Yeshaya 4:1 - MUKANDA WA MYIDI MUKULU

¹ Dituku adi, bakaji muanda mutekete nebafuilakane mulume umue, bamba ne: “Kuditatshishi bua kutudisha, nansha bua kutuvuadika. Tudi tulomba amu, bua tuikale bakaji bebe, katushadi bakaji bakamba katuyi ne bana!”

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu dituku adi bakashi muanda mutekete nebakuate mulume umue ku tshianza, bamba ne, Netudie bidia bietu tuetu, netuluate bilulu bietu tuetu; kadi anji kuitabusha bua batubikile ku dina diebe; utûmushile bundu buetu.

Yeshaya 4:1 교차 참조

Genese 30:23

Rakele kuimita difu, kulela muana wa balume. Kuambaye ne: — Mvidi Mukulu wangumushi bundu ku mesu.

2 Samuele 6:23

Mikale, muana wa Shawule, kavua mulele muana too ne ku lufu luende!

Yeshaya 10:20

Dituku adi, bena Izrayele badi bashale ne muoyi, bena diku dia Yakobe badi kabayi bafue mu mvita, nebumuke kudi muntu uvua mubakume. Kadi nebanyemene kudi Maweja-Nangila, Mvidi Mukulu wa tshijila wa bena Izrayele. Nebamulamate kashidi.

Yeshaya 13:12

Nenkepeshe bantu, bashale bakese, bu tshiamu tshia mpawungi muimpe, bu mpawungi wa mu Ofire.”

Yeshaya 17:7

Dituku adi, bantu nebalonde tshiakabidi mufuki wabu. Nebatangile kudi Mvidi Mukulu wa tshijila wa bena Izrayele.

Yeshaya 2:11

Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Yeshaya 3:6

Bantu nebakuate muanabu wa mu tshiota, nebamuambile ne: “Wikale mfumuetu, bualu utshidi ne tshinkutu. Akaja ditunga dietu didi dinyanguke.”

Yeshaya 54:4

Kutshinyi to. Kuena ufua kabidi bundu to. Kabakukupetula kabidi to. Nebakunemeke. Neupue muoyi bundu buuvua nabu ku bunsongakaji buebe. Kuakuvuluka kabidi kapeja ka diba diutshivua mukamba.

Yirmeya 15:8

Mu ditunga amu, bakaji bakamba bavua bashale bapite lusenga lua ku muelelu wa mayi manene ku bungi. Meme kunyingalala munda munya, mamuende wa nsongalume, uvua tshilobu tshia mvita. Diakamue meme kukuatshisha mamuende bowa ne kanyinganyinga.

Luke 1:25

“Maweja-Nangila mmungambuluishe; mmunjikije mpindiewu bundu buvua bungenza ku mesu a bantu.”

Luke 21:22

Bualu matuku awu neikale matuku adibu bakosa nsambu ya bantu, bua kukumbaja bionsu bidibu bafunde mu Mikanda ya tshijila.

2 Tesalonike 3:12

Bantu abu tudi tubalomba, tubambila mu dina dia Mfumu Yezu ne: nukuate mudimu matuku onsu, bua nudipetele tshiakudia tshienu.

1 Samuele 1:6

Bu muvua Ane kayi mulele muana, Penina mukaji muibidi wa Elkana, uvua wenza muende muonsu bua kukengesha mukenende, umufuisha bundu.