Yeshaya 40:13 - MUKANDA WA MYIDI MUKULU

¹³ Uvua mufundile Mvidi Mukulu tshia yeye kuenza, nnganyi? Nganyi uvua mupe Mvidi Mukulu meji?

Mukanda wa Nzambi Dihungila Dikulukulu ne Dihungila Dihia-dihia 2003

¹³ Wakulombola Nyuma wa Yehowa nganyi? Anyi wakumuyisha meji bualu bua udi mufidi wandi wa meji nganyi?

Yeshaya 40:13 교차 참조

Genese 1:2

Pa buloba pavua tshianana kapayi tshintu, anu midima miaba yonsu. Mueyelu wa Mvidi Mukulu ke uvua unyunguluka pa mayi.

Yobe 21:22

Muntu udi mua kulongesha Mvidi Mukulu malu anyi? Mvidi Mukulu ke udi ulumbuluisha ne batumibue bende mene.

Yeshaya 41:28

Meme mvua mutangile, kadi tshiena mumone mvidie. Munkatshi mua mvidie yonsu, kamuena udi mua kufila meji, undi mua kukonka bualu, udi mua kungandamuna.

Yirmeya 23:18

Kadi muambi kaayi uvua mubuele nanyi mu tshipangu? Nganyi uvua mumone nansha mumvue tshimvua ngamba meme Maweja-Nangila? Nganyi uvua mujingulule muvua muaku wanyi?”

Luke 10:22

“Tatu wanyi mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, anu Muana nkayende, kabidi ne bantu badi Muana musue kumanyisha Tatuende.”

Yowanane 1:13

Kabena babalele ku bukole bua mashi, mudi tatu wa pa buloba ulela muana. Kadi Mvidi Mukulu nkayende ke udi mubapeshe muoyi mupiamupia.

Rome 11:34

Ke mudi Mukanda wa tshijila wamba ne: “Udi mumanye meji a Maweja-Nangila nnganyi? Udi mua kuikala mufidi wende wa ngenyi, udiku anyi?

1 Korente 2:16

Ke padi Mukanda wa tshijila wamba ne: “Udi mumanye lungenyi lua Mfumu nnganyi? Udi mua kumupesha lungenyi udiku anyi?” Kadi lungenyi lua Kristu, tuetu tudi nalu.

Efeze 1:11

Munda mua Kristu, tudi bafike muaba wa lupandu. Mvidi Mukulu mmudianze kutusungula muvuaye musue. Bualu Mvidi Mukulu udi ukumbaja bionsu, amu muvuaye mubijadike, mujinge kabidi ne: bikale nanku.