalabi bishikidila pa mataku. Kubalekelabu bua bapingane kuabu.

Yobe 31:10

nanku mukajanyi akuatshile muntu mukuabu mudimu. Balume bonsu bamubuelele mu nzubu!

Ekesode 11:5

Nenshipe muanabute yonsu wa bena Ejipitu biangatshile kudi muanabute wa mukalenga, uvua mua kupiana bumfumu bua ditunga too ne kudi muanabute wa mukaji mupika udi upelesha bukula. Nenshipe kabidi bamuanabute ba bimuna.

Muambi 12:4

Matshi ebe kaakumvua kabidi mutoyi wa mu njila, nansha muadi wa tshiamu tshidi tshipelesha bukula, nansha muadi wa nyunyi, nansha misambu idi bantu bimba.

Yeshaya 20:4

Mukalenga wa bena Ashure neaye kuende ne bantu, bana ne bakulumpe, badiye mukuate mu Ejipitu, ne mu ditunga dia bena Kushe. Bonsu aba nebaye kabayi ne bilamba pambidi, nansha bisabata ku makasa. Bena Ejipitu nebafue bundu, padibu batangila bantu kunyima kutupu.

Yeshaya 3:17

Nenku Maweja-Nangila neabakungule mu mutu, neabashiye butaka.

Yeshaya 3:23

mintumpu, mitelu mimpe, bitambala bia mu nshingu, ne bia ku mutu.

Yeshaya 32:11

Nuenu bakaji badi kabayi basumpakena tshintu, zakalayi, nuenu bana ba bakaji badi benda bu badi kabayi ne lutatu, nusumpakane. Vulayi bilamba bienu, vualayi bilamba bia madilu mu tshimonu.

Yirmeya 13:22

Nanku neukonke ne: “Makenga onsu aa adi ankuata bua tshinyi?” Bu muudi wenza tshilema tshinene, nebakuvule bilamba, babibandishe too ne ku mutu, nebakuenzeje malu ku bukole.

Yirmeya 13:26

Meme nenkuvule bilamba, nembibandishe too ne ku mutu webe, bua bakumone butaka.

Yirmeya 25:10

Meme nenjikije maja mu bibilu bienu, mbila ya disanka, ne misambu ya batshidi baselangana. Bantu kabakuikala kabidi ne ntete ya kutua mu tshinu, nansha ne mafuta a kuela mu muendu.

Yirmeya 27:7

Matunga onsu neikale ku bumfumu buende, ku bumfumu bua muanende, ne bua muikuluende. Kadi tshikondu netshifike tshidi baluishi bakuata ditunga diende. Nedishale ku bumfumu bua matunga adi madipite ku bukole. Mukalenga wadi neikale ku diyi dia bakalenga badi bamupita bukole.

Muadi 5:13

Bansongalume badi bambula dibue dia tshipelelu, bana ba balume badi batetuka, bua bujitu bua nkunyi.

Osheya 2:3

Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”

Mika 1:11

Nuenu badi basombe mu Shafire, muangalayi, nunyeme ne bundu, kanuyi bia kuvuala! Badi basomba mu Saanane, kabena bakimina kupatuka mu tshimenga. Badi badila mu tshimenga tshia Bete-Eshele, bualu nansha munda mua tshimenga mudi amu njiwu.

Matayi 24:41

Pikala bakaji babidi bapela ntete ku dibue, nebangate umue, balekele mukuabu.

Luke 17:35

Ku bakaji babidi bikale batue ntete mu tshinu tshiapamue, nebaye ne umue, bashiye mukuabu. [

1 Korente 11:5

Kadi pikala mukaji utendelela munkatshi mua bantu ku mutu kutupu, nansha ubamanyisha malu avua Mvidi Mukulu mumuambile, udi ufuisha bayende bundu, bualu udi bu mukaji udibu bakungule mutu.

Balombodi 16:21

Nanku bena Peleshete kumukuata, kumutonkona mesu. Kuyabu nende mu tshimenga tshia Sora. Kumusuikabu ne nkanu mikunze, kumuela mu nzubu wa lukanu. Kumuenzejabu muaba awu mudimu wa kushipula ntete.