Yeshaya 43:2 - MUKANDA WA MYIDI MUKULU

² Pawapitshila mu mayi, nengikale nebe. Pawasabuka misulu, kuena udiinamu to. Pawikala mupitshile mu kapia, kuena upiamu. Ndimi ya kapia kayena ikosha.

Mukanda wa Nzambi Dihungila Dikulukulu ne Dihungila Dihia-dihia 2003

² Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Yeshaya 43:2 교차 참조

Yobe 5:19

Mvidi Mukulu neansungidile mu njiwu, too ne ku diba didi dikenga kadiyi mua kukukuata kabidi to.

Misambu 23:4

Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

Misambu 32:6

Ke mudi bantu bebe bonsu mua kukutendelela diba dia dikenga. Nansha babuele ne kasuki mu njiwu minene, badi amu bapanda.

Misambu 66:10

Mvidi Mukulu wetu, udi mututete, mutulengeje, mudibu bengulula tshiamu tshia mushinga mukole mu kapia.

Misambu 66:12

Uvua muanyishe bua baluishi betu batudiate mu mutu ne nyama ya tubalu. Tuvua ne bua kupitshila mu kapia ne mu mayi. Kadi wewe kutupatulamu bua tuikishe.

Misambu 91:15

Pambikilaye bua kumuambuluisha, nemmuambuluishe, mu dikenga nengikale pabuipi nende, nemmusungidile, nemmutumbishe.

Ekesode 14:29

Kadi bena Izrayele bavua bapita munkatshi mua mayi manene ku makasa kume, mayi mimane bu tshimana ku dia balume, tshikuabu ku dia bakaji.

Ekesode 3:12

Mvidi Mukulu kumuandamuna ne: — Meme ndi nebe. Ndi nkupa tshimanyinu tshidi tshileja ne: Meme ke udi mukutume. Wewe mumane kupatula bena Izrayele mu ditunga dia Ejipitu, nenuntendelele pa mukuna wa Sinayi ewu.

Yeshaya 29:6

Maweja-Nangila muena bukole buonsu neakuambuluishe, ne makubakuba a mvula, ne bikumina, ne mvunde wa tshipupu, ne ndimi ya kapia idi ibutula bintu bionsu.

Yeshaya 30:27

Monayi, Maweja-Nangila nkayende udi ufika, ufumina kule. Kapia ne muinshi bidi bileja tshiji tshikole tshidiye natshi. Udi wakula ne tshiji. Miaku yende idi bu kapia kadi kosha.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 41:14

Izrayele, tshisamba tshia Yakobe, lekela kutshina. Bakuabu badi bakumona bu kantu kakese, bu kishi kadibu mua kudiata ku makasa. Kadi meme nkayanyi nenkuambuluishe. Meme Maweja-Nangila ndi njadika nanku. Meme Mvidi Mukulu wa tshijila wa bena Izrayele, nenkusungidile.

Yeshaya 43:5

Kutshinyi to. Meme ndi nebe. Nempingaje bana bebe mu ditunga, badi luseke ludi diba dipatukila. Nensangishe bebe bonsu, bafume kudi diba dibuelela.

Yirmeya 42:11

Kanutshinyi mpindiewu mukalenga wa bena Babilone. Meme Maweja-Nangila ndi nnuambila ne: kanutshinyi, bualu ndi nenu, bua kunusungidila, bua kumukandika, bua kankengeshi.

Yirmeya 46:28

Maweja-Nangila udi wamba ne: Wewe Izrayele muena mudimu wanyi, kuikadi ne bowa to. Bualu ndi nebe. Nembutule bisamba bionsu, miaba yonsu imvua munutangalaje. Kadi tshiakukubutula wewe to. Bushuwa mvua anu ne bua kukunyoka, bualu tshiena mua kukutangila bu muntu udi kayi muena tshibawu!

Danyele 3:23

Bantu aba basatu, Shadrake, Meshake ne Abede-Nego, kuya kupona mu tshikutu tshia kapia basuika.

Agayi 1:13

Pashishe Maweja-Nangila kutuma muambi Agayi bua kuambila bantu ne: — Meme Maweja-Nangila ndi nnulaya ne: Nengikale nenu.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.

2 Timote 4:22

Mfumu ikale nebe. Dinanga dia Mvidi Mukulu dishindame munda muenu.

Ebrewu 11:29

Amu bua ditaba diabu, bena Izrayele kusabuka Mayi manene makunze bu mudibu benda mu buloba buume. Kadi pavua bena Ejipitu batete mua kusabuka, kudinabu mu mayi.

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.