Yeshaya 42:3 - MUKANDA WA MYIDI MUKULU

³ Tshituuta tshitshibuke, kena utshikosa. Kapia katshifuima, kena mua kukajima. Kadi udi utuadila bantu bilenga bindi mubalongoluele.

Mukanda wa Nzambi Dihungila Dikulukulu ne Dihungila Dihia-dihia 2003

³ Kena utshibula disele didi diamba kukoseka, kena ujima kalulu ka muinda kadi kafuîmba muishi. Neavuishe kulumbulula kuakane mu dilamata diandi dia malu a bushuwa.

Yeshaya 42:3 교차 참조

Misambu 147:3

Udi usamba bantu badi ne dibungama mu muoyi, ubondapa padibu batapika.

Misambu 54:5

Bantu bandi tshiyi mumanye, badi banduisha, bena tshinyangu badi basue kunshipa. Kabena batshina Mvidi Mukulu.

Misambu 94:15

Muntu muakane neabinge tshiakabidi, ne bantu bonsu ba muoyi mujalame, nebamulonde.

Misambu 96:13

kumpala kua Maweja-Nangila, bualu udi ufika, udi ufika bua kulumbuluisha bantu ba pa buloba. Udi mukoshi mulelela wa bilumbu bia bantu.

Misambu 98:9

kumpala kua Maweja-Nangila, bualu udi ufika. Udi ufika bua kukosa nsambu ya badi pa buloba, neikale mukoshi wa nsambu muakane wa bantu, mulumbuluishi wa bukua bisamba, kayi kansungansunga.

Yeshaya 2:4

Neakose nsambu ya bisamba pa yoyi, nealumbuluishe bantu bonsu. Nebandamune mafuma abu, ne miele ya mvita, bishale nkasu ne bikasu, bia kudima ne kunowa nabi. Tshisamba katshitshiena tshiluisha tshikuabu. Bantu kabatshiena balongeshangana mvita.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yeshaya 42:2

Yeye kena wela lubila, kena ujuula mutoyi. Diyi diende kabakudiumvua mu misesu minene.

Yeshaya 50:10

Padi muntu wa kunudi muitabe bumfumu bua Maweja-Nangila, ateleje muena mudimu wende. Padi muntu wa kunudi wenda mu miidima, kayi umona butoke, adifile kudi Maweja-Nangila, atekemene kudi Mvidi Mukulu wende.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Yeshaya 63:1

Nganyi ewu udi ufuma ku Edome, mu tshimenga tshikulu tshia Bosra, ne bilamba bikunze kunzuu? Udi muvuale tshinkutu tshiende. Udi wenda mpala muele mulu, mudiumvue mudiye ne makanda! Maweja-Nangila udi wandamuna ne: — Ke meme! Ndi mufike bua kukosa nsambu, ndi mufike bua kunyoka bukua matunga, bua nsungidile bantu banyi.

Yeshaya 66:2

Tshionsu tshinudi numona, meme ke udi mutshienze ne bianza bianyi. Ndi nnuambila ne: bionsu ebi mbianyi. Kadi muntu undi ntangila ne disanka, ke muena muoyi wa bupuekele, udi unyingalala bua mibi yende, udi uteleja diyi dianyi ne luzakalu, ungitaba.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Yirmeya 31:25

Bualu badi bapungila ne nyota, nembapeshe mayi a kunua, badi batekete ne nzala, nembadishe.

Yezekiyele 34:16

Nenkebe mukoku uvua mujimine, nempingaje mu tshikumbi uvua mupambuke, nensuike buanga pa mputa wa uvua mutapike, nemfululule uvua usama. Kadi nembambishe udi ne mafuta mapite bungi, nansha udi ne bukole bua bungi, bua kauyi kutatshisha mikoku mikuabu. Nendame mikoku yanyi anu bimpe.”

Mika 7:9

Maweja-Nangila mmutunyoke ne tshiiji, bualu tuvua bamuenzele bibi. Kadi diba nedifike didiye utulumbuluisha, utubingisha. Yeye neatupingaje mu butoke, neatuenzele malu mimpe mavule.

Matayi 11:28

Vuayi kundi, nuenu bonsu badi bapungile ne bujitu bunudi nuambula. Meme nelumpeteshe dikisha.

Matayi 12:20

Dilenga dibendame, kakuditshibula. Kakujima muendu utshidi ne kapia kakese. Neenze nanku too ne padi malu mimpe andi musue, atshimuna panu.

Yowanane 20:27

Pashishe kuambilaye Tomase ne: — Teka munu webe apa. Tangila bianza bianyi. Tuma tshianza tshiebe, utshibueje mu lubadi luanyi. Lekela kuela mpata, itaba!

Yowanane 5:30

— Tshiena mua kudienzela bualu nansha bumue to. Ndi nkosa nsambu bilondeshile bidi Mvidi Mukulu ungambila. Ndi nkosa nsambu pa yoyi, bualu tshiena nkeba kuenza tshindi musue, kadi amu tshidi uvua muntume musue.

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.