Yeshaya 4:6 - MUKANDA WA MYIDI MUKULU

⁶ mudi mabeji a mutshi afila dileji mu munya, mudi nzubu wa kupengama wambuluisha muntu diba didi mvula wa tshipupu uloka, nansha didi tshipepele tshijuuka.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Tshitandatanda netshikaleku bua kubaha dileshi mu diba dia munya mukole, ne bua kuikalatshi tshinyemenu ne tshibuikidi halua tshihuhu ne nvula.

Yeshaya 4:6 교차 참조

Misambu 27:5

Nanku diba dia dikenga, neambueje mu nzubu muende, neanteke kaba kakole pa mukuna udiye usomba.

Misambu 55:8

Mvua mua kudiela lubilu, mpete muaba wa kusokoma,

Misambu 91:1

Muntu udi usokomena kudi Mvidi Mukulu Muena kulu, ubutamine kudi Wa kukole buonsu.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Yeshaya 14:32

Bantu badi bena Peleshete batume, tubandamune tshinyi? Tubandamune ne: — Maweja-Nangila nkayende mmuase Siyone. Ke muaba udi bapele bende baye kusokomena.

Yeshaya 25:4

Bualu bapele ne bena dikenga bavua banyemena kuudi, wewe kubalama bimpe. Wewe uvua bu muaba wa kupengamena, diba didi mvula mukole uloka. Uvua bu muaba wa dileji, padi diba diosha buloba. — Bualu tshikisu tshia bena tshinyangu, tshidi bu mudi mvula wa tshipupu,

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Yeshaya 32:1

Nanku mukalenga neafike, mukalenga udi ulombola bantu bende mu buakane. Balombodi ba mu bukalenga buende, nebalonde amu njila wa buakane.

Yeshaya 32:2

Yonsu wa kudibu neenze amu bimpe, yonsu neikale bu muaba utudi mua kunyemena, padi lupepele ne mvula wa tshipupu bitukuata. Yonsu neikale bu musulu udi upueka mu buloba buume, bu dileji didi lubuebue lunene lufila mu ditunga dia luya lupite.

Yeshaya 8:14

Meme ndi muaba udi bantu mua kunyemena. Kadi ndi kabidi dibue, dia kukuma dikasa kudishinda. Ndi dibue didi dishinda makalenga onsu abidi, bua bena Izrayele ne bua bena Yuda. Ndi buteyi budi bukuata bena mu Yerushalayime.

Yezekiyele 11:16

Nanku, ambile bana benu banudi nabu mu bupika malu andi meme Maweja-Nangila Mvidi Mukulu mbambila ne: “Mvua munutume ku matunga a kule, munkatshi mua bantu benyi. Kadi kuine aku, ndi amu munkatshi muenu, ndi bu muaba wa tshijila.”

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Didimanyisha 7:16

Kabakumvua kabidi nzala musangu nansha umue. Nyota kayakubasuma. Munya kawakubosha. Luya lukole kaluakubabuela.